Sefydlu a chynnal perthnasoedd gwaith

Mae’r safon hon yn cwmpasu sefydlu a chynnal perthnasoedd gwaith a gweithio’n effeithiol gyda phobl eraill. Mae hyn yn cynnwys cyfathrebu’n glir, cydweithredu ag eraill a helpu i wella ffyrdd o weithio gyda’ch gilydd.
 
Gallai hyn fod gyda’ch cydweithwyr, goruchwylwyr neu reolwyr, neu bobl sy’n allanol i’ch tîm, eich adran neu’ch sefydliad, gan gynnwys cyflenwyr a chwsmeriaid. Gall gynnwys gweithio gyda gwirfoddolwyr, hyfforddeion, pobl ar secondiad neu bobl ar brofiad gwaith.  Gallai gynnwys gweithio gyda phobl o wahanol gefndiroedd a diwylliannau, pobl ag anableddau neu broblemau iechyd neu bobl y mae eu hiaith gyntaf yn wahanol i’ch iaith gyntaf chi.
 
Mae’r safon hon yn addas i bawb sydd angen sefydlu a chynnal perthnasoedd gwaith fel rhan o’u rôl waith.

---

1. cyflwyno delwedd broffesiynol ohonoch eich hun a’r bobl rydych chi’n eu cynrychioli
2. nodi pobl o fewn y berthynas waith
3. bod yn ymwybodol o rôl, cyfrifoldebau a chyfyngiadau’r bobl rydych chi’n gweithio gyda nhw
4. meithrin perthnasoedd sy’n ategu eich gwaith
5. sefydlu ffyrdd o weithio a chyfathrebu
6. cyfathrebu mewn ffordd sy’n cefnogi perthnasoedd gwaith cynhyrchiol ac yn hwyluso dealltwriaeth
7. bod yn ymwybodol o negeseuon cyfathrebu dieiriau
8. addasu eich cyfathrebu fel y gall yr amrywiol bobl rydych chi’n gweithio gyda nhw ei ddeall
9. cytuno ar gamau gweithredu o gyfarfodydd, a’u cofnodi, yn unol â gweithdrefnau sefydliadol
10. cynnal cyfrinachedd ac amddiffyn hawliau eiddo deallusol
11. cydweithredu ag eraill i gyflawni canlyniadau, gan addasu eich rôl a’ch ymddygiad yn unol â hynny
12. derbyn y bydd gan bobl eraill safbwyntiau a disgwyliadau gwahanol i chi a’u parchu
13. trin pobl fel unigolion ac nid yn ôl disgwyliadau neu stereoteipiau
14. delio’n rhagweithiol â phethau sy’n mynd o le yn y berthynas
15. gwerthuso eich cyfraniad at y berthynas waith, pa mor dda y gwnaethoch chi gydweithredu ag eraill a sut gallech chi wella yn y dyfodol

---

1. y codau ymddygiad proffesiynol priodol wrth sefydlu a chynnal perthnasoedd gwaith
2. y ffyrdd y gallwch gyflwyno delwedd broffesiynol ohonoch eich hun a’r bobl rydych chi’n eu cynrychioli
3. y rhesymau pam mae perthnasoedd gwaith yn bwysig a sut gellir eu cynnal a’u gwella
4. y gofynion cyfreithiol a sefydliadol o ran cydraddoldeb a nodweddion gwarchodedig
5. pwysigrwydd sefydlu rolau, cyfrifoldebau a chyfyngiadau’r bobl rydych chi’n gweithio gyda nhw
6. sut mae dynameg tîm yn effeithio ar ymddygiadau, gan gynnwys gwerthoedd diwylliannol a daearyddol
7. cyfyngiadau eich cyfrifoldeb a’ch awdurdod
8. y rhesymau pam mae cyfathrebu effeithiol yn bwysig
9. sut i bennu’r dulliau cyfathrebu sy’n briodol i’r gynulleidfa ac i’r pwnc
10. y ffyrdd y gall fod angen addasu cyfathrebu at ddefnydd mewnol ac allanol
11. yr heriau wrth gyfathrebu â phobl y mae eu hiaith, eu tafodiaith neu eu ffordd o siarad yn wahanol i chi, a sut gellir goresgyn y rhain
12. ffyrdd o leihau camddealltwriaeth a gwella cyfathrebu
13. pwysigrwydd cynnal sgiliau gwrando da
14. sut gall eich defnydd o gyfathrebu dieiriau gael ei ddehongli gan bobl eraill a sut gall eu defnydd nhw o gyfathrebu dieiriau effeithio ar eich amgyffredion chi ohonyn nhw
15. pwysigrwydd peidio â defnyddio datganiadau dirmygus mewn sefyllfa waith
16. pwysigrwydd cynnal cyfrinachedd a gofynion o ran eiddo deallusol
17. sut i reoli gwahaniaethau neu broblemau gyda pherthnasoedd gwaith a’r gweithdrefnau sefydliadol ar gyfer datrys gwahaniaethau ac uwchgyfeirio problemau, pan fydd angen
18. pwysigrwydd gwerthuso eich cyfraniad at berthnasoedd gwaith a sut gellir gwneud hyn

---

---

---

---

---

---

---

Anabledd – defnyddir y term i gyfeirio at weithrediad unigol, gan gynnwys amhariad corfforol, amhariad synhwyraidd, amhariad gwybyddol, amhariad deallusol, salwch meddwl, ac amrywiol fathau o glefyd cronig.
 
Gallai dulliau cyfathrebu gynnwys:

• wyneb yn wyneb
• dros y ffôn
• cyswllt fideo
• neges ysgrifenedig
• neges lafar
• neges electronig
• e-bost
• cyfryngau cymdeithasol
• apiau
• gohebiaeth ysgrifenedig ffurfiol

Cyfathrebu dieiriau – iaith y corff, goslef y llais, ymddygiad
 
Nodweddion gwarchodedig:

• oedran
• anabledd
• ailbennu rhywedd
• priodas a phartneriaeth sifil
• beichiogrwydd a mamolaeth
• hil
• crefydd neu gred
• rhyw
• cyfeiriadedd rhywiol

Ffyrdd o leihau camddealltwriaeth a gwella cyfathrebu – er enghraifft, cymryd amser i wrando’n fanwl, gwirio’ch dealltwriaeth, dysgu’r confensiynau ar gyfer cyflwyniadau a chyfarchion, defnyddio ystumiau, osgoi idiomau, esbonio acronymau, defnyddio lluniau a diagramau, dysgu ychydig o ymadroddion yn iaith y person arall.

---

---

---

3

---

2029

---

Ar hyn o bryd

---

Gwreiddiol

---

Lantra

---

LANCS4

---

Cynorthwyydd Ceffylau, Coedyddiaeth a choedwigaeth, Ffermio Pysgod, Garddwriaeth a Gofal Anifeiliaid, Cadwraeth Amgylcheddol, Amaeth

---

3550

---

cyfathrebu; cydweithiwr; cyflenwr; cwsmer

---