Paratoi a defnyddio cyfarpar a pheiriannau

Mae’r safon hon yn ymwneud â’r gweithgareddau sy’n ofynnol i baratoi a defnyddio cyfarpar a pheiriannau yn ddiogel ac yn gywir, yn unol â chyfarwyddiadau’r gwneuthurwr, gofynion cyfreithiol a chodau ymarfer.

Nid yw’r safon yn ymwneud â chynnal a chadw cyfarpar a pheiriannau, sy’n cael sylw yn LANCS25. Mae’n ymwneud â’r gwiriadau a’r camau gweithredu rheolaidd, dydd i ddydd, sy’n ofynnol cyn ac ar ôl eu defnyddio, sy’n sicrhau bod cyfarpar a pheiriannau’n parhau i weithredu’n ddiogel ac yn effeithiol.

DS: nid yw’r safon hon yn ymwneud â defnyddio tractorau na cherbydau pŵer.

Wrth weithio gyda chyfarpar a pheiriannau, mae’n rhaid eich bod wedi’ch hyfforddi’n briodol a rhaid bod gennych ardystiad cyfredol, lle bo angen, yn unol â’r ddeddfwriaeth berthnasol.
 
Mae’n rhaid i’ch gwaith gydymffurfio â’r holl ddeddfwriaeth, codau ymarfer, safonau’r diwydiant a chanllawiau perthnasol.
 
Mae’r safon hon yn addas i bobl sy’n defnyddio cyfarpar a pheiriannau i wneud eu gwaith.

Cysylltiadau â NOS eraill:
LANCS25 Cynnal a chadw ac atgyweirio cyfarpar a pheiriannau

---

1. cynnal eich iechyd a’ch diogelwch eich hun ac iechyd a diogelwch pobl eraill bob amser, yn unol â’r ddeddfwriaeth a chodau ymarfer perthnasol
2. asesu’r risgiau sy’n gysylltiedig â’r ardal waith a’r gwaith sydd i’w gyflawni cyn dechrau gweithio a thrwy gydol y gweithgaredd, gan wirio a chadarnhau canfyddiadau unrhyw asesiadau risg presennol
3. cadarnhau bod yr holl hyfforddiant ac ardystiad perthnasol sy’n ofynnol i ddefnyddio’r cyfarpar neu’r peiriannau wedi’u cwblhau yn unol â deddfwriaeth berthnasol, cyfarwyddiadau’r gwneuthurwr a gofynion sefydliadol
4. cadarnhau bod y cyfarpar diogelu personol (PPE) priodol ar gyfer y gwaith i’w gyflawni yn cael ei wisgo drwy’r amser
5. dewis y cyfarpar neu’r peiriannau cywir ar gyfer y gweithgaredd gofynnol
6. paratoi’r cyfarpar neu’r peiriannau trwy gynnal gwiriadau a gweithredoedd cyn defnyddio, yn unol â deddfwriaeth, cyfarwyddiadau a manylebau perthnasol
7. cadarnhau bod y cyfarpar neu’r peiriannau yn ddiogel ac yn barod i’w defnyddio
8. defnyddio cyfarpar neu beiriannau, yn unol â deddfwriaeth, cyfarwyddiadau a manylebau perthnasol, gan sicrhau eich diogelwch chi a diogelwch pobl eraill
9. atal cemegion neu sylweddau peryglus rhag gollwng wrth baratoi a defnyddio cyfarpar neu beiriannau
10. lle bo angen atodiadau, eu defnyddio’n ddiogel ac yn gywir yn unol â chyfarwyddiadau’r gwneuthurwr
11. stopio a chau cyfarpar a pheiriannau i lawr ar ôl eu defnyddio i gynnal diogelwch, yn unol â chyfarwyddiadau a manylebau
12. gwirio cyfarpar neu beiriannau ar ôl eu defnyddio a’u gadael yn y cyflwr cywir i’w defnyddio yn y dyfodol
13. lle nodir diffygion a namau, sicrhau bod pob defnyddiwr yn gwybod bod y peiriant yn anniogel, dilyn gweithdrefn gwarantin i’w atal rhag cael ei ddefnyddio, cofnodi’r problemau, gyda dyddiad, a rhoi gwybod amdanynt
14. cynnal diogeledd cyfarpar a pheiriannau bob amser a’u storio yn unol â gweithdrefnau sefydliadol
15. delio’n effeithiol â phroblemau sy’n codi o fewn cwmpas a chyfyngiadau eich cyfrifoldebau eich hun a rhoi gwybod am broblemau na ellir eu datrys, yn unol â gweithdrefnau sefydliadol
16. cwblhau a storio’r holl ddogfennaeth berthnasol yn unol â gofynion cyfreithiol perthnasol a gweithdrefnau sefydliadol

---

1. sut i nodi peryglon ac asesu risgiau sy’n gysylltiedig â’r ardal waith a’r gwaith i’w gyflawni
2. y gweithdrefnau iechyd a diogelwch a’r Systemau Gweithio Diogel perthnasol
3. y gofynion cyfreithiol, y trwyddedau, yr ardystiad, y codau ymarfer, yr hyfforddiant a’r gofynion sefydliadol perthnasol ar gyfer defnyddio cyfarpar a pheiriannau
4. yr offer, y cyfarpar a’r cyfarpar diogelu personol (PPE) sy’n ofynnol ar gyfer y gwaith a sut i ddewis y rhain yn unol â’r gofynion cyfreithiol perthnasol, cyfarwyddiadau’r gwneuthurwr a gweithdrefnau sefydliadol
5. y gofynion cyfreithiol ar gyfer gwirio a phrofi cyfarpar a pham mae’n bwysig cynnal a chadw pob cyfarpar i safon uchel
6. sut i baratoi cyfarpar neu beiriannau cyn eu defnyddio a’r gwiriadau a’r gweithredoedd cyn defnyddio sy’n ofynnol
7. cyfarwyddiadau’r gwneuthurwr ar gyfer gweithredu’r cyfarpar neu’r peiriannau sy’n cael eu defnyddio
8. swyddogaeth yr holl reolyddion ac offerynnau ar y cyfarpar a’r peiriannau sy’n cael eu defnyddio
9. galluoedd a chyfyngiadau’r cyfarpar a’r peiriannau sy’n cael eu defnyddio a ffactorau a allai effeithio ar eu diogelwch a’u heffeithlonrwydd
10. y cemegion neu’r sylweddau peryglus a all fod yn bresennol o ffyrdd o’u hatal rhag gollwng
11. y mathau o atodiadau, lle bo angen, sy’n ddiogel i’w defnyddio gyda’r cyfarpar a’r peiriannau sy’n cael eu defnyddio, sut i’w ffitio’n ddiogel a sut i’w gosod a’u graddnodi
12. sut i weithredu a defnyddio atodiadau perthnasol yn ddiogel
13. y mathau o beryglon y gallech ddod ar eu traws wrth weithredu’r cyfarpar a’r peiriannau sy’n cael eu defnyddio a sut dylid delio â’r rhain
14. y problemau a all ddigwydd gyda’r cyfarpar neu’r peiriannau sy’n cael eu defnyddio, sut i’w nodi a’r camau i’w cymryd
15. pwysigrwydd cynnal gwiriadau rheolaidd ar gyfarpar a pheiriannau, sut i nodi diffygion a namau a’r camau i’w cymryd
16. sut i gau’r cyfarpar a’r peiriannau i lawr ar ôl eu defnyddio
17. y gweithgareddau ar ôl defnyddio y mae angen eu cyflawni i gynnal a chadw cyfarpar a pheiriannau a sicrhau eu bod yn cael eu gadael yn y cyflwr cywir i’w defnyddio yn y dyfodol
18. sut dylai cyfarpar a pheiriannau gael eu storio a phwysigrwydd diogeledd
19. pam mae’n bwysig cynnal diogelwch a diogeledd cyfarpar a pheiriannau bob amser
20. y gweithdrefnau sefydliadol ar gyfer cofnodi gweithrediad cyfarpar a pheiriannau, a’i adrodd, gan gynnwys cofnodi rhifau cyfresol

---

---

---

---

---

---

---

Gallai cyfarpar a pheiriannau gynnwys:
·        cyfarpar pŵer llaw
·        cyfarpar pŵer wedi’i lywio ar droed
·        cyfarpar gosodedig

Gallai cemegion neu sylweddau peryglus gynnwys:
·        tanwyddau
·        olewau
·        hylifau
·        nwyon
·        llwch
·        aer cywasgedig

Cyfarwyddiadau a manylebau:
·        lluniadau/cynlluniau
·        amserlenni
·        datganiadau dull
·        Gweithdrefnau Gweithredu Safonol (SOPs)
·        cyfarwyddiadau’r gwneuthurwr
·        gofynion y cwsmer
·        cyfarwyddiadau ar lafar

Mae gweithdrefnau sefydliadol yn cyfeirio at weithdrefnau sydd wedi’u gosod gan y sefydliad sy’n eich cyflogi neu’r sefydliad rydych chi’n gwneud y gwaith ar ei ran (y cleient neu’r cwsmer)

Gallai gwiriadau a gweithredoedd cyn defnyddio gynnwys:
·        gwiriadau diogelwch
·        glanhau
·        iro/seimio
·        gwirio hylifau ac ychwanegu atynt
·        miniogi
·        addasu
·        gwefru

System Weithio Ddiogel (SSoW) – dyma ddull gweithio sy’n rhoi mesurau rheoli ar waith sy’n deillio o asesiad risg, er mwyn rheoli peryglon a nodwyd, a rhennir y mesurau hyn yn bedair elfen: person diogel; cyfarpar diogel; lle diogel; ac arfer diogel.

---

LANCS25 Cynnal a chadw ac atgyweirio cyfarpar a pheiriannau

---

---

6

---

2029

---

Ar hyn o bryd

---

Gwreiddiol

---

Lantra

---

LANCS35

---

Ceidwad Parc, Coedyddiaeth a choedwigaeth, Garddwr, Gofalwr y Grîn, Gweithiwr Planhigfa, Gweithiwr Fferm Cyffredinol, Gweithiwr Cynhyrchu Ffrwythau a Llysiau

---

9111

---

peiriant torri gwair; torrwr cloddiau; strimiwr; dosbarthwr gwrtaith; peiriant malu coed; weldiwr; dril; turn

---