Adeiladu llwybrau neu wynebau
Trosolwg
Mae'r safon hon yn cynnwys adeiladu llwybrau neu wynebau.
Caiff adeiladu ei ddiffinio fel creu llwybr neu wyneb newydd, neu adnewyddu llwybr neu wyneb newydd.
Os ydych yn gweithio gyda chemegau neu beiriannau bydd angen i chi fod wedi cael hyfforddiant priodol neu wedi eich ardystio yn unol â'r ddeddfwriaeth bresennol.
Mae'r safon hon ar gyfer y rheiny sydd yn adeiladu llwybrau neu wynebau.
Mae'n rhaid i chi wneud eich gwaith mewn ffordd fydd yn lleihau unrhyw effaith ar yr amgylchedd naturiol ac yn gwella ei werth o ran natur, cadwraeth a hamdden.
Meini prawf perfformiad
Mae'n rhaid eich bod chi'n gallu:
- gwneud eich holl waith yn unol â'r ddeddfwriaeth amgylcheddol ac iechyd a diogelwch perthynasol, â'r gofynion asesu risg a pholisïau'r cwmni
- asesu'r safle cyn gweithredu i nodi unrhyw gyfyngiadau i'r gwaith a gynlluniwyd
- dewis, paratoi a defnyddio offer a pheiriannau yn unol â'r manylebau
- dewis deunyddiau i fodloni'r manylebau
- paratoi'r safle yn unol â'r manylebau
- adeiladu llwybrau neu wynebau yn unol â'r manylebau
- darparu sylfeini a draeniad yn unol â'r manylebau lle bo angen
- gwneud gwaith mewn ffordd sydd yn atal niwed i'r ardal gyfagos
- sicrhau nad yw defnyddwyr eraill y safle yn cael eu rhoi mewn perygl gan eich gwaith chi
sicrhau bod ymddygiad a chyflwr y llwybr neu'r wyneb yn bodloni'r manylebau
trin a chludo deunyddiau ac offer yn unol â'r rheoliadau
ymdrin â gwastraff yn ddiogel ac yn gywir yn unol â'r cyfarwyddiadau
- adfer y safle i gyflwr priodol ar ôl cwblhau'r gwaith
Gwybodaeth a Dealltwriaeth
You need to know and understand:
- eich cyfrifoldebau yn unol â'r ddeddfwriaeth amgylcheddol ac iechyd a diogelwch presennol, codau ymarfer a pholisïau'r cwmni
- pwysigrwydd archwilio'r safle cyn dechrau'r gwaith o ran peryglon, asesu risg a chyfyngiadau posibl
- y cyfyngiadau sy'n effeithio ar y gwaith e.e. presenoldeb strwythurau rhestredig, bywyd gwyllt, rhywogaethau nad ydynt yn gynhenid, ymledol neu wedi'u diogelu ac ati
- y peryglon y mae'r gwasanaethau ar y safle yn eu cyflwyno a sut i osgoi'r rhain
- sut i ddewis, paratoi a defnyddio offer, cyfarpar a deunyddiau sy'n berthnasol i'r manylebau y cytunwyd arnynt
- y dulliau addas ar gyfer paratoi'r safle
- y dulliau adeiladu ar gyfer mathau gwahanol o lwybrau neu wynebau
diben y llwybr neu'r wyneb
manteision ac anfanteision cymharol y mathau gwahanol o wyneb neu lwybr a'r sefyllfaoedd lle maent yn briodol
- y mathau o sylfeini sydd eu hangen
egwyddorion draenio ar gyfer llwybrau neu wynebau a sut i sicrhau ei effeithiolrwydd
rhinweddau'r cynnyrch gorffenedig sy'n ei wneud yn addas at y diben
- effaith bosibl eich gwaith ar yr ardal gyfagos a sut i leihau hyn
- sut i drin, cludo a gwaredu gwastraff yn unol â'r gofynion cyfreithiol a sefydliadol
- pam y mae'n bwysig cadw ardaloedd gwaith yn lân ac yn daclus wrth weithredu ac i adfer y safle ar ôl cwblhau'r gwaith
Cwmpas/ystod
Cwmpas Perfformiad
Gwybodaeth Cwmpas
Gwerthoedd
Ymddygiadau
Sgiliau
Geirfa
Gallai llwybrau a wynebau gynnwys traciau lludw, llwybrau rhisgl, llorlech, ardaloedd sefyll, llwybrau graean, llwybrau cerrig a llwybrau bordiau.
Mae'r manylebau yn cynnwys darluniau, amserlenni, datganiadau dull, Gweithdrefnau Gweithredu Safonol (SOP), canllawiau'r cynhyrchydd, â'r ddeddfwriaeth a goddefiannau.
Gall y cyfarwyddiadau fod yn rhai llafar neu ysgrifenedig