Cynorthwyo â chwilio am bobl sydd ar goll

Mae’r safon hon yn ymwneud â chynorthwyo â chwilio am bobl sydd ar goll. Mae’n cynnwys dilyn cyfarwyddiadau ynghylch y gofynion chwilio, gweithio gydag eraill i gyflawni’r chwilio, cyfathrebu’n gyson ag eraill a chynnal eich diogelwch eich hun.

Mae’r safon hon ar gyfer unrhyw un sy’n cynorthwyo â chwilio am bobl sydd ar goll.

1. cael y wybodaeth angenrheidiol i gynorthwyo â’r chwilio a chadarnhau unrhyw beth sy’n aneglur
2. cadarnhau eich rôl, eich cyfrifoldebau ac awdurdod llinellau adrodd
3. gwneud y paratoadau gofynnol i gymryd rhan yn y chwilio a gwirio bod y cyfarpar gofynnol wedi’i baratoi
4. dilyn y cyfarwyddiadau a ddarperir gan y rhai sy’n rheoli’r broses chwilio
5. cymryd y camau priodol o ran yr amodau chwilio ac unrhyw beryglon sy’n bresennol
6. sicrhau bod y dull chwilio a’r broses yn cyd-fynd â chyfarwyddiadau a’r amodau chwilio
7. cyfathrebu’n gyson â’r rhai sy’n cymryd rhan yn y chwilio a rhoi gwybod i’r sawl sy’n gyfrifol am unrhyw wybodaeth a gasglwyd
8. cynnal eich diogelwch yn ystod y broses chwilio
9. rhoi gwybod am unrhyw broblemau y daethoch ar eu traws a gofyn am gymorth, lle bo angen

1. y wybodaeth sy’n ofynnol i gynorthwyo â’r chwilio
2. pwysigrwydd cadarnhau eich rôl, eich cyfrifoldebau ac awdurdod llinell adrodd gyda’r rhai sy’n cymryd rhan yn y broses chwilio
3. sut i baratoi ar gyfer y chwilio a’r cyfarpar y mae ei angen
4. sut gall y tywydd, amser y dydd, amodau golau a’r tir effeithio ar weithgareddau chwilio
5. y mathau o beryglon a all fod yn bresennol yn yr ardal a’r camau i’w cymryd
6. pwysigrwydd dilyn cyfarwyddiadau a gweithio gydag eraill sy’n cymryd rhan yn y chwilio
7. yr amrywiol fathau o batrymau chwilio a phwysigrwydd dilyn dulliau chwilio yn unol â chyfarwyddiadau
8. y dulliau a’r gweithdrefnau ar gyfer cyfathrebu’n gyson ag eraill yn ystod y chwilio
9. pwysigrwydd rhoi gwybod i’r sawl sy’n gyfrifol am y chwilio am unrhyw wybodaeth a gasglwyd
10. pwysigrwydd asesu risgiau yn barhaus a chynnal eich diogelwch yn ystod y chwilio
11. y camau i’w cymryd os dewch chi ar draws problemau

Gallai cyfarpar gynnwys:

1. Cerbydau
2. Ysbienddrychau
3. Dronau
4. Radios
5. Megaffonau
6. Mapiau
7. Tortshys
8. Chwibanau
9. Blancedi
10. Cyfarpar cymorth cyntaf
11. Cŵn chwilio ac achub