Rheoli digwyddiadau ac argyfyngau yn y sector diwydiannau’r tir
Trosolwg
Mae'r safon hon wedi'i hanelu at y rheiny sy'n gweithio ar lefel reoli yn y sector diwydiannau'r tir ac y mae angen iddynt drin a rheoli digwyddiadau ac argyfyngau. Gallai'r rhain gynnwys tân, llifogydd, gollyngiadau, halogiad neu ddigwyddiadau amgylcheddol eraill (ar y tir neu yn y dŵr), lleoliadau troseddau, digwyddiadau ac argyfyngau meddygol, yn ogystal â digwyddiadau iechyd a diogelwch a diogeledd.
Mae'n bwysig bod gweithdrefnau ar waith i ymdrin â digwyddiadau ac argyfyngau. Mae'n rhaid i'r rhain gael eu cyfathrebu i'r rheiny y mae angen iddynt wybod, yn cynnwys gwybodaeth ynghylch sut i ddefnyddio cyfarpar brys, sut i gysylltu â'r gwasanaethau brys a ffynonellau cymorth eraill, a sut i gofnodi a hysbysu ynghylch manylion digwyddiadau ac argyfyngau.
Meini prawf perfformiad
Mae'n rhaid eich bod chi'n gallu:
- cadarnhau bod gweithdrefnau ar waith i ymdrin â digwyddiadau ac argyfyngau
- sicrhau bod gweithdrefnau a chyfarwyddiadau ar gyfer ymdrin â digwyddiadau ac argyfyngau yn cael eu cyfathrebu i'r rheiny y mae angen eu hysbysu
- cymryd cyfrifoldeb os bydd digwyddiad neu argyfwng ac ymateb yn brydlon gyda chamau gweithredu arfaethedig
- ceisio ac egluro gwybodaeth am y digwyddiad neu'r argyfwng
- galw am gymorth y gwasanaethau brys perthnasol neu ffynonellau cymorth eraill, lle bo angen, gan roi manylion llawn y digwyddiad neu'r argyfwng
- gweithio gydag ymatebwyr eraill lle bo angen
- darparu gwybodaeth berthnasol i bawb sydd yn gysylltiedig â'r digwyddiad neu'r argyfwng, neu wedi'u heffeithio ganddo, yn cynnwys unrhyw wybodaeth am risg posibl
rhoi cymorth a chyfarwyddyd i'r rheiny sydd yn gysylltiedig â'r digwyddiad neu'r argyfwng
sicrhau bod uniondeb y dystiolaeth yn cael ei warchod lle gallai fod ei angen gan y gwasanaethau brys neu bartïon eraill e.e. cwmni yswiriant, Awdurdod Gweithredol Iechyd a Diogelwch
cynnal eich diogelwch eich hun tra'n rheoli digwyddiadau neu argyfyngau
casglu gwybodaeth am y digwyddiad neu'r argyfwng a allai helpu i sefydlu'r achos a'i atal rhag digwydd eto
- sicrhau bod y weithdrefn ar gyfer cofnodi a hysbysu ynghylch digwyddiadau ac argyfyngau yn cael ei dilyn a bod y dogfennau gofynnol wedi'u cwblhau yn unol â'r gofynion cyfreithiol a sefydliadol perthnasol a graddfeydd amser
Gwybodaeth a Dealltwriaeth
You need to know and understand:
- y gweithdrefnau a'r cyfarwyddiadau penodol ar gyfer ymdrin â digwyddiadau ac argyfyngau, yn cynnwys gweithdrefnau gwacáu a chynlluniau wrth gefn
- pwysigrwydd cyfathrebu gweithdrefnau a chyfarwyddiadau i'r rheiny y mae angen eu hysbysu a sut dylid gwneud hyn
- pwysigrwydd ymateb yn brydlon i ddigwyddiad neu argyfwng a rhoi cyfarwyddyd
- pwysigrwydd ceisio ac egluro gwybodaeth am y digwyddiad neu'r argyfwng er mwyn llywio'r camau gweithredu
- sut i gysylltu â'r gwasanaethau brys neu ffynonellau cymorth perthnasol eraill a'r wybodaeth i'w rhoi iddynt
pwysigrwydd rhoi'r wybodaeth ddiweddaraf ac unrhyw risg posibl i'r rheiny sydd yn gysylltiedig â'r digwyddiad neu'r argyfwng, neu wedi'u heffeithio ganddo
pwysigrwydd gwarchod uniondeb y dystiolaeth
- yr arferion diogelu y dylid eu defnyddio wrth reoli digwyddiadau ac argyfyngau
pwysigrwydd archwilio achos digwyddiadau ac argyfyngau
y gweithdrefnau â'r ddeddfwriaethol a sefydliadol ar gyfer cofnodi a hysbysu ynghylch digwyddiadau ac argyfyngau a'r gofynion ar gyfer cwblhau dogfennau