Lleoli, monitro a chynnal casglwyr silod

​

Mae'r safon hon yn ymwneud â lleoli, monitro a chynnal casglwyr silod ar gyfer casglu silod cregynbysgod, (diffinnir "silod" fel cregynbysgod ifanc a had cregynbysgod). Mae'n ymwneud â'r gwaith sydd yn gysylltiedig â lleoli, monitro a chynnal casglwyr silod cregynbysgod.  Mae'n gofyn bod y gwaith yn cael ei gwblhau yn unol â gweithdrefnau gweithredu safonol.

Mae'r safon hon ar gyfer y rheiny sydd yn lleoli, monitro a chynnal casglwyr silod.

1. ​gwneud gwaith yn ddiogel yn unol â'r gofynion perthnasol iechyd a diogelwch
2. gosod cyfarpar casglu silod yn barod ar gyfer ei leoli
3. lleoli cyfarpar casglu silod mewn lleoliadau penodedig, i gynyddu faint o silod sydd yn cael eu casglu
4. monitro ac adrodd am gwymp silod
5. cynnal cyfarpar casglu silod i gynyddu faint o rywogaethau o silod cregynbysgod sydd yn cael eu casglu
6. cynnal lefelau priodol o hylendid a bioddiogelwch
7. darparu gwybodaeth i gadw cofnodion o weithgareddau casglu silod yn unol â'r gofynion cyfreithiol a gofynion y safle

1. y gofynion iechyd a diogelwch perthnasol sydd yn gysylltiedig â gweithrediadau casglu silod

2. cyfnodau bywyd cynnar cregynbysgod sydd yn cael eu ffermio

3. anghenion datblygu silod
4. swyddogaeth a strwythur cyfarpar casglu silod
5. sut i adnabod silod rhywogaethau cregynbysgod sydd yn cael eu targedu a rhai nad ydynt yn cael eu targedu
6. sut i adnabod rhywogaethau ysglyfaethwyr a rhywogaethau lleuog
7. y lleoliadau lle mae cwymp silod yn debygol o ddigwydd
8. pam y mae'n bwysig cynnal cyflwr cyfarpar casglu silod wrth gasglu silod
9. gweithdrefnau'r safle ar gyfer cynnal hylendid a bioddiogelwch effeithiol
10. y ffordd y mae amodau amgylcheddol yn dylanwadu ar atgynhyrchu cregynbysgod a chwymp silod
11. gwaith clymau a rhaff sylfaenol casglu silod
12. y gofynion cyfreithiol â'r gofynion y safle ar gyfer cadw cofnodion o weithgareddau casglu silod

​

monitro ac adrodd ar gwymp silod o ran:

1. dwysedd silod targed
2. presenoldeb rhywogaethau ysglyfaethwyr
3. presenoldeb rhywogaethau lleuog
4. presenoldeb rhywogaethau cregynbysgod nad ydynt yn cael eu targedu

​

silod – cregynbysgod ifanc a had cregynbysgod

rhywogaethau ysglyfaethwyr – e.e sêr môr, crancod

rhywogaethau lleuog – anifeiliaid a phlanhigion sydd yn cysylltu eu hunain i gregynbysgod, gan gyfyngu ar allu'r cregynbysgod i weithredu ac effeithio ar eu derbynioldeb yn y farchnad

rhywogaethau o gregynbysgod nad ydynt yn cael eu targedu – rhywogaethau cregynbysgod nad ydych yn ceisio eu casglu

cwymp silod – pan fydd cregynbysgod yn dod i orffwys y tu hwnt i'w cyfnod nofio rhydd planctonig