Gweithio’n ddiogel mewn amgylchedd dyfrol LEGACY

​

Mae'r safon hon yn ymwneud â gweithio'n ddiogel mewn amgylchedd dyfrol.

Mae'n cynnwys deall y gofynion iechyd a diogelwch a pholisïau'r safle gwaith a gallu cynnal eich diogelwch eich hun a diogelwch eraill. Mae'n cynnwys pwysigrwydd cynnal asesiadau risg yn barhaus a chymryd y camau perthnasol i gynnal gwaith diogel ar y safle. Mae'n rhaid eich bod yn gallu dilyn y gweithdrefnau gofynnol os bydd damwain neu argyfwng.

Mae'r safon hon ar gyfer pawb sydd yn gweithio mewn amglchedd dyfrol.

​

1. dilyn y gofynion iechyd a diogelwch cyfreithiol perthnasol, yn ogystal â rhai eich sefydliad, wrth weithio mewn amgylchedd dyfrol
2. nodi peryglon ac asesu'r risg i iechyd a diogelwch wrth weithio mewn amgylchedd dyfrol
3. gweithio mewn ffordd sydd yn lleihau'r risg i'ch iechyd a'ch diogelwch eich hun a iechyd a diogelwch pobl eraill
4. cymryd gofal i ddiogelu eich hun rhag anaf, clefydau neu broblemau iechyd eraill
5. gwisgo dillad a chyfarpar diogelu personol (PPE) sydd yn addas ar gyfer yr amgylchedd a'r gwaith i gael ei wneud
6. gwirio cyflwr ac effeithiolrwydd cyfarpar diogelu personol (PPE) a sicrhau ei fod yn cael ei gadw'n lân i osgoi lledaenu rhywogaethau ymledol neu blâu neu glefydau eraill
7. defnyddio dulliau diogel o godi a thrin i leihau'r perygl o anaf
8. paratoi, defnyddio, cynnal a chadw a storio cyfarpar a pheiriannau yn unol â chyfarwyddiadau'r cynhyrchydd a'r gweithle a deddfwriaeth berthnasol
9. trin, defyddio a storio sylweddau peryglus yn unol â'r cyfarwyddiadau a'r ddeddfwriaeth berthnasol
10. dilyn gweithdrefnau eich sefydliad a mabwysiadu systemau gwaith diogel wrth weithio ar eich pen eich hun mewn mewn sefyllfa a allai fod yn fygythiol
11. defnyddio a gweithredu dyfeisiadau cyfathrebu i gynorthwyo eich diogelwch personol
12. addasu gwaith i ystyried tywydd cyffredin ac amodau amgylcheddol
13. rhoi'r gorau i weithio ar unwaith os oes perygl o ddamwain neu anaf a chymryd y camau gofynnol
14. dilyn y gweithdrefnau perthnasol yn ddiogel a heb oedi mewn sefyllfa o argyfwng 
15. adrodd a chofnodi damweiniau, digwyddiadau a damweiniau fu bron a digwydd yn unol â'r gofynion cyfreithiol a rhai eich sefydliad

​

1. prif gyfrifoldebau eich cyflogwr ar gyfer iechyd a diogelwch yn unol â'r ddeddfwriaeth bresennol
2. eich cyfrifioldeb cyfreithiol a sefydliadol mewn perthynas ag iechyd a diogelwch
3. gofynion iechyd a diogelwch eich sefydliad wrth weithio mewn amgylchedd dyfrol
4. yr effaith y gall damweiniau, digwyddiadau a salwch yn ymwneud â gwaith ei chael ar bobl a busnesau
5. pryd y dylid cynnal asesiadau risg a rôl asesu risg deinamig
6. y risg o anaf personol, dal clefyd neu broblemau iechyd corfforol neu feddyliol eraill sydd yn gysylltiedig â gweithio mewn amgylchedd dyfrol a sut gellir lleihau'r rhain
7. pwysigrwydd cyfarpar diogelu personol (PPE) i gynnal diogelwch wrth weithio mewn amgylchedd dyfrol

8. y defnydd a chymhwysiad cywir cyfarpar diogelu personol (PPE)

9. pwysigrwydd cadw cyfarpar diogelu personol yn lân a'r broses y dylid ei dilyn ar gyfer hyn

10. y risg o anaf sydd yn gysylltiedig â chodi a thrin a sut gellir lleihau'r rhain
11. y dulliau diogel o baratoi, defnyddio, cynnal a storio cyfarpar a pheiriannau
12. defnyddio, trin a storio sylweddau peryglus yn ddiogel, yn cynnwys nwyon mewn potel
13. y risg o weithio'n ynysig neu mewn lleoliadau pellennig neu sefyllfaoedd a allai fod yn fygythiol a'r angen i ddilyn systemau gwaith diogel a gweithdrefnau brys
14. sut i weithredu dyfeisiadau cyfathrebu sydd yn ofynnol yn y safle gwaith
15. y risg sydd yn gysylltiedig â'r tywydd ac amodau amgylcheddol wrth weithio mewn amgylchedd dyfrol
16. y mathau gwahanol o argyfyngau a allai ddigwydd wrth weithio mewn amgylchedd dyfrol, yn cynnwys damweiniau, digwyddiadau a damweiniau fu bron â digwydd a'r camau y dylid eu cymryd
17. y technegau goroesi dŵr oer personol
18. y gweithdrefnau i'w dilyn mewn sefyllfa o argyfwng
19. y gofynion cyfreithiol a gofynion eich sefydliad ar gyfer cofnodi ac adrodd am argyfyngau

​

Peryglon – rhywbeth â'r potensial i achosi niwed

Cyfarpar Diogelu Personol (PPE) – gallai gynnwys:

• siacedi achub/cymhorthion hynofedd
• esgidiau glaw/esgidiau pysgota
• anadlwyr/masgiau llwch
• myffiau/plygiau clust
• amddiffynwyr pen/hetiau caled
• menig
• amddiffynwyr llygaid
• esgidiau diogelwch
• dillad llachar
  *
  *

Risg – y tegybolrwydd o botensial y perygl yn cael ei wireddu

Mewn amgylchedd dyfrol mae'r risgiau mwyaf cyffredin yn deillio o:

• syrthio i mewn i ddŵr a boddi
• hypothermia
• effaith gwrthrychau/malurion sydd yn arnofio neu o dan y dŵr
• cyswllt â dŵr wedi ei halogi e.e. risg o glefyd Weil
• peiriannau neu gyfarpar
• codi a thrin
• cemegion a sylweddau peryglus, yn cynnwys microorganebau
• pryfed yn cnoi/pigo
• mannau cyfyng
• ffynonellau pŵer: nwyon, trydan, aer cywasgedig
• llithro, baglu a syrthio
• effaith tywydd eithafol
• gweithio ar eich pen eich hun