Paratoi i gludo pysgod/cregynbysgod byw

​

Mae'r safon hon yn ymwneud â pharatoi ar gyfer cludo pysgod/cregynbysgod byw. Gellir ei chymhwyso i unrhyw sefyllfa lle mae pysgod/cregynbysgod yn cael eu cludo'n fyw trwy ddulliau fel cludiant cerbydau, ffynnon gychod a biniau hofrennydd. Mae'n gofyn bod gwaith yn cael ei gwblhau yn unol â gweithdrefnau gweithredu safonol y safle.

Bydd y ddeddfwriaeth sydd yn rheoli cymhwyso'r safon hon yn amrywio yn dibynnu ar leoliad y fferm bysgod/cregynbysgod yng Nghymru, Lloegr, Gogledd Iwerddon neu'r Alban.

Mae'r safon hon ar gyfer y rheiny sydd yn paratoi pysgod/cregynbysgod byw ar gyfer eu cludo.

​

1. gwneud gwaith yn ddiogel yn unol â gofynion iechyd a diogelwch perthnasol
2. sicrhau bod unrhyw ganiatâd angenrheidiol wedi ei sefydlu ar gyfer cludo pysgod byw
3. cael manyleb gludo
4. sicrhau bod pysgod/cregynbysgod mewn cyflwr corfforol sydd yn addas ar gyfer eu cludo a, lle y bo'n briodol, eu bod wedi eu cyflyru
5. paratoi systemau cludo i symud pysgod/cregynbysgod byw yn ddiogel
6. paratoi uned gadw'r cludiant er mwyn ei bod mewn cyflwr sydd yn addas ar gyfer derbyn pysgod/cregynbysgod byw
7. cynnal lefelau hylendid a bioddiogelwch addas
8. sefydlu amodau amgylcheddol yn uned gadw'r cludiant i gynnal iechyd a lles pysgod/cregynbysgod wrth eu cludo
9. sicrhau bod y cyrchfan arfaethedig yn barod ac yn addas i dderbyn pysgod/cregynbysgod byw
10. darparu gwybodaeth i gadw cofnodion cludo yn unol â gofynion cyfreithiol a gofynion y safle

​

1. y gofynion iechyd a diogelwch perthnasol sydd yn gysylltiedig â chludo pysgod byw
2. deddfwriaeth sydd yn rheoli cludo pysgod/cregynbysgod byw
3. dulliau a ddefnyddir i gludo pysgod/cregynbysgod byw
4. pam y dylid ond cludo pysgod/cregynbysgod iach a phryd y mae angen eu cyflyru
5. yr ymddygiad sydd yn dangos pryd y mae pysgod/cregynbysgod o dan straen neu fod ganddynt anhwylder
6. sut i sefydlu'r amodau amgylcheddol sydd yn ofynnol gan bysgod/cregynbysgod
7. pwysigrwydd hylendid a bioddiogelwch wrth gludo pysgod/cregynbysgod byw
8. y rhagofalon sydd yn cael eu dilyn i leihau'r perygl o gludo rhywogaethau nad ydynt yn cael eu targedu gyda'r pysgod/cregynbysgod byw
9. y cyfarpar sydd ei angen a sut i'w baratoi
10. pwysigrwydd lleihau'r risg o ddianc
11. yr angen i gynnal asesiad risg hwsmonaeth a'r ffordd y mae hyn yn rheoli cludo pysgod/cregynbysgod byw
12. y gofynion cyfreithiol a gofynion y safle ar gyfer cadw cofnodion cludo

unedau cadw cludiant – e.e. bwced, tanc, ffynnon gwch, bin hofrennydd, bag/sach, bocs oer, hambwrdd

wedi eu cyflyru – **dileu porthiant

amodau amgylcheddol – amodau ffisegol, ansawdd dŵr, tymheredd