Monitro’r amgylchedd cynhyrchu dyfrol ar gyfer pysgod/cregynbysgod sydd yn cael eu ffermio

​

Mae'r safon hon yn ymwneud â monitro'r amgylchedd cynhyrchu dyfrol ar gyfer unrhyw bysgod neu gregynbysgod sydd yn cael eu ffermio. Mae'n ymwneud â gweithredu rhaglenni i fonitro a chynnal yr amgylchedd cynhyrchu mewn unedau cadw.

Mae'n gofyn bod gwaith yn cael ei gwblhau yn unol â gweithdrefnau gweithredu safonol y safle ac yn unol â chodau ymarfer y diwydiant.

Mae'r safon hon ar gyfer y rheiny sydd yn monitro'r amgylchedd cynhyrchu.

​

1. gwneud eich gwaith yn ddiogel yn unol â'r gofynion iechyd a diogelwch perthnasol
2. monitro cyflwr unedau cadw
3. gwneud gweithdrefnau i gynnal cyfnewid dŵr mewn unedau cadw

4. gwneud gweithdrefnau i reoli gollyngiadau o unedau cadw

5. gwneud gweithdrefnau i gynnal lefelau ocsigen mewn unedau cadw

6. gweithredu i gyfyngu ar effaith tywydd ac amodau amgylcheddol niweidiol, o fewn cyfyngiadau eich awdurdod
7. gwaredu gwastraff yn unol â gweithdrefnau rheoli gwastraff y safle
8. lle y bo'n briodol, monitro cyflwr mesurau a dyfeisiadau atal plâu ac ysglyfaethwyr, a monitro amgylchedd y fferm am arwyddion o ysglyfaethu a dianc
9. adrodd am unrhyw amheuaeth o ddianc ac unrhyw bryderon yn ymwneud â chadw, yn unol â gweithdrefnau'r safle
10. monitro ac adrodd ynghylch presenoldeb unrhyw rywogaethau sydd yn niweidiol yn fasnachol
11. ymateb i argyfyngau yr amgylchedd cynhyrchu yn unol â gweithdrefnau'r safle

12. cynnal lefelau hylendid a bioddiogelwch priodol

13. darparu gwybodaeth i gynnal cofnodion monitro yn unol â'r gofynion cyfreithiol â'r gofynion y safle

​

1. y gofynion iechyd a diogelwch perthnasol sydd yn gysylltiedig â monitro'r amgylchedd cynhyrchu dyfrol
2. sut i arolygu a phrofi unedau cadw
3. yr amodau amgylcheddol sydd yn ofynnol gan y pysgod/cregynbysgod sydd yn cael eu ffermio a'r camau y gellir eu cymryd i gynnal amodau mewn unedau cadw
4. pam y mae'n bwysig cynnal amodau amgylcheddol mewn unedau cadw a'r ffordd y gall newidiadau i amodau amgylcheddol effeithio ar bysgod/cregynbysgod
5. y cyfarpar a'r dulliau a ddefnyddir i samplu ac asesu amodau amgylcheddol
6. y berthynas rhwng tymheredd dŵr ac ocsigen tawdd
7. y ffordd y mae deddfwriaeth yn effeithio ar y defnydd o ddŵr a gollyngiadau
8. pam y mae'n rhaid gwaredu gwastraff yn unol â gweithdrefnau'r safle
9. y ffordd y mae dyluniad ac adeiladwaith unedau cadw a chyfarpar trin yn cefnogi cyfyngiant
10. achosion posibl stoc yn dianc a'r camau i'w dilyn os oes yw dianc yn cael ei amau neu ei nodi
11. plâu ac ysglyfaethwyr cyffredin a'r ffordd y maent yn debygol o effeithio ar stoc fferm
12. arwyddion sydd yn gallu dangos gweithgareddau posibl ysglyfaethwyr
13. mesurau a dyfeisiadau atal plâu ac ysglyfaethwyr cyfreithiol perthnasol
14. mathau o rywogaethau sydd yn niweidiol yn fasnachol, pam y mae angen eu rheoli a'r camau i'w cymryd os amheuir eu presenoldeb
15. y ffordd y gall colli pysgod/cregynbysgod effeithio ar yr amgylchedd a chynhyrchiant fferm a'r ffordd y gall goblygiadau cyfreithiol dianc effeithio ar y fferm
16. gweithdrefnau brys a pham y mae'n rhaid eu dilyn wrth ymdrin â digwyddiad
17. systemau wrth gefn y safle, yn cynnwys pryd a sut cânt eu defnyddio i gynnal amodau amgylcheddol ac ymdrin ag argyfyngau
18. gweithdrefnau'r safle ar gyfer cynnal hylendid a bioddiogelwch effeithiol
19. y gofynion cyfreithiol â'r gofynion y safle ar gyfer cynnal cofnodion monitro'r amgylchedd cynhyrchu dyfrol

unedau cadw – cyfleusterau a ddefnyddir i gadw pysgod neu gregynbysgod mewn amgylchedd cynhyrchu wedi'i reoli e.e. cewyll, llociau, pyllau, tanciau, leiniau hir, rhedfeydd, rhwydi llusern, sanau/tiwbiau, sachau ac ati

plâu – e.e. llau pysgod a pharatsitiaid eraill, malwod, slefrod môr, ewinedd moch, tiwblyngyr calch

ysglyfaethwyr – e.e. morloi, dyfrgwn, mincod, mulfrain, crehyrod, sêr môr, crancod

rhywogaethau sydd yn niweidiol yn fasnachol – rhywogaeth o bysgod neu gregynbysgod, unrhyw rywogaeth arall o anifail neu rywogaeth o blanhigyn sydd, os nad yw'n cael ei reoli, yn debygol o gael effaith niweidiol sylweddol ar fuddiannau economaidd neu fasnachol ffermwr pysgod neu gregynbysgod, a, lle nad oes llawer, os o gwbl, o werth masnachol i'r rhywogaeth ei hun. Mae hyn yn cynnwys rhywogaethau ymledol nad ydynt yn gynhenid.