Gwneud apwyntiadau ar gyfer cleientiaid a’u hanifeiliaid

​

Mae'r safon hon yn ymwneud â gwneud apwyntiadau ar gyfer cleientiaid a'u hanifeiliaid ac ymdrin ag ymholiadau.

Mae'n bwysig cynnal perthynas gyda chleientiaid, er mwyn iddynt barhau i gael hyder yng ngwasanaethau'r busnes.  Mae hefyd yn bwysig gweithio fel rhan o dîm, yn cael cyngor gan uwch aelodau'r staff pan fo angen.

Mae'r safon hon yn addas ar gyfer unrhyw un sydd yn gwneud apwyntiadau ar gyfer cleientiaid.

​

1. cadarnhau bod unrhyw un sydd yn gwneud ymholiadau yn cael cymorth yn unol â'r polisi sefydliadol a'i fod yn cael cymorth ychwanegol lle bo angen
2. nodi diben yr ymholiad a chyfeirio ymholiadau na ellir ymdrin â nhw at y person perthnasol ar gyfer eu gweithredu
3. rhoi gwybodaeth i gleientiaid yn ymwneud â'r gwasanaethau gofal anifeiliaid
4. cael mynediad at gofnodion presennol neu baratoi cofnodion newydd, yn unol â gweithdrefnau eich sefydliad
5. ymdrin â'r holl geisiadau am apwyntiadau yn unol â'r polisi sefydliadol
6. gwneud apwyntiadau sydd yn berthnasol ar gyfer yr anifail ac yn addas at y diben ac yn sicrhau'r defnydd mwyaf cynhyrchiol o amser
7. cadarnhau argaeledd gwasanaethau fydd yn ofynnol, lle bo angen, gyda chydweithwyr perthnasol
8. cadarnhau manylion yr apwyntiad gyda'r cleient
9. cael y wybodaeth angenrheidiol i wneud yr apwyntiad, er enghraifft, manylion y cleient, manylion yr anifail, a hanes yr anifail
10. cadarnhau bod manylion yr apwyntiad yn gywir ac wedi eu cofnodi yn y lle iawn

11. rhoi gwybodaeth fel y bo angen i gleientiaid am bolisïau sefydliadol a gwasanaethau.

12. cydymffurfio â pholisïau diogelu data a chyfrinachedd cleientiaid yn unol â Rheoliad Cyffredinol Diogelu Data (GDPR)

​

1. y gweithdrefnau sefydliadol ar gyfer cymryd negeseuon gan gleientiaid
2. y rhesymau dros gadarnhau hunaniaeth y cleient a'u gofynion ar gyfer gwasanaethau
3. pwysigrwydd gwneud apwyntiadau ar gyfer cleientiaid a'u hanifeiliaid sy'n bodloni eu gofynion
4. y cyflyrau sydd yn gofyn am apwyntiadau brys a sut dylid trefnu'r rhain
5. pwysigrwydd parhau i gyfathrebu gyda'r rheiny sydd yn gysylltiedig â'ch gwaith, neu wedi eu heffeithio ganddo a sut dylid gwneud hyn
6. sut i wneud apwyntiadau a chael mynediad at gofnodion cleientiaid
7. sut i gael y wybodaeth berthnasol a rhoi'r cyngor gofynnol i gleientiaid
8. y gwasanaethau sefydliadol sydd ar gael, eu hyd a'u cost
9. sut mae'r system apwyntiad sefydliadol yn gweithio
10. terfynau eich awdurdod eich hun wrth wneud apwyntiadau

11. y ddeddfwriaeth berthnasol sy'n effeithio ar symud anifeiliaid.

12. yr egwyddorion a'r ddeddfwriaeth sy'n berthnasol i ddiogelu data a chyfrinachedd cleientiaid