Darparu a gwerthuso therapi corfforol anifeiliaid

​

Mae’r safon hon yn ymwneud â darparu a gwerthuso therapi corfforol anifeiliaid.

Mae’r Ddeddf Llawfeddygon Milfeddygol bresennol yn cyfyngu’r gweithgareddau y gellir eu gwneud gan y rheiny nad ydynt yn llawfeddygon milfeddygol cymwys.  Dylid gwneud yr holl weithgareddau o fewn cyfyngiadau’r Ddeddf Llawfeddygon Milfeddygol bresennol â’r Gorchymyn Milfeddygfeydd (Esemptiad) presennol

Bydd angen i ddefnyddwyr y safon fod wedi cael eu hyfforddi a chadarnhau bod eu hymarfer yn defnyddio data sydd yn gadarn yn wyddonol, safonau a pholisïau trugarog. Mae’n rhaid iddynt weithio o fewn terfynau eu hawdurdod, arbenigedd, hyfforddiant, cymhwysedd a’u profiad.

Mae’r safon hon yn addas ar gyfer y rheiny sydd yn darparu gwasanaethau therapy corfforol i anifeiliaid y mae pobl eraill yn berchen arnynt, wrth gael eu hatgyfeirio gan lawfeddyg milfeddygol.

1. gweithio yn unol â'r Ddeddf Llawfeddygon Milfeddygol bresennol, y Gorchymyn Milfeddygfeydd (Esemptiad) presennol a therfynau eich awdurdod, arbenigedd, hyfforddiant, cymhwysedd a'ch profiad

2. gweithio'n broffesiynol ac yn foesegol ac o fewn gofynion y sefydliad proffesiynol perthnasol

3. asesu arferion mewn ffordd gadarn i bennu eu haddasrwydd, effeithlonrwydd a goblygiadau lles
4. cydymffurfio â'r ddeddfwriaeth berthnasol iechyd a lles anifeiliaid a deddfwriaeth arall yn ymwneud ag anifeiliaid a chodau ymarfer cysylltiedig
5. asesu'r ffordd y gallai anghenion anifeiliaid gael eu bodloni tra'u bod o dan eich dyletswydd gofal
6. asesu'r risgiau posibl i iechyd a diogelwch wrth ddarparu therapi corfforol i anifeiliaid
7. cadarnhau bod hylendid a bioddiogelwch yn cael eu cynnal
8. asesu addasrwydd yr anifail ar gyfer cynllun y driniaeth therapi corfforol, gan ystyried ei iechyd a'i ymddygiad, ymlaen llaw ac ar ddiwrnod y driniaeth
9. cyflwyno'r anifail i'r amgylchedd therapiwtig, y cyfarpar â’r dull o drin
10. rhoi dull o drafod a rheoli ar waith sydd yn addas ar gyfer yr anifail cysylltiedig a'i ofynion trin, er mwyn lleihau'r risg i'r anifail, i chi eich hun â’r rheiny sydd yn gysylltiedig â'ch gwaith

11. addasu trafod a rheoli'r anifail mewn ymateb i'w adweithiau a'i ymddygiad

12. cwblhau paratoadau sydd yn ofynnol cyn triniaeth cyn y therapi corfforol, gallai hyn gynnwys cael cawod, tynnu dillad neu garthenni'r anifail neu glipio

13. darparu triniaeth therapi corfforol i fodloni anghenion yr anifail, ei gyflwr a'i ofynion
14. monitro a chofnodi ymateb a chynnydd yr anifail trwy gydol y cynllun trin corfforol
15. monitro'r anifail am arwyddion poen, trallod neu fraw ac ymateb yn unol â hynny
16. gwybod pryd y gallai cynnydd yr anifail gael ei ddylanwadu gan weithgaredd yn yr amgylchedd uniongyrchol
17. gwybod pryd y gallai ymddygiad yr anifail ddangos na ddylech barhau gyda'r gweithgaredd
18. cydnabod sefyllfaoedd sydd angen atgyfeirio yn ôl at y llawfeddyg milfeddygol sydd yn atgyfeirio
19. cwblhau gweithdrefnau ar ôl triniaeth a sicrhau bod yr anifail mewn cyflwr addas i ddychwelyd at ei berchennog neu geidwad
20. gwerthuso ac adolygu addasrwydd y cynllun trin fel sydd yn ofynnol
21. sicrhau bod ymateb a chynnydd yr anifail o ran y cynllun trin yn cael ei gyfathrebu i'r perchennog neu'r ceidwad ac i'r llawfeddyg milfeddygol sydd yn atgyfeirio
22. rhoi cyngor i'r perchennog neu'r ceidwad am ofal anifeiliaid yn dilyn triniaeth a disgrifio unrhyw weithredoedd y dylid eu gwneud
23. cynllunio, cofnodi a gwerthuso eich Datblygiad Proffesiynol Parhaus (DPP)
24. cadarnhau bod cofnodion yn cael eu cadw a'u storio fel sydd yn ofynnol gan y ddeddfwriaeth berthnasol a pholisi sefydliadol

1. gofynion y Ddeddf Llawfeddygon Milfeddygol bresennol â’r Gorchymyn Milfeddygfeydd (Esemptiad) presennol mewn perthynas â'ch rôl a therfynau eich awdurdod, arbenigedd, hyfforddiant, cymhwysedd a'ch profiad

2. eich cyfrifoldebau proffesiynol a phwysigrwydd Datblygiad Proffesiynol Parhaus i gynnal cymhwysedd proffesiynol

3. eich cyfrifoldebau yn unol â'r ddeddfwriaeth amgylcheddol ac iechyd a diogelwch, codau ymarfer cysylltiedig a pholisïau sefydliadol
4. eich cyfrifoldebau yn unol â'r ddeddfwriaeth iechyd a lles anifeiliaid ac yn ymwneud ag anifeiliaid a chodau ymarfer cysylltiedig
5. pwysigrwydd cynnal hylendid a bioddiogelwch a sut gellir cyflawni hyn
6. y ffordd y gall anghenion anifeiliaid o dan eich dyletswydd gofal gael eu hasesu a'u trin
7. anatomeg a ffisioleg y rhywogaeth o anifail yr ydych yn gweithio gydag ef
8. effeithiau ffisiolegol y therapi corfforol ar yr anifail
9. effeithiau posibl y therapi corfforol ar ymddygiad yr anifail
10. pwysigrwydd cyflwyno'r anifail i'r amgylchedd, cyfarpar â’r dull o drin, â’r technegau y gellir eu defnyddio i wneud hyn
11. y rhagofalon i'w cymryd i atal anaf, straen neu waethygu cyflyrau presennol yr anifail
12. pwysigrwydd cydnabod ymddygiad sydd yn dangos na fyddai'n briodol parhau gyda'r gweithgaredd
13. y ffactorau allai achosi trallod, poen neu fraw i'r anifeiliaid a sut i adnabod ac asesu'r arwyddion, ac ymateb posibl yr anifail

14. sut i adnabod sefyllfaoedd brys â’r camau i'w cymryd i ymdrin â nhw

15. egwyddorion cymorth cyntaf anifeiliaid â’r protocolau sydd yn berthnasol i ddarparu cymorth cyntaf a thriniaeth frys i anifeiliaid yn eich canolfan therapi

16. sut i nodi namau neu niwed i'r cyfleusterau, cyflenwadau, cyfarpar neu'r adnoddau a ddefnyddir ar gyfer triniaethau amrywiol therapi anifeiliaid, â’r camau gofynnol i'w cymryd

17. sut i gydnabod eich galluoedd a'ch cyfyngiadau eich hun yn ymwneud â thrafod a rheoli anifeiliaid a sut gellir gwella'r rhain
18. y ffordd y gall eich gweithredoedd, gweithredoedd anifeiliaid eraill a gweithredoedd pawb sydd yn gysylltiedig â'ch gwaith neu wedi eu heffeithio ganddo effeithio ar ymddygiad, lles a chynnydd yr anifail yn ystod therapi corfforol
19. sut i weithredu a gwerthuso cynllun trin ar gyfer anifail, gan ystyried cyflyrau meddygol penodol neu ar ôl llawdriniaeth
20. pam y mae'n bwysig rhoi'r wybodaeth ddiweddaraf i'r perchennog neu'r ceidwad am y camau sydd yn cael eu cymryd
21. sut i gynghori'r perchennog neu'r ceidwad ynghylch y camau gofynnol i'w cymryd ar ôl triniaeth a phwysigrwydd arsylwi ymddygiad yr anifail
22. y cofnodion y mae angen eu cadw mewn perthynas â darparu a gwerthuso therapi corfforol anifeiliaid a phwysigrwydd cwblhau'r rhain yn unol â'r ddeddfwriaeth berthnasol a pholisi sefydliadol
23. eich atebolrwydd cyfreithiol a phroffesiynol fel gweithiwr parabroffesiynol iechyd a lles anifeiliaid a phwysigrwydd diogelwch yswiriant addas

​

Gallai cyngor i'r perchennog gynnwys:

1. cyfarpar â’r dulliau trin neu therapi sydd ar gael
2. trosolwg o ystod o raglenni a chyfarpar, addasrwydd, meini prawf dethol a buddion cysylltiedig
3. paratoadau cyn triniaeth/therapi
4. gofal ar ôl y driniaeth/therapi
5. goblygiadau cleient mewn perthynas â'r ddeddfwriaeth lles anifeiliaid

​

Deddfwriaeth gyfredol yn ymwneud ag anifeiliaid:

• Deddf Llawfeddygon Milfeddygol
• Gorchymyn Milfeddygfeydd (Esemptiad)
• Cymru a Lloegr, Deddf Lles Anifeiliaid
• Yr Alban, Deddf Iechyd a Lles Anifeiliaid
• Gogledd Iwerddon, Deddf Lles Anifeiliaid (Gogledd Iwerddon)