Asesu a chynllunio therapi corfforol anifeiliaid

​

Mae'r safon hon yn ymwneud ag asesu a chynllunio therapi corfforol anifeiliaid.

Mae'r Ddeddf Llawfeddygon Milfeddygol bresennol yn cyfyngu'r gweithgareddau y gellir eu gwneud gan y rheiny nad ydynt yn llawfeddygon milfeddygol cymwys. Dylai'r holl weithgareddau gael eu gwneud o fewn cyfyngiadau'r Ddeddf Llawfeddygon Milfeddygol presennol â’r Gorchymyn Milfeddygfeydd (Esemptiad) presennol.

Bydd angen i ddefnyddwyr y safon fod wedi cael eu hyfforddi a chadarnhau bod eu hymarfer yn defnyddio data sydd yn gadarn yn wyddonol, safonau a pholisïau trugarog.  Mae'n rhaid iddynt weithio o fewn terfynau eu hawdurdod, arbenigedd, hyfforddiant, cymhwysedd a'u profiad.

Mae'r safon hon yn addas ar gyfer y rheiny sydd yn gweithio yn y sector gofal anifeiliaid sydd â chyfrifoldeb dros asesu a chynllunio'r ymagwedd hon tuag at therapi anifeiliaid wrth gael atgyfeiriad gan lawfeddyg milfeddygol.

1. gweithio yn unol â'r Ddeddf Llawfeddygon Milfeddygol presennol, y Gorchymyn Milfeddygfeydd (Esemptiad) presennol a therfynau eich awdurdod, arbenigedd, hyfforddiant, cymhwysedd a'ch profiad

2. gweithio'n broffesiynol ac yn foesegol ac o fewn gofynion y sefydliad proffesiynol perthnasol

3. cydymffurfio â'r ddeddfwriaeth berthnasol iechyd a lles anifeiliaid ac yn ymwneud ag anifeiliaid a chodau ymarfer cysylltiedig
4. asesu'r ffordd orau o ddarparu anghenion anifeiliaid tra'u bod o dan eich dyletswydd gofal
5. asesu'r risg posibl i iechyd a diogelwch yn y maes gwaith hwn
6. datblygu cynllun ar gyfer trafod anifeiliad sydd yn cael triniaeth therapi corfforol
7. cynnal asesiad gweledol cychwynnol o'r anifail
8. dewis dull o drafod a rheoli sydd yn ofynnol ar gyfer yr anifail cysylltiedig er mwyn lleihau'r risg i'r anifail, i chi eich hun a phawb sydd yn gysylltiedig â'ch gwaith, neu wedi eu heffeithio ganddo
9. asesu gofynion therapi yr anifail mewn perthynas a'u cyflwr ac atgyfeiriad gan lawfeddyg milfeddygol, gan ystyried cyflyrau iechyd sydd eisoes yn bodoli fel diabetes, epilepsi a meddyginiaeth
10. gosod nodau tymor byr a hirdymor ar gyfer therapi corfforol anifail
11. ffurfio cynllun triniaeth therapi corfforol yn dilyn atgyfeiriad gan lawfeddyg milfeddygol
12.  cydsyniad gwybodus i drafod a chynnal gweithdrefnau therapi corfforol ar yr anifail gan y perchennog neu'r ceidwad
13. egluro a chadarnhau'r driniaeth i gael ei chynnal, amcangyfrif o'r gost â’r dull o dalu
14. cytuno ar unrhyw weithredoedd i gael eu gwneud gan y perchennog neu'r ceidwad yn dilyn y therapi corfforol
15. sicrhau bod y perchennog/ceidwad yn deall rôl a phwysigrwydd yr atgyfeiriad milfeddygol, â’r cyfathrebu rhwng y practis sydd yn atgyfeirio â’r therapydd neu'r ganolfan adsefydlu
16. sefydlu'r cofnodion gofynnol, yn cynnwys yr adroddiadau adborth milfeddygol gofynnol
17. cadarnhau bod cofnodion yn cael eu cadw a'u storio fel sydd yn ofynnol gan y ddeddfwriaeth berthnasol a pholisi sefydliadol
18. cyfathrebu'n broffesiynol gyda llawfeddygon milfeddygol a gweithwyr proffesiynol a pharabroffesiynol eraill yn ymwneud ag anifeiliaid
19. cynllunio, cofnodi a gwerthuso eich Datblygiad Proffesiynol Parhaus (DPP)

1. gofynion y Ddeddf Llawfeddygon Milfeddygol bresennol â’r Gorchymyn Milfeddygfeydd (Esemptiad) presennol mewn perthynas â'ch rôl a therfynau eich awdurdod, arbenigedd, hyfforddiant, cymhwysedd a'ch profiad

2. eich cyfrifoldebau proffesiynol a phwysigrwydd Datblygiad Proffesiynol Parhaus i gynnal eich cymhwysedd proffesiynol

3. eich cyfrifoldebau yn unol â'r ddeddfwriaeth amgylcheddol ac iechyd a diogelwch, codau ymarfer cysylltiedig a pholisïau sefydliadol

4. eich cyfrifoldebau yn unol â'r ddeddfwriaeth bresennol iechyd a lles anifeiliaid ac yn ymwneud ag anifeiliaid a chodau ymarfer cysylltiedig

5. sut i asesu anghenion anifeiliaid yn eich dyletswydd gofal a sut dylid mynd i'r afael â'r rhain
6. pam y mae'n bwysig dilysu cyflwr yr anifail a'i ofynion ar gyfer triniaeth gyda'r llawfeddyg milfeddygol sydd yn atgyfeirio
7. y cyflyrau â’r anhwylderau sydd yn ymddangos yn gyffredin ar gyfer therapi corfforol o ran eu hachoseg, arwyddion cyffredin, triniaeth filfeddygol a chymhlethdodau posibl
8. yr ystod o ddulliau ar gyfer trafod a rheoli anifeiliaid â’r ffactorau i'w hystyried wrth ddewis y dull
9. y ffordd y gall ffactorau gwahanol effeithio ar gynllunio trafod a therapi
10. sut i asesu'r risgiau cynhenid i drafod a rheoli mathau gwahanol o anifeiliaid
11. anatomeg a ffisioleg y rhywogaeth o anifail yr ydych yn gweithio gydag ef
12. effeithiau ffisiolegol a chorfforol y driniaeth therapi ar yr anifail yr ydych yn gweithio gydag ef
13. y ffordd y gall y therapi effeithio ar ymddygiad anifeiliaid
14. sut i ffurfio cynllun triniaeth ar gyfer anifail, gan ystyried cyflyrau meddygol neu ar ôl llawdriniaeth a sut i weinyddu'r rhain
15. sut i asesu addasrwydd yr anifail ar gyfer y cynllun triniaeth a nodi unrhyw wrtharwyddion posibl
16. pwysigrwydd cael cydsyniad gwybodus ac esbonio cynllun y driniaeth i'r perchennog neu'r ceidwad
17. y paratoadau cyn y driniaeth sydd yn ofynnol cyn therapi corfforol anifeiliaid
18. y gweithdrefnau ar ôl triniaeth y mae angen eu cwblhau cyn bod anifail yn cael ei ddychwelyd i'w lety neu at ei berchennog neu geidwad
19. yr adweithiau posibl ar ôl triniaeth a sut i gynghori'r perchennog neu'r ceidwad ynghylch sut i adnabod a mynd i'r afael â'r rhain
20. y gweithredoedd i'w gwneud ar ôl triniaeth gan y perchennog neu'r ceidwad yn eu hamser eu hunain
21. pwysigrwydd asesu'r ymateb i'r driniaeth a phryd i gyfeirio'n ôl at y llawfeddyg milfeddygol
22. rôl a phwysigrwydd atgyfeirio milfeddygol a chyfathrebu rhwng y ganolfan therapi, y filfeddygfa sydd yn atgyfeirio a gweithwyr proffesiynol a pharabroffesiynol eraill yn ymwneud ag anifeiliaid
23. y ffordd y gallai eich gweithredoedd, gweithredoedd anifeiliaid eraill, neu weithredoedd y rheiny sydd yn gysylltiedig a'ch gwaith neu wedi eu heffeithio ganddo effeithio ar ymddygiad, lles a chynnydd yn ystod y therapi corfforol
24. y cofnodion y mae angen eu cadw mewn perthynas â therapi corfforol anifeiliaid a phwysigrwydd cwblhau'r rhain yn unol â'r ddeddfwriaeth berthnasol a pholisi sefydliadol
25. eich atebolrwydd cyfreithiol a phroffesiynol wrth ddarparu therapi corfforol i anifeiliaid a phwysigrwydd diogelwch yswiriant addas

Ffactorau a allai effeithio ar gynllunio trafod a therapi:

1. oed
2. rhywogaeth
3. brîd
4. natur
5. amgylchedd
6. profiadau blaenorol
7. dylanwad y perchennog
8. statws iechyd presennol
9. hanes clinigol
10. cyffuriau wedi eu rhagnodi a'u heffeithiau
11. y rheswm dros atgyfeirio i gael therapi
12. presenoldeb a gweithgaredd pobl/anifeiliaid eraill yn yr amgylchedd therapi
13. gofynion lles
14. y defnydd a fwriedir neu rôl yr anifail

​

Deddfwriaeth gyfredol yn ymwneud ag anifeiliaid:

• Deddf Llawfeddygon Milfeddygol
• Gorchymyn Milfeddygfeydd (Esemptiad)
• Cymru a Lloegr, Deddf Lles Anifeiliaid
• Yr Alban, Deddf Iechyd a Lles Anifeiliaid
• Gogledd Iwerddon, Deddf Lles Anifeiliaid (Gogledd Iwerddon)