Gweithredu rhaglenni hyfforddiant ar gyfer anifeiliaid

​

Mae'r safon hon yn ymwneud â gweithredu rhaglenni hyfforddiant ar gyfer anifeiliaid.  Gallai hyn naill ai fod yn hyfforddiant sylfaenol neu'n hyfforddiant i fodloni amcanion penodol ac mae wedi ei ddylunio i fod yn berthnasol i bob anifail sydd angen hyfforddiant o'r fath.

Mae hyfforddiant sylfaenol yn cyfeirio at hyfforddiant trafod ac ufudd-dod a byddai'n cynnwys hyfforddi anifeiliaid fel mater o drefn. Byddai hyfforddiant i fodloni amcanion penodol yn cynnwys gwaith sioeau ac arddangos.

Byddwch yn dilyn rhaglen hyfforddiant sydd eisoes wedi cael ei datblygu a bydd disgwyl i chi adolygu a chofnodi cynnydd yn erbyn yr amcanion a nodir yn y rhaglen.

Dylid gwneud yr holl weithgareddau yn unol â'r ddeddfwriaeth berthnasol.

Bydd angen i ddefnyddwyr y safon fod wedi cael hyfforddiant addas a chadarnhau bod eu hymarfer yn cymhwyso gwybodaeth wyddonol, safonau a pholisïau lles anifeiliaid, a'u bod yn gweithio o fewn terfynau eu hawdurdod, arbenigedd, hyfforddiant, cymhwysedd a'u profiad.

Mae'r safon hon yn addas ar gyfer y rheiny sydd yn gyfrifol am weithredu rhaglenni hyfforddiant ar gyfer anifeiliaid.

---

1. gweithio'n broffesiynol ac yn foesegol ac o fewn terfynau eich awdurdod, hyfforddiant, cymhwysedd a'ch profiad

2. gwneud eich gwaith yn unol â'r ddeddfwriaeth amgylcheddol ac iechyd a diogelwch perthnasol, gofynion asesu risg, codau ymarfer cysylltiedig â pholisïau sefydliadol

3. gwneud eich gwaith yn unol â'r ddeddfwriaeth berthnasol iechyd a lles anifeiliaid ac yn ymwneud ag anifeiliaid, codau ymarfer cysylltiedig a pholisïau sefydliadol

4. trafod a rhyngweithio gyda'r anifail mewn ffordd nad yw'n peryglu lles anifeiliaid, yn osgoi ymddygiad sydd yn achosi pryder o ran lles ac yn galluogi hyfforddiant i gael ei wneud yn ddiogel

5. asesu addasrwydd yr anifail ar gyfer y gweithgareddau hyfforddiant a gynlluniwyd a chymryd camau lle bo angen

6. asesu galluoedd y triniwr i gynnal yr hyfforddiant
7. paratoi'r anifail â’r adnoddau sydd eu hangen ar gyfer y gweithgareddau hyfforddi sydd wedi eu cynllunio
8. cynnal gweithgareddau hyfforddiant, gan ddefnyddio dulliau ac adnoddau yn unol â'r rhaglen hyfforddiant
9. monitro cyflwr emosiynol a chorfforol yr anifail cyn ac yn ystod yr hyfforddiant
10. adnabod arwyddion straen, ofn, ymosodedd, poen, gwrthdaro ac osgoi yn yr anifail ac ymateb yn unol â hynny
11. adolygu, cofnodi ac adrodd am gynnydd yr anifail tuag at yr amcanion hyfforddi, yn unol â'r rhaglen hyfforddiant
12. gweithredu unrhyw newidiadau y cytunwyd arnynt i'r rhaglen hyfforddiant i addasu gweithgareddau, dulliau ac adnoddau hyfforddiant
13. gwybod os yw'r rhaglen hyfforddiant neu dasg benodol yn debygol o fod yn niweidiol i iechyd a lles yr anifail
14. parhau i gyfathrebu gyda chydweithwyr a phawb sydd yn gysylltiedig â'ch gwaith, neu wedi eu heffeithio ganddo
15. cael cyngor proffesiynol lle bo angen ac atgyfeirio achosion lle bo angen
16. cynllunio, cofnodi, gwerthuso ac adlewyrchu ar eich Datblygiad Proffesiynol Parhaus (DPP) a gweithio o fewn gofynion y sefydliad proffesiynol perthnasol

---

1. eich cyfrifoldebau proffesiynol fel hyfforddwr anifeiliaid a therfynau eich awdurdod, arbenigedd, hyfforddiant, cymhwysedd a'ch profiad

2. eich cyfrifoldebau yn unol â'r ddeddfwriaeth amgylcheddol ac iechyd a diogelwch, gofynion asesu risg, codau ymarfer cysylltiedig a pholisïau sefydliadol

3. eich cyfrifoldebau yn unol â'r ddeddfwriaeth berthnasol iechyd a lles anifeiliaid ac yn ymwneud ag anifeiliaid, codau ymarfer cysylltiedig, polisïau sefydliadol a chyfyngiadau cyfreithiol y Ddeddf Llawfeddygon Milfeddygol
4. sut i asesu addasrwydd yr anifail ar gyfer y gweithgaredd hyfforddiant sydd wedi ei gynllunio cyn ei weithredu

5. sut i asesu addasrwydd yr amgylchedd â’r adnoddau ar gyfer y gweithgareddau hyfforddiant sydd wedi eu cynllunio cyn eu gweithredu

6. sut i asesu galluoedd y triniwr i gynnal yr hyfforddiant

7. amcanion y rhaglen hyfforddiant a sut i fonitro cynnydd
8. yr effeithiau seicolegol a ffisiolegol y gall y gweithgareddau hyfforddiant eu cael ar yr anifail

9. yr ystod o ddulliau hyfforddiant a sut i werthuso'r rhain yn seiliedig ar wybodaeth wyddonol, safonau a pholisïau lles anifeiliaid

10. sut i ddewis y dulliau hyfforddi mwyaf priodol ar gyfer y rhaglen hyfforddiant â’r anifail

11. sut i baratoi anifeiliaid ar gyfer hyfforddiant â’r ffordd y bydd hyn yn wahanol yn ôl yr anifail, yr amgylchedd â’r gweithgareddau hyfforddiant i gael eu cynnal
12. sut i baratoi a defnyddio'r adnoddau sydd eu hangen ar gyfer y gweithgareddau hyfforddiant
13. pwysigrwydd adnabod ac asesu ymddygiad a chyflwr anifail cyn ac yn ystod gweithgareddau hyfforddiant a chymryd camau priodol fel y bo angen
14. sut i asesu lefelau hyder anifail a sut mae hyn yn gysylltiedig â pherfformiad
15. y ffyrdd cywir o drafod yr anifail perthnasol er mwyn diogelwch yr anifail, eich diogelwch chi a phawb sydd yn gysylltiedig â'ch gwaith, neu wedi eu heffeithio ganddo
16. y defnydd o atgyfnerthu cadarnhaol a negyddol ac effeithiau yr ymagweddau hyn ar ymddygiad anifeiliaid

17. y ffactorau sydd yn gallu dylanwadu ar y graddau y mae'r anifail yn cyflawni amcanion yr hyfforddiant â’r camau i'w cymryd os nad yw'r gweithgareddau, y dulliau neu'r adnoddau hyfforddi yn effeithiol

18. sut i adnabod unrhyw effeithiau yn sgil y rhaglen hyfforddiant a allai fod yn niweidiol i iechyd a lles yr anifail

19. sut i adnabod terfynau hyfforddiant effeithiol er mwyn cael llwyddiant
20. pam y mae'n bwysig adolygu a chofnodi cynnydd yn rheolaidd ac wrth bwy y dylid adrodd am hyn
21. pam y mae'n rhaid i'r person sydd wedi dylunio'r rhaglen wneud unrhyw addasiadau i'r rhaglen hyfforddiant, yn hytrach na'u gweithredu heb gadarnhad
22. pwysigrwydd parhau i gyfathrebu gyda'r rheiny sydd yn gysylltiedig â'ch gwaith, neu wedi eu heffeithio ganddo, â’r ffordd orau o wneud hyn
23. y cofnodion y mae angen eu cadw mewn perthynas â rhaglenni hyfforddiant anifeiliaid a phwysigrwydd cwblhau'r rhain yn unol â'r ddeddfwriaeth berthnasol a pholisi sefydliadol
24. eich cyfrifoldebau proffesiynol a phwysigrwydd Datblygiad Proffesiynol Parhaus (DPP) i gynnal cymhwysedd proffesiynol
25. ble i gael cyngor ac arweiniad proffesiynol a rôl cyrff a chymdeithasau proffesiynol
26. pwysigrwydd diogelwch yswiriant priodol, yn cynnwys indemnedd proffesiynol

---

​

Gallai addasrwydd yr anifail ar gyfer hyfforddiant gynnwys ystyried:

1. rhywogaeth
2. brîd
3. oed
4. cydymffurfio
5. ffitrwydd corfforol
6. sgôr pwysau/cyflwr
7. hanes hyfforddiant
8. hanes meddygol

Adnoddau:

1. personél
2. cymhorthion/cyfarpar hyfforddi

3. cymhorthion/cyfarpar trafod

4. Cyfarpar Diogelu Personol (PPE)

---

---

---

---

---

---

​

Deddfwriaeth gyfredol lles anifeiliaid:

• Deddf Llawfeddygon Milfeddygol
• Cymru a Lloegr, Deddf Lles Anifeiliaid
• Yr Alban, Deddf Iechyd a Lles Anifeiliaid
• Gogledd Iwerddon, Deddf Lles Anifeiliaid (Gogledd Iwerddon)

---

---

---

---

28 Chwef 2025

---

Ar hyn o bryd

---

Gwreiddiol

---

Lantra

---

LANAnC52

---

Ffermwr, Hyfforddiant ac Ymddygiad Cŵn, Hyfforddiant ac Ymddygiad Anifeiliaid, Anifeiliaid mewn Addysg ac Adloniant

---

6139

---

anifail; hyfforddiant; gwerthuso; adolygu; ymddygiad

---