Dylunio a gwerthuso rhaglenni hyfforddiant ar gyfer anifeiliaid

​

Mae'r safon hon yn ymwneud â dylunio a gwerthuso rhaglenni hyfforddiant ar gyfer anifeiliaid. Gall hyn gynnwys hyfforddi'r anifail i wneud tasgau penodol, neu hyfforddiant mwy cyffredinol.

Mae'r safon yn cynnwys dylunio a datblygu rhaglenni hyfforddiant ar gyfer anifeiliaid trwy osod amcanion a thargedau, dewis gweithgareddau hyfforddiant perthnasol a sicrhau bod hyfforddiant yn cael ei wneud yn y ffordd ofynnol. Mae hefyd yn cynnwys gwerthuso'r gwaith o weithredu'r rhaglen hyfforddiant i gadarnhau ei haddasrwydd parhaus.

Dylai'r holl weithgareddau gael eu gwneud yn unol â'r ddeddfwriaeth berthnasol.

Bydd angen i ddefnyddwyr y safon fod wedi cael hyfforddiant addas a chadarnhau bod eu hymarfer yn cydymffurfio â safonau a pholisïau trugarog, a'u bod yn gweithio o fewn terfynau eu hawdurdod, arbenigedd, hyfforddiant, cymhwysedd a'u profiad.

Mae'r safon hon yn addas ar gyfer y rheiny sydd yn gyfrifol am ddylunio a gwerthuso rhaglenni hyfforddiant ar gyfer anifeiliaid.

---

1. gweithio'n broffesiynol ac yn foesegol ac o fewn terfynau eich awdurdod, arbenigedd, hyfforddiant, cymhwysedd a'ch profiad

2. gweud eich gwaith yn unol â'r ddeddfwriaeth amgylcheddol ac iechyd a diogelwch perthnasol, gofynion asesu risg, codau ymarfer cysylltiedig a pholisïau sefydliadol

3. gwneud eich gwaith yn unol â'r ddeddfwriaeth berthnasol iechyd a lles anifeiliaid ac yn ymwneud ag anifeiliaid, codau ymarfer cysylltiedig a pholisïau sefydliadol
4. asesu'r ffordd y gellir darparu anghenion lles yr anifeiliaid yr ydych yn ymgysylltu â nhw
5. trafod a rhyngweithio gyda'r anifail mewn ffordd nad yw'n peryglu lles anifeiliaid, yn osgoi ymddygiad sydd yn achosi pryder o ran lles ac yn cynnal iechyd a diogelwch yn ystod hyfforddiant
6. cadarnhau diben yr hyfforddiant â’r canlyniad a fwriedir gyda phawb sydd yn gysylltiedig â'ch gwaith neu wedi eu heffeithio ganddo
7. cael a dehongli gwybodaeth am yr anifail o ffynonellau perthnasol

8. asesu anghenion hyfforddiant yr anifail a sefydlu amcanion hyfforddiant

9. dylunio rhaglen hyfforddiant ar gyfer yr anifail gyda thargedau realistig ar gyfer ymddygiad dymunol yn seiliedig ar egwyddorion dysgu â’r canlyniadau a fwriedir gyda'r hyfforddiant

10. ystyried gallu'r triniwr fydd yn cynnal yr hyfforddiant wrth ddylunio'r rhaglen hyfforddiant
11. gwerthuso dylanwadau amgylcheddol a dewis gweithgareddau a dulliau hyfforddi perthnasol i gyflawni'r canlyniad dymunol
12. nodi'r adnoddau sydd yn angenrheidiol ar gyfer y gweithgareddau hyfforddi
13. asesu'r canlyniadau lles posibl ar yr anifail wrth ddewis y dull hyfforddi â’r adnoddau, ac unioni unrhyw faterion
14. cael adborth ar iechyd ac ymddygiad yr anifail wrth i'r hyfforddiant ddatblygu
15. gwerthuso a chofnodi canlyniad yr hyfforddiant yn erbyn y rhagleni hyfforddiant yn rheolaidd, yn cynnwys asesu iechyd ac ymddygiad yr anifail, a gweithredu i ddatrys sefyllfaoedd lle canfyddir bod gweithgareddau, dulliau neu adnoddau hyfforddiant yn amhriodol
16. addasu'r rhaglen hyfforddiant fel y bo angen i ystyried ymateb yr anifail i'r hyfforddiant hyd yn hyn
17. parhau i gyfathrebu gyda chydweithwyr a phawb sydd yn gysylltiedig â'ch gwaith, neu wedi eu heffeithio ganddo
18. cael cyngor proffesiynol lle bo angen ac atgyfeirio achosion lle bo angen
19. cadarnhau bod cofnodion yn cael eu cadw a'u storio fel sydd yn ofynnol gan y ddeddfwriaeth berthnasol a pholisi sefydliadol
20. cynllunio, cofnodi, gwerthuso ac adlewyrchu ar eich Datblygiad Proffesiynol Parhaus (DPP) a gweithio o fewn gofynion y sefydliad proffesiynol perthnasol

---

1. eich cyfrifoldebau proffesiynol wrth ddylunio a gwerthuso rhaglenni hyfforddiant ar gyfer anifeiliaid a therfynau eich awdurdod, arbenigedd, hyfforddiant, cymhwysedd a'ch profiad

2. eich cyfrifoldebau yn unol â'r ddeddfwriaeth berthnasol iechyd a lles anifeiliaid ac yn ymwneud ag anifeiliaid a chodau ymarfer cysylltiedig, a chyfyngiadau cyfreithiol y Ddeddf Llawfeddygon Milfeddygol

3. eich cyfrifoldebau yn unol â'r ddeddfwriaeth berthnasol iechyd a diogelwch, codau ymarfer cysylltiedig a pholisïau sefydliadol
4. pwysigrwydd cael diogelwch yswiriant, yn cynnwys indemnedd proffesiynol
5. y ffordd y gellir asesu a mynd i'r afael ag anghenion lles yr anifeiliaid yr ydych yn ymgysylltu â nhw
6. sut i sicrhau bod lles yr anifail yn cael ei gynnal yr holl amser ac nad yw eich ymddygiad, ac ymddygiad pawb sydd yn gysylltiedig â'ch gwaith, yn achosi adweithiau niweidiol, ofn neu drallod
7. y diben a fwriadwyd ar gyfer y rhaglen hyfforddiant a sut i nodi amcanion y rhaglen hyfforddiant ar gyfer yr anifail
8. sut i gael gwybodaeth am yr anifail â’r ffactorau a allai effeithio ar ddyluniad rhaglen hyfforddi
9. y ffordd y mae anifeiliaid yn dysgu â’r ffactorau ffisegol, seicolegol ac amgylcheddol sydd yn effeithio ar ddysgu
10. ymddygiad arferol, iaith y corff a dulliau cyfathrebu yr anifail
11. pwysigrwydd asesu a yw'r anifail yn barod ar gyfer hyfforddiant a sut i ddewis dulliau asesu sydd yn ddiogel, yn ddibynadwy ac yn ddilys
12. pwysigrwydd ystyried galluoedd a chyfyngiadau'r person fydd yn cynnal yr hyfforddiant
13. sut i ddylunio rhaglen hyfforddiant ar gyfer yr anifail gyda thargedau hyfforddi realistig
14. y broses o sefydlu nodau ac amcanion mesuradwy ar gyfer hyfforddi anifeiliaid
15. sut i ddewis gweithgareddau ac adnoddau hyfforddi addas ar gyfer hyfforddi'r anifail perthnasol
16. y ffordd y bydd hyfforddiant yn effeithio ar les anifeiliaid a sut i asesu a dadansoddi a yw er budd yr anifail cysylltiedig
17. y ffactorau a allai effeithio ar gynnydd a llwyddiant hyfforddiant
18. egwyddorion a chymhwysiad ymarferol damcaniaeth ddysgu
19. pwysigrwydd monitro a gwerthuso cynnydd hyfforddiant a sut i adolygu'r rhaglen hyfforddiant lle bo angen
20. sut i wybod pryd mae canlyniadau hyfforddiant yn dangos efallai nad yw'r hyfforddiant yn addas ar gyfer yr anifail
21. pwysigrwydd parhau i gyfathrebu gyda'r rheiny sydd yn gysylltiedig â'ch gwaith, neu wedi eu heffeithio ganddo a sut dylid gwneud hyn
22. ble i gael cyngor ac arweiniad proffesiynol a rôl cyrff a chymdeithasau proffesiynol
23. y cofnodion y mae angen eu cadw mewn perthynas â dylunio a gwerthuso rhaglenni hyfforddiant ar gyfer anifeiliaid a phwysigrwydd cwblhau'r rhain yn unol â'r ddeddfwriaeth berthnasol a pholisi sefydliadol
24. eich cyfrifoldebau proffesiynol a phwysigrwydd Datblygiad Proffesiynol Parhaus (DPP) i gynnal cymhwysedd proffesiynol

---

​

Ffactorau a allai effeithio ar ddyluniad rhaglen hyfforddiant:

1. hanes bywyd
2. galluoedd corfforol

3. oed

4. iechyd

5. deiet
6. statws atgenhedlu
7. lefel hyfforddiant presennol
8. natur/nodweddion
9. rhywogaeth, brîd a rhieni
10. hanes meddygol
11. ysgogwyr ysgogiadol ac effeithiau
12. amgylchedd – byw, gweithio, hyfforddi/dysgu
13. deddfwriaeth

Adnoddau hyfforddi:

1. personél
2. cymhorthion/cyfarpar hyfforddi
3. cymhorthion/cyfarpar trafod
4. Cyfarpar Diogelu Personol (PPE)

---

---

---

---

---

---

​

Deddfwriaeth gyfredol lles anifeiliaid:

• Cymru a Lloegr, Deddf Lles Anifeiliaid
• Yr Alban, Deddf Iechyd a Lles Anifeiliaid
• Gogledd Iwerddon, Deddf Lles Anifeiliaid (Gogledd Iwerddon)
• Deddf Llawfeddygon Milfeddygol

---

---

---

---

28 Chwef 2025

---

Ar hyn o bryd

---

Gwreiddiol

---

Lantra

---

AnC50

---

Hyfforddiant ac Ymddygiad Cŵn, Hyfforddiant ac Ymddygiad Anifeiliaid, Anifeiliaid mewn Addysg ac Adloniant

---

6139

---

anifail; hyfforddiant; ymddygiad; rhaglenni

---