Darparu a chynnal a chadw llety ar gyfer gwasanaethau lletya anifeiliaid

​

Mae'r safon hon yn ymwneud â darparu a chynnal a chadw llety ar gyfer gwasanaethau lletya anifeiliaid. Gallai hyn fod yn eich cartref eich hun neu mewn eiddo busnes ac mae'n cynnwys lletya yn ystod y dydd yn ogystal â thros nos.  Mae'n cynnwys y math o lety, hylendid a bioddiogelwch yn ogystal â chyflwr anifeiliaid yn y llety.

Bydd angen i ddefnyddwyr y safon gadarnhau bod eu hymarfer yn adlewyrchu gwybodaeth a pholisïau presennol, a'u bod yn gweithio o fewn terfynau eu hawdurdod, arbenigedd, hyfforddiant, cymhwysedd a'u profiad.

Bydd disgwyl i chi weithio yn unol â'r ddeddfwriaeth berthnasol a pholisïau lleol yn ymwneud â lletya anifeiliaid.

Ystyrir lletya yn ystod y dydd yn addas ar gyfer cŵn, er bod yn rhaid ystyried eu haddasrwydd yn ofalus, gan ystyried eu lles, hyder, gallu i gymysgu â chŵn eraill a'u hiechyd.

Nid ystyrir lletya yn y cartref yn addas ar gyfer cathod.

Mae'r safon hon ar gyfer y rheiny sydd yn darparu gwasanaethau lletya anifeiliaid fel lletya yn y cartref a lletya yn ystod y dydd.

1. gweithio'n broffesiynol ac yn foesegol ac o fewn terfynau eich awdurdod, arbenigedd, hyfforddiant, cymhwysedd a'ch profiad

2. gwneud eich gwaith yn unol â'r ddeddfwriaeth amgylcheddol ac iechyd a diogelwch perthnasol, gofynion asesu risg, codau ymarfer cysylltiedig a pholisïau sefydliadol

3. gwneud eich gwaith yn unol â'r ddeddfwriaeth berthnasol iechyd a lles anifeiliaid ac yn ymwneud ag anifeiliaid, codau ymarfer cysylltiedig a pholisïau sefydliadol
4. asesu'r risg sydd yn gysylltiedig â’r gweithgaredd i gael ei wneud
5. asesu sut gellir darparu ar gyfer anghenion anifeiliaid tra'u bod o dan eich dyletswydd gofal
6. dewis a pharatoi llety sydd yn addas i'r anifail a'i anghenion
7. cadarnhau bod y llety yn lân ac yn cael ei gadw mewn cyflwr da
8. cadarnhau bod yr amodau amgylcheddol yn y llety yn addas ac y gellir eu haddasu i gyd-fynd â gofynion yr anifail
9. sicrhau bod y llety wedi ei labelu'n gywir gyda manylion yr anifail a bod cofnodion yn cael eu cwblhau yn unol â'r ddeddfwriaeth berthnasol a pholisi sefydliadol
10. cyfyngu mynediad i'r llety yn unol â gofynion yr anifail a gweithdrefnau sefydliadol
11. darparu'r gofal gofynnol a monitro anifeiliaid yn unol â'u gofynion a chyfarwyddiadau'r perchennog
12. rhoi ysgogiad a dangos hoffter tuag at anifeiliaid lle y bo'n bosibl
13. rhyngweithio gyda'r anifail mewn ffordd sydd yn lleihau straen ac yn galluogi arsylwi i gael ei wneud
14. cynnal lles yr anifail bob amser ac addasu eich ymddygiad chi, a phawb sydd yn gysylltiedig â'ch gwaith, lle bo angen, i osgoi creu ymddygiad annymunol yn yr anifail
15. nodi ymddygiad anifeiliaid a allai ddangos problemau lles neu broblemau eraill a chymryd y camau angenrheidiol
16. nodi pryd y gallai ymddygiad ddangos nad yw'r anifail yn addas ar gyfer cael ei letya
17. cynnal diogeledd yr anifeiliaid i'w diogelu rhag anaf, rhag cael eu dwyn neu rhag dianc
18. ymdrin â gwastraff yn unol â'r ddeddfwriaeth berthnasol a pholisïau sefydliadol
19. parhau i gyfathrebu gyda chydweithwyr a phawb sydd yn gysylltiedig â'ch gwaith, neu wedi eu heffeithio ganddo, a chael cyngor proffesiynol lle bo angen
20. cadarnhau bod cofnodion yn cael eu cadw a'u storio fel sydd yn ofynnol gan y ddeddfwriaeth berthnasol a pholisi sefydliadol

1. eich cyfrifoldebau proffesiynol wrth ddarparu a chynnal gwasanaethau lletya anifeiliaid a therfynau eich awdurdod, arbenigedd, hyfforddiant, cymhwysedd a'ch profiad

2. eich atebolrwydd cyfreithiol a phroffesiynol wrth ddarparu gwasanaethau lletya anifeiliaid yn eich eiddo eich hun a phwysigrwydd yswiriant addas

3. eich cyfrifoldebau yn unol â'r ddeddfwriaeth amgylcheddol ac iechyd a diogewlch, gofynion asesu risg, codau ymarfer cysylltiedig a pholisïau sefydliadol
4. sut i adnabod peryglon, asesu risg a chwblhau asesiadau risg, lle bo angen, sydd yn berthnasol i'r gweithgaredd

5. pwysigrwydd cynnal hylendid a bioddiogelwch â’r dulliau ar gyfer cyflawni hyn

6. y math o ddillad a chyfarpar diogelu personol (PPE) sydd yn addas ar gyfer y gweithgaredd

7. sut gellir asesu a mynd i'r afael ag anghenion anifeiliaid o dan eich dyletswydd gofal
8. pa fath o lety sydd yn addas ar gyfer yr anifeiliaid yn eich gofal a sut i ddewis a pharatoi llety â’r ffactorau y dylid eu hystyried
9. yr amodau amgylcheddol addas ar gyfer yr anifeiliaid yn eich gofal a sut gellir addasu'r rhain
10. sut i ddewis a defnyddio dulliau glanhau a deunyddiau sydd yn addas ar gyfer y llety, yr anifeiliaid a'u gofynion
11. y weithdrefn ar gyfer unioni unrhyw niwed i'r llety
12. y mathau o sarn y dylid ei ddarparu ar gyfer yr anifeiliaid yn eich gofal
13. y gofynion deietegol a bwydo y mae'r anifeiliaid yn eich gofal eu hangen
14. gofynion toiled ar gyfer anifeiliaid yn eich gofal
15. yr hyn a olygir gan y term "cyfoethogi" a sut gellir ei ddarparu ar gyfer yr anifeiliaid yn eich gofal
16. sut i gynnal diogelwch a diogeledd llety'r anifeiliaid a phwy sydd ag awdurdod i fynd i mewn i lety'r anifeiliaid
17. sut a phryd y dylid monitro anifeiliaid, â’r ffordd y mae gofynion anifeiliaid yn dylanwadu ar fonitro o'r fath
18. y mathau â’r lefelau gofal gwahanol a ddarperir i anifeiliaid mewn llety fel arfer
19. yr arwyddion y gallai anifeiliaid fod yn cael problemau â’r camau y dylid eu cymryd
20. sut i adnabod ymddygiad a chyflyrau emosiynol anifeiliaid yn cynnwys ofn, ymosodedd, tawelu, gorbryder, chwarae ac ymlacio a phryd y gallai hyn ddangos nad yw'r anifail yn addas ar gyfer ei letya
21. y ffordd y gall eich gweithredoedd, neu weithredoedd pawb sydd yn gysylltiedig â lletya anifeiliaid, effeithio ar ymddygiad a lles yr anifail
22. sut i leihau straen mewn anifeiliaid sydd yn cael eu lletya
23. sut a phryd i ysgogi anifeiliaid a sut gallai anifeiliaid gwahanol ymateb

24. sut i drin, cludo, storio a gwaredu mathau gwahanol o wastraff yn unol â gofynion cyfreithiol perthnasol a pholisïau sefydliadol

25. y cofnodion y mae angen eu cadw mewn perthynas â lletya anifeiliaid a phwysigrwydd eu cwblhau yn unol â'r ddeddfwriaeth berthnasol a pholisi sefydliadol

​

Mae'n rhaid i lety sydd yn addas ar gyfer yr anifail a'i anghenion ystyried y ffactorau canlynol:

1. rhywogaethau
2. brîd a/neu faint yr anifail
3. oed

4. iechyd

5. gofynion bwydo

6. hyd yr arhosiad
7. anifeiliaid eraill
8. gofynion trafod ac ymarfer corff
9. natur
10. sarn
11. cyfoethogi
12. anghenion toiled
13. preifatrwydd
14. diogelwch
15. diogeledd
16. anghenion meddygol neu arbennig eraill

Mae gofynion yr anifail yn cynnwys:

1. ymddygiad
2. faint o fwyd a hylif y mae'n eu cymryd
3. anghenion toiled
4. rhyngweithio gyda phobl ac anifeiliaid eraill
5. ysgrafellu

​

Deddfwriaeth gyfredol lles anifeiliaid:

• Cymru a Lloegr, Deddf Lles Anifeiliaid 2006
• Yr Alban, Deddf Iechyd a Lles Anifeiliaid 2006
• Gogledd Iwerddon, Deddf Lles Anifeiliaid (Gogledd Iwerddon) 2011

Amodau amgylcheddol:

• golau
• tymheredd
• lleithder
• gwyntyllu
• sŵn
• dirgryniadau