Yn ol

Cynllunio a rheoli glaswellt a chnydau porthiant ar gyfer pori a gwarchod anifeiliaid

URN: LANAgM4
Sectorau Busnes (Suites): Rheolaeth Amaethyddol,Crofftio a Chadw Tyddyn
Datblygwyd gan: Lantra
Cymeradwy ar: 31 Ion 2022

Trosolwg

​

Mae’r safon hon yn cynnwys yr angen i gynllunio a rheoli glaswellt a chnydau porthiant ar gyfer pori a gwarchod anifeiliaid. Mae rheoli porthiant yn faes allweddol yn pennu proffidioldeb mentrau anifeiliaid.

Mae’r safon hon yn cynnwys amrywiaeth o systemau porthiant, pori a chadwraeth sy’n cael eu defnyddio ar ffermydd anifeiliaid, yn cynnwys rheoli systemau pori estynedig, cyllidebu glaswellt a rheoli pori.

Wrth wneud eich gwaith mae’n rhaid i chi ystyried yr effaith y bydd yn ei gael ar yr amgylchedd, a cheisio gwarchod a gwella cynefinoedd a bioamrywiaeth ac ymateb i effeithiau newid hinsawdd a’u lleddfu.

Mae’r safon hon yn addas ar gyfer ffermwyr, rheolwyr fferm, rheolwyr unedau menter, pobl stoc, cynghorwyr fferm, crofftwyr a thyddynwyr.

Meini prawf perfformiad

Mae'n rhaid eich bod chi'n gallu:

​

  1. cyfrifo gofynion glaswellt a chnwd porthiant ar gyfer yr anifeiliaid yn eich system gynhyrchu
  2. creu cynllun ar gyfer glaswellt a chnydau porthiant, sydd yn cyd-fynd â’r system cynhyrchu anifeiliaid ddewisol
  3. cael cyngor arbenigol lle bo angen
  4. cynllunio a rheoli cynllun pori a chadwraeth sy’n bodloni gofynion yr anifeiliaid yn eich system gynhyrchu 
  5. cynllunio a rheoli sefydlu amrywiaeth o laswellt a chnydau porthiant fydd yn rhoi’r maeth sydd ei angen ar anifeiliaid ac sydd o fudd i fioamrywiaeth ac iechyd y pridd
  6. nodi cyflwr y pridd, yn unol â’r gofynion cynhyrchu glaswellt a chnwd porthiant ac ymneilltuad carbon 
  7. rheoli cyflwr y pridd, yn unol â’r gofynion glaswellt a chnwd porthiant
  8. nodi ble byddai taenu maethynnau ar y pridd o fudd
  9. lle bo angen, cynllunio a rheoli rhaglen ar gyfer cyflenwi maethynnau ar gyfer y glaswellt a’r cnydau porthiant, gan ystyried gofynion ar gyfer twf cnwd, gofynion cynhyrchu a’r dulliau gwahanol o gyflenwi maethynnau
  10. defnyddio technegau cyllidebu glaswellt, yn cynnwys mesur gorchuddion glaswellt, a chymryd camau lle bo angen 
  11. nodi a chadarnhau argaeledd yr adnoddau sydd yn angenrheidiol i weithredu’r cynllun glaswellt a chnydau porthiant 
  12. cyfathrebu’r cynllun glaswellt a chnydau porthiant wrth y rheiny sydd yn gysylltiedig â’i weithredu 
  13. rheoli gweithredu’r cynllun glaswellt a chnydau porthiant
  14. cadarnhau bod maint ac ansawdd y glaswellt a’r cnydau porthiant yn bodloni’r gofynion i gefnogi pori a gwarchod anifeiliaid
  15. rheoli cynlluniau pori a gwarchod er budd cynefinoedd, rhywogaethau a rheoli chwyn, plâu a chlefydau a nodir, a monitro’r canlyniadau
  16. sefydlu mesurau i gynnal lefelau gofynnol hylendid a bioddiogelwch a chadarnhau eu bod wedi cael eu gweithredu
  17. cadarnhau bod dulliau gwaith yn hybu iechyd a diogelwch a’u bod yn cyd-fynd â’r ddeddfwriaeth berthnasol, codau ymarfer a gofynion busnes
  18. monitro canlyniadau’r cynllun glaswellt a chnydau porthiant a chymharu’r canlyniadau â meincnodau’r diwydiant perthnasol
  19. cadarnhau bod cofnodion yn cael eu cadw a’u storio fel sydd yn ofynnol gan y ddeddfwriaeth berthnasol, codau ymarfer, gofynion sicrhau ansawdd a pholisïau busnes

Gwybodaeth a Dealltwriaeth

You need to know and understand:

​

  1. y dulliau o gyfrifo gofynion glaswellt a phorthiant blynyddol ar gyfer yr anifeiliaid yn eich system gynhyrchu
  2. sut i greu cynllun ar gyfer gofynion glaswellt a phorthiant sy’n cyd-fynd â’r system cynhyrchu anifeiliaid ddewisol 
  3. y ffynonellau gwybodaeth a chyngor arbenigol
  4. y dulliau gwahanol o archwilio strwythur pridd a’r ffactorau sydd yn gallu effeithio ar y strwythur 
  5. y ffordd y bydd priddoedd gwahanol yn pennu cynlluniau glaswellt a chnydau porthiant
  6. y dulliau o wella strwythur pridd ar gyfer glaswellt a chnydau porthiant
  7. technegau samplu pridd a sut i ddefnyddio canlyniadau dadansoddi pridd wrth gynllunio gofynion maeth
  8. y gofynion maeth ar gyfer glaswellt a chnydau porthiant gwahanol
  9. y mathau o faethynnau pridd, dulliau taenu gwahanol, a phryd y dylid eu cymhwyso
  10. y gofynion deddfwriaeth amgylcheddol perthnasol ar gyfer darparu maethynnau pridd
  11. y cynnyrch posibl, costau a buddion maeth ac amgylcheddol amrywiaeth o laswellt a chnydau porthiant
  12. manteision ac anfanteision mathau gwahanol o laswellt a chnydau porthiant
  13. y dulliau gwahanol o sefydlu a rheoli amrywiaeth o laswellt a chnydau porthiant
  14. swyddogaethau cyllidebu glaswellt, gan ystyried ffactorau sy’n effeithio ar argaeledd glaswellt, cyfraddau twf, ansawdd ac ymgymeriad anifeiliaid newydd yn ystod y tymor pori
  15. sut i fesur a dehongli gorchudd glaswellt a chnydau porthiant trwy gydol y tymor pori 
  16. problemau posibl plâu, chwyn a chlefydau a sut i reoli’r rhain
  17. y dulliau o fonitro perfformiad anifeiliaid o borthiant wedi ei warchod a glaswellt a phorthiant sy’n cael ei bori, yn cynnwys defnyddio’r cofnodion perthnasol a data cymharol
  18. y camau i’w cymryd i wella perfformiad hirdymor a thymor byr anifeiliaid o laswellt a phorthiant sy’n cael ei bori 
  19. buddion y defnydd cywir o wrtaith anifeiliaid yn lleihau costau mewnbwn
  20. sut i bennu’r adnoddau dynol, ariannol, materol a chyfalaf sydd yn angenrheidiol i gyflawni’r cynllun glaswellt a chnydau porthiant
  21. y dulliau o gyfathrebu’r cynlluniau glaswellt a chnydau porthiant wrth y rheiny sydd yn gysylltiedig â’u gweithredu
  22. y dulliau o gynnal hylendid a bioddiogelwch a’r rhesymau pam y mae hyn yn bwysig
  23. eich cyfrifoldebau yn unol â’r gofynion amgylcheddol, iechyd a diogelwch, codau ymarfer a busnes perthnasol
  24. y gofynion ar gyfer adrodd a chofnodi’r amser y dylid cadw cofnodion

Cwmpas/ystod

Cwmpas Perfformiad

Gwybodaeth Cwmpas

Gwerthoedd

Ymddygiadau

Sgiliau

Geirfa

​

Gallai glaswellt a chnydau porthiant gynnwys:  
• cnydau bresych e.e. bresych crych
• maip bonion
• rwden
• rêp porthiant
• betysen borthiant
• rhyg porthiant
• pys/ffa porthiant
• ysgellog
• maglys
• meillion
• ffawlys
• perlysiau buddiol
• glaswellt yn llawn rhywogaethau

Dolenni I NOS Eraill

Cysylltiadau Allanol

Fersiwn rhif

Dyddiad Adolygu Dangosol

31 Ion 2027

Dilysrwydd

Ar hyn o bryd

Statws

Gwreiddiol

Sefydliad Cychwynnol

Lantra

URN gwreiddiol

LANAgM4

Galwedigaethau Perthnasol

Ffermwr, Rheolwr Fferm, Cynghorydd Technegol Amaethyddol, Tyddynnwr, Crofftwr

Cod SOC

5111

Geiriau Allweddol

glaswellt; maes; pori; anifail; anifeiliaid; maethynnau; pridd; fferm; porthiant