Cynllunio a monitro darpariaeth anifeiliaid

Mae’r safon hon yn cynnwys cynllunio a monitro darpariaeth anifeiliaid ar gyfer y fenter. Gallai hyn gynnwys caffael stoc i gyflwyno brîd newydd, ymestyn lefelau stoc neu amnewid stoc sydd wedi cael eu cymryd allan. Mae’n cynnwys yr opsiynau amrywiol sydd ar gael i gaffael stoc, yn cynnwys trwy raglen fridio neu drwy eu prynu i mewn. Mae hefyd yn cynnwys amcangyfrif y meintiau sydd eu hangen a’r costau cysylltiedig.

   

Bydd angen i chi baratoi cynlluniau ar gyfer darparu anifeiliaid sy’n bodloni targedau menter.

 

Mae monitro’r rhaglen ac adolygu perfformiad yn erbyn targedau yn rhan hanfodol o fenter anifeiliaid lwyddiannus.

Wrth wneud eich gwaith mae’n rhaid i chi ystyried yr effaith y bydd yn ei gael ar yr amgylchedd, a cheisio gwarchod a gwella cynefinoedd a bioamrywiaeth ac ymateb i effeithiau newid hinsawdd a lleddfu’r effeithiau.

Mae’r safon hon yn addas ar gyfer cynghorwyr fferm, rheolwyr fferm, rheolwyr mentrau/unedau, ffermwyr, crofftwyr neu dyddynwyr

1. nodi’r gofynion ar gyfer darparu anifeiliaid i fodloni targedau busnes menter
2. nodi bridiau addas o anifeiliaid ar gyfer y lleoliad a hinsawdd y fenter a’r diben ar gyfer eu cadw
3. nodi a gwerthuso opsiynau ar gyfer darparu anifeiliaid
4. cael cyngor arbenigol lle bo angen
5. dewis yr opsiynau dewisol, paru gofynion a chyfyngiadau’r fenter, a pharatoi cynlluniau sy’n bodloni targedau busnes
6. cynhyrchu gweithdrefnau a phrotocolau i reoli a monitro darpariaeth anifeiliaid 
7. lle mae anifeiliaid yn cael eu cyflwyno, pennu’r fanyleb ar gyfer prynu anifeiliaid sy’n bodloni gofynion menter 
8. nodi ffynonellau anifeiliaid ar gyfer eu prynu sy’n bodloni’r fanyleb ofynnol
9. cynllunio a gweithredu mesurau bioddiogelwch priodol ar gyfer derbyn y stoc newydd, fel sydd yn ofynnol gan y cynllun iechyd a llesiant
10. lle mae anifeiliaid yn cael eu magu, pennu’r system fagu ddewisol, wedi eu magu gartref neu ar gontract, a pharatoi cynlluniau sy’n diffinio targedau perfformiad 
11. cyfathrebu’r cynllun ar gyfer darparu anifeiliaid i’r rheiny sydd yn gysylltiedig â’i weithredu
12. pennu gweithdrefnau ar gyfer gwirio a monitro iechyd, llesiant a pherfformiad stoc newydd ac amlinellu unrhyw weithredoedd sydd yn angenrheidiol
13. monitro perfformiad yn erbyn targedau ac addasu cynlluniau anifeiliaid fel sydd yn ofynnol
14. cadarnhau bod dulliau gweithio yn cynnal iechyd a diogelwch a’u bod yn cyd-fynd â’r ddeddfwriaeth berthnasol, codau ymarfer a gofynion sefydliadol
15. cadarnhau bod cofnodion yn cael eu cynnal a’u storio fel sydd yn ofynnol gan y ddeddfwriaeth berthnasol, codau ymarfer, gofynion sicrhau ansawdd a pholisïau busnes

1. sut i bennu’r gofynion ar gyfer darparu anifeiliaid i fodloni targedau busnes menter
2. beth ddylai gael ei ystyried wrth ddewis bridiau addas o anifeiliaid
3. sut i werthuso’r cyfleoedd a’r cyfyngiadau wrth bennu llwybr gweithredu ar gyfer darparu anifeiliaid 
4. sut i ddehongli gwerthoedd bridio economaidd (EBV) a pha EBV sy’n iawn ar gyfer eich anifeiliaid a’ch marchnad darged neu gadwyn gyflenwi
5. yr opsiynau gwahanol sydd ar gael wrth gynllunio i ddarparu anifeiliaid, yn cynnwys bridio eich rhai eich hun, eu prynu i mewn (gwerthiant preifat, marchnadoedd anifeiliaid), neu ddefnyddio magwr ar gontract
6. y ddeddfwriaeth, y rheoliadau a’r codau ymarfer sy’n effeithio ar ddarparu anifeiliaid 
7. y goblygiadau ariannol, bioddiogelwch, amseru a’r cynllun difa y mae angen eu hystyried wrth gynllunio i ddarparu anifeiliaid 
8. sut i nodi ffynonellau anifeiliaid gyda’r nodweddion genetig, y statws iechyd a’r anian gofynnol wrth ystyried prynu anifeiliaid i mewn, yn cynnwys egwyddorion masnachu yn seiliedig ar risg lle y bo’n briodol
9. ffisioleg twf anifeiliaid ac effeithiau posibl magu ar berfformiad dilynol yr anifail
10. agweddau a pholisïau gwahanol iechyd, llesiant, perfformiad a maeth anifeiliaid, a sut mae’r rhain yn perthyn i’w gilydd 
11. y dulliau o gyfathrebu cynlluniau a gweithdrefnau i’r rheiny sydd yn gysylltiedig â’u gweithredu 
12. sut i fonitro perfformiad y cynllun yn erbyn targedau busnes menter
13. y rhesymeg dros adolygu polisïau a gweithredu camau cywiro, os oes angen
14. pwysigrwydd gwirio a chynnal darpariaeth anifeiliaid i sicrhau proffidioldeb y fenter
15. eich cyfrifoldebau yn unol â’r ddeddfwriaeth amgylcheddol ac iechyd a diogelwch gyfredol, codau ymarfer a gofynion sefydliadol
16. y gofynion ar gyfer adrodd a chofnodi, a’r amser y dylid cadw cofnodion

Amnewid anifeiliaid – caffael anifeiliaid newydd yn lle’r rhai sydd wedi cael eu cymryd allan 

Gallai manylebau ar gyfer prynu anifeiliaid gynnwys:

• oed

• potensial bridio

• statws iechyd praidd

• cydymffurfio

• ymsymudiad

• bodloni safon brîd

• anian

• maint y praidd/haid ffynhonnell

• praidd/haid ffynhonnell wedi cau

• hanes iechyd a thriniaeth