Yn ol

Cynllunio a rheoli iechyd a llesiant anifeiliaid

URN: LANAgM11
Sectorau Busnes (Suites): Rheolaeth Amaethyddol,Crofftio a Chadw Tyddyn
Datblygwyd gan: Lantra
Cymeradwy ar: 31 Ion 2022

Trosolwg

​

Mae’r safon hon yn cynnwys cynllunio a rheoli iechyd a llesiant anifeiliaid. Mae cynnal iechyd a llesiant anifeiliaid yn allweddol i’w perfformiad ac mae felly’n hanfodol er mwyn i’r fenter for yn llwyddiannus ac yn broffidiol.

Dylid ceisio cymorth ac arweiniad allanol wrth baratoi’r cynllun, yn arbennig gan eich milfeddyg ond hefyd gan ymgynghorwyr a chynghorwyr technegol arbenigol.
   
Mae’n rhaid paratoi’r cynllun iechyd a llesiant yn unol â’r ddeddfwriaeth lles anifeiliaid berthnasol, codau ymarfer ac arweiniad gan sefydliadau llesiant anifeiliaid.

Wrth wneud eich gwaith mae’n rhaid i chi ystyried yr effaith y bydd yn ei gael ar yr amgylchedd, a cheisio gwarchod a gwella cynefinoedd a bioamrywiaeth ac ymateb i effeithiau newid hinsawdd a’u lleddfu.
   
Mae’r safon hon yn addas ar gyfer rheolwyr fferm, rheolwyr praidd/uned, crofftwyr a thyddynwyr.

Meini prawf perfformiad

Mae'n rhaid eich bod chi'n gallu:

​

  1. datblygu cynllun iechyd a llesiant anifeiliaid yn unol â deddfwriaeth a chanllawiau’r diwydiant, sydd yn cynnwys targedau wedi eu diffinio’n glir
  2. cael cyngor arbenigol gan eich milfeddyg ac ymgynghorwyr a chynghorwyr arbenigol eraill, lle bo angen
  3. gwerthuso’r defnydd o dechnolegau o fewn y cynllun iechyd a llesiant anifeiliaid a gwneud penderfyniadau am eu defnydd a’u priodoldeb i’r fenter 
  4. nodi a chadarnhau argaeledd yr adnoddau sydd eu hangen i weithredu’r cynllun iechyd a llesiant anifeiliaid 
  5. rhoi systemau ar waith i reoli gweithredu’r cynllun iechyd a llesiant anifeiliaid
  6. cyfathrebu’r cynllun iechyd a llesiant anifeiliaid i’r rheiny sydd yn gysylltiedig â’i weithredu
  7. nodi a darparu hyfforddiant perthnasol ar gyfer y rheiny sydd yn gysylltiedig er mwyn rheoli’r gwaith o weithredu’r cynllun iechyd a llesiant anifeiliaid
  8. sefydlu mesurau i gynnal y lefelau angenrheidiol o hylendid a bioddiogelwch a chadarnhau eu bod wedi cael eu gweithredu
  9. cadarnhau bod anifeiliaid yn cael eu monitro am glefydau, afiechyd neu faterion iechyd a llesiant eraill anifeiliaid neu anafiadau, yn unol â’r cynllun iechyd a llesiant anifeiliaid
  10. cadarnhau bod gan anifeiliaid fynediad at amodau amgylcheddol addas, yn unol â’r cynllun iechyd a llesiant anifeiliaid
  11. gweithredu’r triniaethau perthnasol i anifeiliaid, yn unol â’r cynllun iechyd a llesiant anifeiliaid
  12. cadarnhau bod y brechlynnau neu’r imiwneiddiadau perthnasol wedi eu derbyn, yn unol â’r cynllun iechyd a llesiant anifeiliaid a gofynion cyfreithiol
  13. cadarnhau bod dulliau gweithio’n cynnal iechyd a digoelwch a’u bod yn cyd-fynd â’r ddeddfwriaeth berthnasol, codau ymarfer a’r gofynion busnes
  14. cadarnhau bod y rheiny sydd yn gysylltiedig â rheoli iechyd a llesiant anifeiliaid yn defnyddio’r gofyniad diogelu personol (PPE) priodol
  15. cadarnhau cydymffurfio â’r ddeddfwriaeth lles anifeiliaid berthnasol, codau ymarfer, sicrwydd ansawdd fferm, polisïau ac amcanion busnes
  16. monitro, adolygu a diwygio’r cynllun iechyd a llesiant anifeiliaid yn rheolaidd
  17. cadarnhau bod cofnodion yn cael eu cynnal a’u storio fel sydd yn ofynnol gan y ddeddfwriaeth berthnasol, cynlluniau sicrhau ansawdd a pholisïau busnes

Gwybodaeth a Dealltwriaeth

You need to know and understand:

​

  1. pwysigrwydd cynllunio a rheoli iechyd a llesiant anifeiliaid yn effeithiol, a’i effaith ar gynhyrchiant a phroffidioldeb  
  2. elfennau allweddol gofynion iechyd a llesiant anifeiliaid o fewn systemau gwahanol cynhyrchu anifeiliaid
  3. cydrannau allweddol cynllun iechyd a llesiant anifeiliaid
  4. yr angen i ddilyn deddfwriaeth a chanllawiau’r diwydiant a gweithio’n agos gyda’r milfeddyg ac ymgynghorwyr a chynghorwyr technegol eraill, lle bo angen
  5. y dulliau o gynnal hylendid a bioddiogelwch a’r rhesymau pam y mae hyn yn bwysig
  6. statws iechyd cyfredol eich anifeiliaid a sut i reoli unrhyw glefydau, afiechyd neu faterion iechyd a llesiant eraill anifeiliaid, yn cynnwys y gofynion ar gyfer ynysu anifeiliaid
  7. goblygiadau defnyddio triniaethau ar anifeiliaid, yn cynnwys cyfnodau tynnu’n ôl a datblygiad ymwrthedd
  8. sut i asesu effeithiolrwydd cost y cynllun iechyd a llesiant anifeiliaid
  9. y ffordd y gall amodau amgylcheddol effeithio ar iechyd a llesiant anifeiliaid
  10. y systemau rheoli iechyd a llesiant anifeiliaid sydd yn atal, monitro a rheoli’r tebygolrwydd o glefydau, anhwylderau a materion eraill iechyd a llesiant anifeiliaid neu anafiadau
  11. y brechlynnau neu’r imiwneiddiadau perthnasol sydd eu hangen ar yr anifeiliaid a sut i’w gweithredu 
  12. sut i bennu’r adnoddau dynol, ariannol, materol a chyfalaf sydd yn angenrheidiol i weithredu’r cynllun iechyd a llesiant anifeiliaid
  13. y dulliau o gyfathrebu gyda’r rheiny sydd yn gysylltiedig â gweithredu’r cynllun iechyd a llesiant anifeiliaid, a’r ffordd y gellir darparu hyfforddiant, lle bo angen 
  14. eich cyfrifoldebau yn unol â deddfwriaeth amgylcheddol ac iechyd a diogelwch perthnasol, codau ymarfer a gofynion busnes
  15. pwysigrwydd cadarnhau bod y cyfarpar diogelu personol (PPE) yn cael ei ddefnyddio wrth reoli iechyd a llesiant anifeiliaid
  16. yr angen i ddarparu’r cyfleusterau, y cyflenwadau a’r cyfarpar priodol ar gyfer gweithredu’r cynllun iechyd a llesiant anifeiliaid
  17. sut i fonitro ac adolygu effeithiolrwydd y cynllun iechyd a llesiant anifeiliaid a gwneud yr addasiadau angenrheidiol 
  18. deddfwriaeth benodol iechyd a llesiant anifeiliaid, codau ymarfer, sicrwydd ansawdd fferm, polisïau ac amcanion busnes
  19. y gofynion ar gyfer adrodd a chofnodi, a’r hyd y dylid cadw cofnodion

Cwmpas/ystod

Cwmpas Perfformiad

Gwybodaeth Cwmpas

Gwerthoedd

Ymddygiadau

Sgiliau

Geirfa

Dolenni I NOS Eraill

​Mae mwy o fanylion am fioddiogelwch ar gael yn safon LANAgM13: Cynllunio, rheoli a gwerthuso hylendid a bioddiogelwch safle.

Cysylltiadau Allanol

Fersiwn rhif

Dyddiad Adolygu Dangosol

31 Ion 2027

Dilysrwydd

Ar hyn o bryd

Statws

Gwreiddiol

Sefydliad Cychwynnol

Lantra

URN gwreiddiol

LANAgM11

Galwedigaethau Perthnasol

Ffermwr, Rheolwr Fferm, Rheolwr Uned, Cynghorydd Technegol Amaethyddol, Tyddynnwr, Crofftwr

Cod SOC

5111

Geiriau Allweddol

anifail; anifeiliaid; fferm; triniaeth; iechyd a llesiant