Gweithredu’r gwaith o osod maethynnau ar gnydau

Mae'r safon hon yn cynnwys gweithredu'r gwaith o osod maethynnau ar gnydau.

Bydd angen gwybodaeth arnoch am egwyddorion twf a datblygiad cnydau yn ogystal ag iechyd cnydau.

Wrth weithio gyda pheiriannau, offer neu gemegau, dylech fod wedi cael hyfforddiant a meddu ar dystysgrif gyfredol lle bo angen.

Wrth wneud eich gwaith mae'n rhaid i chi ystyried yr effaith y bydd yn ei gael ar yr amgylchedd.

Mae'r safon hon yn addas ar gyfer gweithredwr medrus sy'n gyfrifol am weithredu'r gwaith o osod maethynnau ar gnydau.

1. asesu'r risg sydd yn gysylltiedig â'r gweithgaredd i'w wneud
2. gwisgo dillad ac offer amddiffynnol personol (PPE) addas
3. dewis, paratoi, defnyddio a chynnal a chadw'r peiriannau a'r offer gofynnol, yn ddiogel ac yn gywir
4. storio, cludo a pharatoi maethynnau yn unol â deddfwriaeth berthnasol ac arferion busnes
5. cadarnhau bod y cynnyrch dethol yn addas ar gyfer y gwaith i'w gyflawni ac yn unol â'r cyfarwyddiadau a'r manylebau
6. cyfrifo'r isafswm sydd angen ei osod i gyflawni'r canlyniad dymunol
7. cadarnhau bod yr amodau amgylcheddol yn briodol ar gyfer y gwaith o osod y maethynnau i'w gyflawni
8. gweithredu'r gwaith o osod maethynnau ar y cnwd, yn unol â'r cyfarwyddiadau a'r manylebau
9. cynnal diogelwch a diogeledd peiriannau ac offer pan fyddwch ar y safle
10. cadarnhau bod hylendid a bioddiogelwch yn cael eu cynnal, yn unol ag arferion busnes
11. parhau i gyfathrebu gyda chydweithwyr ac eraill sydd yn gysylltiedig â'ch gwaith neu'n cael eu heffeithio ganddo
12. dilyn canllawiau'r diwydiant neu'r busnes i leihau niwed amgylcheddol
13. gwaredu cynnyrch dros ben a chynwysyddion yn ddiogel ac yn gywir, yn unol â gofynion cyfreithiol perthnasol, codau ymarfer ac arferion busnes
14. gwneud eich gwaith yn unol â deddfwriaeth amgylcheddol ac iechyd a diogelwch berthnasol, gofynion asesu risg, codau ymarfer a pholisïau busnes
15. cadarnhau bod cofnodion yn cael eu cadw a'u storio fel sy'n ofynnol gan ddeddfwriaeth berthnasol a'r busnes

1. sut i adnabod peryglon ac asesu risg
2. y math o ddillad ac offer amddiffynnol personol (PPE) addas ar gyfer y gweithgaredd
3. y mathau o beiriannau ac offer sy'n ofynnol ar gyfer gweithredu'r gwaith o osod maethynnau ar gnydau a sut i baratoi, defnyddio, cynnal a storio'r rhain yn ddiogel ac yn gywir
4. cyfnodau datblygiad cnydau er mwyn gosod maethynnau
5. gofynion, manteision ac anfanteision systemau cynhyrchu cnydau gwahanol
6. egwyddorion amaethyddiaeth gynaliadwy a Rheolaeth Integredig Cnydau (ICM)
7. sut i gludo a storio gwrtaith a chynwysyddion yn unol â deddfwriaeth berthnasol, cyfarwyddiadau a manylebau
8. y gofynion gosod ar gyfer mathau gwahanol o faethynnau yn cynnwys rhai organig ac anorganig
9. sut i gyfrifo faint o faeth sy'n ofynnol a sut y dylid ei baratoi
10. yr amodau amgylcheddol sy'n ofynnol ar gyfer gosod maethynnau ar gnydau a'r effaith y mae'r amodau hyn yn ei gael ar y gweithrediadau
11. y math o broblemau a allai ddigwydd wrth weithredu'r gwaith o osod maethynnau ar gnydau a'r camau i'w cymryd
12. pam y mae'n bwysig cynnal diogelwch a diogeledd peiriannau ac offer pan fyddwch ar y safle
13. pwysigwrydd cynnal hylendid a bioddiogelwch a'r dulliau ar gyfer cyflawni hyn
14. pwysigrwydd parhau i gyfathrebu gyda'r rheiny sydd yn gysylltiedig â'ch gwaith neu'n cael eu heffeithio ganddo
15. yr effaith bosibl y gallai eich gweithgareddau ei gael ar yr amgylchedd a sut y gellir lleihau hyn, yn cynnwys ystyriaethau NVZ (Parth Perygl Nitradau), llygredd dŵr ac effeithiau gorddos ar iechyd planhigion
16. sut i drin, cludo, storio a gwaredu gwastraff yn unol â gofynion cyfreithiol perthnasol ac arferion busnes
17. eich cyfrifoldebau yn unol â deddfwriaeth amgylcheddol ac iechyd a diogelwch perthnasol, codau ymarfer a pholisïau busnes
18. y cofnodion y mae angen eu cadw a phwysigrwydd eu cwblhau

Cyfarwyddiadau a manylebau:

• darluniau/cynlluniau
• amserlenni
• datganiadau dull
• Gweithdrefnau Gweithredu Safonol (SOP),
• canllawiau cynhyrchwyr
• gofynion cwsmeriaid
• gofynion cnydau
• cyfarwyddiadau llafar

* *
Maethynnau:

• ffynonellau organig (e.e. gwerydau, biswail a biosolidau)
• ffynonellau anorganig

Amaethyddiaeth gynaliadwy: Bodloni'r gofynion ar gyfer cynhyrchu bwyd tra'n cynnal proffidioldeb a gwarchod yr amgylchedd.