Yn ol

Paratoi cyfarpar plannu a phlannu cnydau

URN: LANAgC2
Sectorau Busnes (Suites): Cynhyrchu Cnwd Amaethyddol,Crofftio a Chadw Tyddyn
Datblygwyd gan: Lantra
Cymeradwy ar: 31 Ion 2022

Trosolwg

​

Mae’r safon hon yn cynnwys paratoi cyfarpar plannu a phlannu cnydau.
 
Byddwch yn gallu sicrhau bod y safle mewn cyflwr addas ar gyfer plannu a bod yr ansawdd a’r meintiau cywir o ddeunydd plannu ar gael. Byddwch hefyd yn gallu sefydlu a gweithredu peiriannau a chyfarpar ar gyfer plannu i fodloni anghenion manyleb y cnwd a’r plannu.
 
Wrth weithio gyda pheiriannau a chyfarpar, dylech fod wedi cael hyfforddiant, ac yn meddu ar yr ardystiad cyfredol lle bo angen, yn unol â’r ddeddfwriaeth berthnasol.

Wrth wneud eich gwaith mae’n rhaid i chi ystyried yr effaith y bydd yn ei gael ar yr amgylchedd, a gweithio tuag at warchod a gwella cynefinoedd a bioamrywiaeth ac ymateb i effeithiau newid hinsawdd a’u lleddfu.
 
Mae’r safon yn addas ar gyfer y rheiny sy’n gyfrifol am baratoi cyfarpar plannu a phlannu cnydau.

Meini prawf perfformiad

Mae'n rhaid eich bod chi'n gallu:

​

  1. asesu’r risgiau sydd yn gysylltiedig â’r safle a’r gweithgaredd angenrheidiol
  2. gwisgo dillad addas a chyfarpar diogelu personol (PPE)
  3. dewis, paratoi, defnyddio a chynnal a chadw’r cyfarpar a’r peiriannau angenrheidiol, yn ddiogel ac yn gywir
  4. sicrhau bod y cyfarpar plannu yn addas i’w ddefnyddio a chadarnhau ei fod wedi ei sefydlu i roi’r cynnyrch gofynnol
  5. sicrhau bod y pridd wedi cael ei baratoi a’i fod mewn cyflwr addas ar gyfer plannu’r cnwd, a gweithredu os nad ydyw
  6. cludo deunydd plannu mewn ffordd sy’n osgoi niwed ac yn cynnal ansawdd 
  7. defnyddio cyfarpar plannu i osod deunydd plannu yn y pridd yn gyson ar draws y safle, yn unol â’r cyfarwyddiadau a’r manylebau 
  8. cynnal hylendid a bioddiogelwch, yn unol ag arferion busnes
  9. cynnal diogelwch a diogeledd y cyfarpar a’r peiriannau ar y safle
  10. glanhau cyfarpar a pheiriannau i lawr ar ôl eu defnyddio a’u gadael yn ddiogel ac yn y cyflwr cywir ar gyfer eu defnyddio yn y dyfodol
  11. parhau i gyfathrebu gyda chydweithwyr ac eraill sydd yn gysylltiedig â’ch gwaith neu wedi eu heffeithio ganddo
  12. dilyn canllawiau’r diwydiant a’r busnes i leihau niwed amgylcheddol
  13. prosesu gwastraff yn ddiogel ac yn gywir, yn unol â’r gofynion cyfreithiol perthnasol ac arferion busnes
  14. gwneud eich gwaith yn unol â’r ddeddfwriaeth amgylcheddol ac iechyd a diogelwch, gofynion asesu risg, codau ymarfer a pholisïau busnes
  15. cwblhau cofnodion fel sydd yn ofynnol gan y ddeddfwriaeth berthnasol a’r busnes

Gwybodaeth a Dealltwriaeth

You need to know and understand:

​

  1. sut i nodi peryglon ac asesu risgiau sydd yn gysylltiedig â defnyddio cyfarpar plannu i blannu cnydau
  2. y math o ddillad a chyfarpar diogelu personol (PPE) sydd yn addas ar gyfer y gweithgaredd
  3. pwysigrwydd cynnal asesiad amgylcheddol o’r safle cyn dechrau gwaith, a’r canfyddiadau a allai effeithio ar blannu cnydau
  4. gofynion, manteision ac anfanteision systemau gwahanol cynhyrchu cnydau
  5. egwyddorion amaethyddiaeth gynaliadwy a Rheolaeth Integredig Cnydau (ICM)
  6. y mathau o gyfarpar a pheiriannau sydd yn angenrheidiol ar gyfer plannu cnydau, a sut i’w paratoi, eu defnyddio a’u cynnal a’u cadw yn ddiogel ac yn gywir
  7. cynnyrch angenrheidiol y cyfarpar plannu, gan ystyried y ffactorau perthnasol
  8. sut i osod y cyfarpar a’r peiriannau i roi’r cynnyrch angenrheidiol, yn cynnwys y defnydd o dechnoleg
  9. y mathau o bridd a’u perthynas â phlannu cnwd a sefydlu’r cnydau
  10. gofynion a diben y manylebau plannu 
  11. sut i sicrhau bod y pridd wedi cael ei baratoi a’i fod mewn cyflwr addas ar gyfer plannu cnydau
  12. y dulliau a ddefnyddir i baratoi deunydd plannu a sut i gadarnhau ei fod yn addas ar gyfer plannu
  13. y ddeddfwriaeth genedlaethol gyfredol sy’n rheoli’r defnydd o wrteithiau a thriniaethau wrth blannu cnydau
  14. pwysigrwydd amseru wrth blannu cnydau, a’r ffordd y mae’r math o gnwd yn effeithio ar yr amseru 
  15. y rhyng-berthynas rhwng dwysedd, dyfnder, cyfeiriadedd, gofod rhwng planhigion a lled rhesi wrth blannu, beth sydd orau ar gyfer cnydau gwahanol a safleoedd gwahanol a pham y mae hyn yn wir
  16. y ffactorau y mae’n rhaid eu hystyried wrth blannu cnydau, fel triniaethau hadau, ychwanegu plaladdwyr neu faethynnau a'r gofynion cyfreithiol ar gyfer eu defnyddio 
  17. y math o broblemau a allai godi wrth blannu a’r camau i’w cymryd
  18. pwysigrwydd cynnal hylendid a bioddiogelwch wrth blannu cnydau a’r dulliau o gyflawni hyn
  19. pam y mae’n bwysig cynnal diogelwch a diogeledd cyfarpar a pheiriannau pan fyddwch ar y safle
  20. sut i lanhau cyfarpar a pheiriannau i lawr, a pham y mae hyn yn bwysig
  21. pwysigrwydd parhau i gyfathrebu gyda’r rheiny sydd yn gysylltiedig â’ch gwaith neu wedi eu heffeithio ganddo a sut dylid gwneud hyn
  22. pwysigrwydd dilyn yr arfer gorau amgylcheddol ac ecolegol perthnasol er mwyn lleihau effaith eich gwaith ar yr amgylchedd
  23. y camau y gellir eu cymryd i warchod a gwella cynefin a bioamrywiaeth ac ymateb i effeithiau newid hinsawdd a’u lleddfu
  24. sut i drin, cludo, storio a gwaredu gwastraff, yn unol â’r gofynion cyfreithiol ac arferion busnes
  25. eich cyfrifoldebau yn unol â deddfwriaeth amgylcheddol ac iechyd a diogelwch perthnasol, codau ymarfer a pholisïau busnes
  26. y cofnodion y mae angen eu cadw a phwysigrwydd eu cwblhau

Cwmpas/ystod

Cwmpas Perfformiad

Gwybodaeth Cwmpas

Gwerthoedd

Ymddygiadau

Sgiliau

Geirfa

​

Gallai cnydau gynnwys: 
• grawnfwydydd/grawn
• cnydau gwreiddiau
• corbys
• rêp had olew
• gwinwydd
• hopys
• llysiau
• perlysiau
• blodau
• llwyni
• coed
• ffrwythau

Cyfarwyddiadau a manylebau: 
• darluniau/cynlluniau
• amserlenni
• datganiadau dull
• Gweithdrefnau Gweithredu Safonol (SOP)
• canllawiau’r cynhyrchydd
• gofynion cwsmeriaid
• gofynion sicrhau ansawdd
• gofynion cnydau
• cyfarwyddiadau llafar

Deunydd plannu:
• hadau
• planhigion
• bylbiau, cloron, cormau, ac ati 
• gwrteithiau
• triniaethau

Safle deunydd plannu:
• dwysedd
• dyfnder
• cyfeiriadedd
• gofod rhwng planhigion
• lled rhesi
• cadernid

Ffactorau perthnasol:
• math a chyflwr y pridd
• topograffeg
• hinsawdd
• y tywydd a chyflwr y ddaear
• strwythurau a systemau presennol (e.e. ffensys, gwrychoedd, draeniad)
• defnydd blaenorol o’r safle
• triniaethau blaenorol
• mynediad

Cynnyrch angenrheidiol:
• planhigion/ha
• kg/ha

Amaethyddiaeth gynaliadwy: Bodloni’r gofynion ar gyfer cynhyrchu bwyd tra’n cynnal proffidioldeb a gwarchod yr amgylchedd.

Amseru:
• tymoroldeb
• cyflwr y pridd
• y tywydd
• amodau amgylcheddol

Dolenni I NOS Eraill

Cysylltiadau Allanol

Fersiwn rhif

Dyddiad Adolygu Dangosol

31 Ion 2027

Dilysrwydd

Ar hyn o bryd

Statws

Gwreiddiol

Sefydliad Cychwynnol

Lantra

URN gwreiddiol

LANAgC2

Galwedigaethau Perthnasol

Ffermwr, Gyrrwr Tractor, Tyddynnwr, Crofftwr

Cod SOC

5111

Geiriau Allweddol

cnydau; plannu; hadau; planhigion