Asesu a diffinio angen anifail am ofal iechyd cyflenwol a naturiol/holistig

Mae’r safon hon yn ymwneud ag asesu a diffinio angen anifail am ofal iechyd cyflenwol a naturiol/holistig. Mae hyn yn cynnwys asesu addasrwydd y driniaeth i’r anifail, gan ystyried ei gyflwr a’i sefyllfa.

Mae gofal iechyd ategol a naturiol/holistig i anifeiliaid yn gofyn am ddealltwriaeth o’r anifail - ei gymeriad, iechyd corfforol, lles emosiynol a phroblemau ymddygiadol. Hefyd, mae’n gofyn am ddealltwriaeth o ddymuniadau a disgwyliadau’r perchennog neu’r gofalwr, ynghyd â’r effaith bosibl ar broblem(au) yr anifail. Bydd asesiad cychwynnol ac adolygiadau parhaus yn helpu ymarferwr i bennu addasrwydd a budd posibl ei therapi i’r anifail a phenderfynu ar y ffordd orau o roi’r therapi - naill ai ar ei ben ei hun neu fel rhan o becyn gofal iechyd ehangach.

Nod yMae’r safon hon yn ymwneud ag asesu a diffinio angen anifail am ofal iechyd cyflenwol a naturiol/holistig. Mae hyn yn cynnwys asesu addasrwydd y driniaeth i’r anifail, gan ystyried ei gyflwr a’i sefyllfa.

---

1. asesu a gwerthuso ceisiadau am ofal iechyd cyflenwol a naturiol/holistig i anifeiliaid ac ymateb yn briodol
2. nodi amgylchedd addas ar gyfer asesiad o anghenion yr anifail
3. esbonio natur eich disgyblaeth gofal iechyd cyflenwol a naturiol/holistig, gan gynnwys y strwythur ffioedd, i berchennog neu ofalwr yr anifail
4. trafod iechyd, lles, problemau ymddygiadol a natur yr anifail yn awr ac yn y gorffennol, ynghyd â tharddiad unrhyw broblemau, gyda pherchennog neu ofalwr yr anifail, lle bo hyn yn hysbys
5. cael gwybod gan berchennog neu ofalwr yr anifail am unrhyw ddiagnosisau milfeddygol hysbys o broblemau iechyd, ynghyd â gwybodaeth am feddyginiaeth, diet neu driniaeth neu wasanaethau eraill y mae’r anifail yn eu cael
6. asesu p’un a all ymddygiad a gweithredoedd perchennog neu ofalwr anifail fod wedi effeithio ar gyflwr yr anifail a ph’un a fyddai’n briodol cynnig disgyblaeth a fyddai o fudd i’r perchennog ac i’r anifail
7. trafod dymuniadau a disgwyliadau perchennog neu ofalwr yr anifail ynghylch y driniaeth a’i chanlyniadau posibl i’w hanifail
8. annog perchennog neu ofalwr yr anifail i ofyn cwestiynau a chodi pryderon er mwyn cael dealltwriaeth o’r ddisgyblaeth gofal iechyd cyflenwol a naturiol/holistig a’i heffeithiau posibl
9. asesu p’un a oes unrhyw gyfyngiadau, rhwystrau neu wrth-arwyddion i’r ddisgyblaeth gofal iechyd cyflenwol a naturiol/holistig y gallent, yn eich barn chi, effeithio ar gyflawni canlyniadau effeithiol
10. defnyddio arferion diogel er mwyn lleihau’r risgiau i’r anifail, i chi ac i eraill wrth gyflawni asesiad corfforol
11. nesáu at yr anifail a’i drin mewn modd sy’n debygol o gynyddu ei ffydd a’i hyder yn yr ymarferwr, ei annog i gydweithredu a lleihau trallod wrth gyflawni asesiad corfforol
12. cadarnhau bod lles yr anifail yn cael ei gynnal trwy gydol yr asesiad corfforol
13. adnabod pryd y gallai ymddygiad yr anifail arwyddo y dylech oedi dros dro, rhoi’r gorau i’r gweithgaredd neu ddiwygio eich dull
14. ceisio cymorth os bydd angen, pe bai risg i iechyd, diogelwch neu ddiogeled yr anifail, i chi neu i eraill
15. ymgynghori â’r milfeddyg perthnasol neu gadarnhau bod cydsyniad wedi’i sicrhau cyn dechrau gweithio gydag anifail, lle bo angen hynny yn ôl deddfwriaeth
16. cynhyrchu cofnodion sy’n cydymffurfio â’r gofynion proffesiynol, cyfreithiol a sefydliadol perthnasol
17. cynnal safonau ymddygiad proffesiynol a moeseg a gweithio o fewn cyfyngiadau eich awdurdod, arbenigedd, hyfforddiant, cymhwysedd a’ch profiad eich hun
18. myfyrio ar eich perfformiad eich hun a chynllunio, cofnodi a gwerthuso eich datblygiad proffesiynol parhaus
19. cynnal perthynas waith â chydweithwyr, cleientiaid ac ymarferwyr eraill o fewn eich disgyblaeth, ynghyd â gweithwyr proffesiynol milfeddygol neu ofal anifeiliaid eraill, fel y bo angen
20. cydymffurfio â’r ddeddfwriaeth bresennol a chodau ymarfer cysylltiedig sy’n ymwneud â gofal iechyd a lles anifeiliaid bob amser
21. gweithio’n ddiogel a chymryd camau addas i atal y posibilrwydd o drosglwyddo clefydau

---

1. cysyniad iechyd a lles anifeiliaid a phriodoldeb a budd posibl eich disgyblaeth gofal iechyd cyflenwol a naturiol/holistig i bob darpar anifail
2. natur y ddisgyblaeth gofal iechyd cyflenwol a naturiol/holistig yr ydych yn ei darparu, ynghyd â’r strwythur ffioedd
3. y sefyllfaoedd a’r amodau y mae eich disgyblaeth gofal iechyd cyflenwol a naturiol/holistig yn gwbl addas iddynt a phryd y dylech gynnig y ddisgyblaeth gyda gofal
4. sut gall hanes anifail, triniaethau meddygol presennol a blaenorol anifail, a gofal arall (gan gynnwys diet, meddyginiaeth a therapïau eraill) effeithio ar ei iechyd a’i les, a pherthnasedd hyn i’ch disgyblaeth gofal iechyd cyflenwol a naturiol/holistig
5. sut i gasglu gwybodaeth am yr anifail, gan gynnwys pwysigrwydd cael unrhyw ddiagnosisau milfeddygol presennol, er mwyn asesu a diffinio anghenion yr anifail a chynnig darparu triniaeth, fel y bo’n briodol
6. priodoldeb cynnig eich disgyblaeth ar y cyd ag unrhyw driniaeth/therapi arall y mae’r anifail yn ei chael a’r ystyriaethau perthnasol y mae’n rhaid cyfrif amdanynt
7. pryd a sut i gynnwys neu ymgynghori â’r milfeddyg perthnasol neu wirio bod cydsyniad wedi’i roi cyn dechrau gweithio gydag anifail
8. pwysigrwydd gwneud i’r perchennog neu’r gofalwr deimlo’i fod yn cael ei gynnwys a’i fod yn rhan werthfawr o’r broses, a’r ffordd orau o wneud hyn
9. sut gall ymddygiad a gweithredoedd perchennog neu ofalwr anifail effeithio ar ymddygiad yr anifail a’i gyflyrau emosiynol a chorfforol
10. sut i ddewis dulliau gwahanol i archwilio anghenion yr anifail ac, o bosibl, anghenion y perchennog neu’r gofalwr
11. sut i nodi’r camau mwyaf priodol i’w cymryd, yn dibynnu ar eich asesiad o anghenion yr anifail a’ch profiad blaenorol eich hun
12. pwysigrwydd cynnig eich disgyblaeth gofal iechyd cyflenwol a naturiol/holistig i anifail mewn ffordd ac amgylchedd sy’n debygol o fod yn fuddiol  
13. sut i asesu unrhyw risgiau posibl i’r anifail o’ch dull gofal iechyd cyflenwol a naturiol/holistig arfaethedig neu amgen
14. sut i adnabod symptomau “baner goch”, pan fydd angen asesiad neu driniaeth filfeddygol ar frys, ac ymwybyddiaeth o glefydau sy’n hysbysadwy
15. y gofyniad adrodd os bydd amheuaeth o gam-drin anifeiliaid a’r broses i’w dilyn
16. sut i nodi’r risgiau a’r peryglon posibl sy’n gysylltiedig â thrin anifeiliaid a sut i leihau ac ymateb i’r rhain er lles pennaf yr anifail ac i amddiffyn eich diogelwch eich hun a’ch eraill, a diogelwch yr anifail
17. y gwahanol ffactorau a all effeithio’n andwyol ar ymddygiad anifail a beth i’w wneud os sylwir ar y rhain
18. sut i adnabod ac asesu arwyddion straen a braw yn yr anifeiliaid sy’n cael eu trin a sut i nodi sefyllfaoedd pan nad yw nesáu at anifail na’i drin yn addas nac yn briodol, heb gymorth
19. sut i adeiladu ffydd gydag anifeiliaid er mwyn cyflawni asesiad o’u hanghenion
20. y gofynion proffesiynol, cyfreithiol a sefydliadol perthnasol am gynhyrchu a storio cofnodion ar gyfer pob ymgynghoriad a thriniaeth
21. eich cyfrifoldebau proffesiynol a moesegol, cyfyngiadau eich awdurdod, arbenigedd, hyfforddiant, cymhwysedd a’ch profiad, a’r angen am yswiriant addas
22. rôl sefydliadau a chymdeithasau proffesiynol
23. gofynion deddfwriaeth bresennol ar les anifeiliaid a chyfyngiadau’r Ddeddf Milfeddygon (1966) o ran diagnosis anifeiliaid a rhoi triniaeth iddynt

---

---

---

---

---

---

---

Deddf Milfeddygon (1966): 

Mae’n anghyfreithlon o dan y Ddeddf Milfeddygon (1966) i bobl nad ydynt yn filfeddygon gyflawni milfeddygaeth.

Mae’r Ddeddf yn diffinio Milfeddygaeth fel a ganlyn:

• gwneud diagnosis o glefydau mewn anifeiliaid, ac anafiadau iddynt, gan gynnwys profion a gyflawnir ar anifeiliaid at ddibenion diagnostig
• rhoi cyngor ar sail diagnosis o’r fath
• triniaeth feddygol neu lawdriniaethol anifeiliaid
• cyflawni llawdriniaethau ar anifeiliaid

---

LANACT2 Datblygu a chytuno ar gynlluniau ar gyfer gofal iechyd cyflenwol a naturiol/holistig anifail 

LANACT3 Cynnig Reiki i anifeiliaid 

LANAnC10 Arsylwi ac adnabod ymddygiad anifeiliaid 

LANAnC15 Trin a ffrwyno anifeiliaid 

LANCS68 Gweithio yn unol â gofynion proffesiynol, deddfwriaethol a rheoleiddiol, ac o fewn cwmpas cyfrifoldeb moesegol a phersonol, er iechyd a lles anifeiliaid

---

---

2

---

2030

---

Ar hyn o bryd

---

Gwreiddiol

---

Lantra

---

LANACT1

---

Gofal anifeiliaid

---

6129

---

anifeiliaid; therapi; cyflenwol; naturiol; holistig; asesu; diffinio

---