Trin a rheoli anifeiliaid o deulu’r ceffyl

​Mae'r safon hon yn disgrifio'r cymhwysedd sydd ei angen i drin a rheoli anifeiliaid o deulu'r ceffyl yn waraidd er mwyn gallu gwneud gwaith a bod y peryglon i'r anifail, y triniwr, i chi eich hun ac eraill yn cael eu lleihau. Byddwch yn gallu asesu'r peryglon cysylltiedig, nodi dulliau priodol o drin a rheoli ar gyfer y ceffyl a'i ofynion, a defnyddio'r dulliau hyn yn effeithiol ac yn ddiogel. Byddwch yn gallu ystyried y ffactorau canlynol a allai effeithio ar ymddygiad ceffylau:

oed
brîd
tymer
amgylchedd
profiadau
dylanwadau allanol

Bydd angen i chi gyfathrebu gyda phobl eraill er mwyn cytuno ar y gofynion ar gyfer trin a rheoli er mwyn sicrhau:

bod diogelwch personél, yn eich cynnwys chi, yn cael ei gynnal
bod lles yr anifail yn cael ei gynnal
bod yr offer priodol yn cael ei ddewis a'i ddefnyddio'n gywir

​P1 Dewis dull o drin a rheoli’n waraidd sy’n briodol ar gyfer y ceffyl a’i ofynion er mwyn lleihau’r perygl i’r anifail, y triniwr, i chi eich hun ac eraill

P2 Trafod a chytuno ar y gofynion trin gydag eraill er mwyn i’r dasg gael ei gwneud

P3 Mynd at y ceffyl mewn ffordd sy’n hybu lles anifeiliaid, sy’n lleihau trallod i’r anifail ac sy’n cynnal iechyd a diogelwch

P4 Addasu’r ffordd o drin a rheoli’r ceffyl mewn ymateb i’w adweithiau a’i ymddygiad

P5 Mabwysiadu safle i weithio sy’n ddiogel ar gyfer y ceffyl a chi eich hun

P6 Sicrhau bod iechyd a lles yr anifail yn cael ei gynnal yr holl amser

P7 Sicrhau nad yw eich rhyngweithio chi gyda’r ceffyl yn cael effaith niweidiol ar ei ymddygiad

​Trin a rheoli anifeiliaid o deulu’r ceffyl

G1 Pam y gall fod angen trin a rheoli ceffylau a sut y gallai hyn effeithio ar y dull a ddewisir

G2 Yr ystod o ddulliau gwahanol o drin a rheoli

G3 Sut i gynllunio trin a rheoli ceffylau

G4 Sut i asesu’r peryglon sy’n gynhenid i drin a rheoli ceffylau

G5 Ffactorau a allai achosi trallod neu fraw mewn ceffylau

G6 Sut i adnabod ac asesu’r arwyddion o drallod a braw mewn ceffylau

G7 Sut i adnabod sefyllfaoedd neu amodau lle nad yw’n addas i berson wynebu, trin neu reoli ceffyl heb gymorth a chanlyniadau posibl gwneud hynny

Gweithio gydag anifeiliaid o deulu’r ceffyl

G8 Sut i adnabod amgylchedd gwaith addas

G9 Sut i adnabod safleoedd gwaith addas fydd yn lleihau’r perygl o anaf neu salwch personol

G10 Sut i wynebu, codi, dal a gweithio gyda thraed ceffylau

G11 Terfynau gwaith diogel yn y droed a’r aelod

G12 Rhagofalon i’w cymryd i atal anaf i’r ceffyl

G13 Cydnabod hynny pan fyddai’r ceffyl yn cael budd o hyfforddiant interim.