Rheoli datblygiad mewnol a pherthnasoedd allanol sefydliad

Mae'r safon hon yn ymwneud â chreu amgylchedd lle gall sefydliadau gyflawni gwaith datblygu cymunedol cynhwysol ac effeithiol. Mae'r safon yn cynnwys rheoli strwythurau a systemau mewnol i sicrhau gwaith datblygu cymunedol effeithiol. Ar yr un pryd, mae'r safon yn annog ymarferwyr datblygu cymunedol i edrych allan, gyda golwg ar ymateb i faterion ac anghenion cymunedol.  Mae'r safon hon yn ymwneud â'r tasgau y mae angen eu cyflawni i gynyddu ymwybyddiaeth o ddatblygu cymunedol yn eu sefydliad eu hun, ac i reoli'r perthnasoedd rhwng y sefydliad a'r cymunedau y mae'n gweithio gyda nhw. 

Mae'r safon hon yn berthnasol i'r rhai sy'n rheoli perthnasoedd ym maes datblygu cymunedol ac i holl reolwyr sefydliadau datblygu cymunedol. 

Trefnir y safonau datblygu cymunedol yn chwe maes allweddol:

• Un - deall ac ymarfer datblygu cymunedol 

• Dau - deall cymunedau ac ymgysylltu â nhw 

• Tri - gwaith grŵp a gweithredu ar y cyd 

• Pedwar - cydweithio a gweithio ar draws sectorau 

• Pump - dysgu cymunedol er newid cymdeithasol  

• Chwech - llywodraethu a datblygu sefydliadol 

Mae'r safon hon yn rhan o Faes Allweddol Chwech

1 casglu tystiolaeth i ddadansoddi newidiadau gwleidyddol, cymdeithasol ac economaidd i'r amgylchedd gwaith o ran eu goblygiadau i'ch ymarfer datblygu cymunedol eich hun

2 delio'n effeithiol gyda newid, ansicrwydd a gwrthdaro o fewn y sefydliad neu'r tu allan iddo 

3 cefnogi datrys problemau ar y cyd o fewn timau a rhwng ymarferwyr a staff eraill y sefydliad i gyflawni amcanion sefydliadol

4 datblygu a gweithredu ymarfer i gynyddu grymuso cymunedol ac ymwneud â phrosesau cynllunio a gwneud penderfyniadau

5 rheoli'r tensiynau a all godi rhwng gwerthoedd proffesiynol a sefydliadol yn eich sefydliad eich hun

6 rheoli effaith penderfyniadau eich sefydliad eich hun ar gymunedau 

7 datblygu polisïau sefydliadol i gefnogi datblygiad proffesiynol parhaus ymarferwyr datblygu cymunedol

8 rhoi arweiniad ar fodelau o wneud penderfyniadau a chynllunio datganoledig i eraill yn y sefydliad

9 adfyfyrio ar ymarfer i lywio penderfyniadau rheoli sy'n ymwneud â datblygu a newid y sefydliad

10 asesu effaith arfer datblygu cymunedol ar gymunedau penodol a rhannu hynny gydag phobl eraill berthnasol i gefnogi cynllunio yn y dyfodol

11 defnyddio gwahanol arddulliau arweinyddiaeth ar gyfer gwahanol sefyllfaoedd yn eich sefydliad eich hun a pherthnasoedd allanol

Y cyd-destun

1 materion allweddol wrth reoli a chefnogi datblygu cymunedol 

2 cyd-destun eich sefydliad datblygu cymunedol eich hun o fewn polisi lleol, rhanbarthol a chenedlaethol 

3 natur, cyfansoddiad a hanes cymunedau lleol

4 ethos y sefydliad a gweithdrefnau a fydd yn effeithio ar gymunedau

5 deddfwriaeth sy'n effeithio ar waith gyda grwpiau cymunedol a chymunedau

Modelau a phrosesau sy'n ofynnol ar gyfer rheoli ymarfer datblygu cymunedol

6 sut mae eiriol dros ymarfer datblygu cymunedol ar lefel strategol yn eich sefydliad eich hun

7 sut mae mesur effaith datblygu cymunedol ar gymunedau a sefydliadau

8 sut mae hwyluso newid a datblygiad unigol a sefydliadol 

9 agweddau at reoli gwrthdaro

Adnoddau ar gyfer rheoli ymarfer datblygu cymunedol

10 y gwerth y mae profiad o ymarfer datblygu cymunedol yn ei gyfrannu i rôl reoli

11 sut mae cael hyd i gyngor a gwybodaeth arbenigol a'u cyrchu sy'n berthnasol i wella arferion a strwythurau sefydliadol

12 modelau ar gyfer gwneud penderfyniadau datganoledig a'u haddasrwydd mewn gwahanol sefyllfaoedd

13 pwysigrwydd adfyfyrio'n feirniadol ar ymarfer mewnol y sefydliad fel rhan o ddatblygiad proffesiynol a sefydliadol

Seiliwyd datblygu cymunedol ar gyfres o werthoedd sy'n ei osod ar wahân i weithgareddau eraill, a all fod yn gysylltiedig, yn y gymuned. Mae'r gwerthoedd hyn yn greiddiol i ddatblygu cymunedol, ac yn darparu sylfaen ar gyfer pob un o'r safonau. Y gwerthoedd yw;

1 Cyfiawnder cymdeithasol a chydraddoldeb

2 Gwrthweithio camwahaniaethu

3 Grymuso cymunedol

4 Gweithredu ar y cyd

5 Gweithio a dysgu gyda'n gilydd

Mae'r enghreifftiau canlynol yn dangos sut gallai pob un o'r gwerthoedd datblygu cymunedol lywio ymarfer yn y safon hon. Nid yw'r gosodiadau hyn yn rhan o'r gofynion asesu.

1 bod dulliau creadigol o feddwl yn cael eu cymhwyso i sicrhau agweddau cynhwysol at ddatrys problemau 

2 bod materion camwahaniaethu sy'n cael eu codi gan gymunedau yn cael eu clywed, ac y gweithredir arnynt

3 bod prosesau gwneud penderfyniadau cyfranogol yn cael eu mabwysiadu sy'n cynnwys cymunedau a sefydliadau'n weithredol

4 bod natur gyfunol datblygu cymunedol yn cael ei gynnal yn wyneb targedau sy'n ymwneud ag unigolion

5 bod aelodau o'r gymuned yn cael eu symbylu a'u cefnogi i arwain y gwaith o feithin perthnasoedd allanol​