Hwyluso dysgu cymunedol ar gyfer datblygiad cymdeithasol a gwleidyddol

Mae'r safon hon yn ymwneud â rôl ymarferwyr datblygu cymunedol wrth hwyluso dysgu unigolion a grwpiau ar gyfer gweithredu cymunedol ar y cyd. Mae'n edrych ar rolau ymarferwyr datblygu cymunedol wrth ddarparu cyfleoedd dysgu i ddatblygu arbenigedd, sgiliau, gwybodaeth a syniadau creadigol pobl sy'n ymwneud â datblygu cymunedol. Y ffocws yw dysgu sy'n cefnogi gweithredu ar y cyd ac yn rhoi llais mwy effeithiol i gymunedau. Ystyr hynny yw y gallai gweithgareddau dysgu gynnwys datblygu dealltwriaeth feirniadol o brosesau a strwythurau diwylliannol, cymdeithasol, gwleidyddol ac economaidd; sut mae'r rhain yn brofiadau cyffredin i bobl yn gyffredinol; a sut gellir eu herio.

Mae'r safon hon yn berthnasol i ymarferwyr datblygu cymunedol sy'n trefnu a/neu'n darparu cyfleoedd dysgu datblygu cymunedol. 

Trefnir y safonau datblygu cymunedol yn chwe maes allweddol:

• Un - deall ac ymarfer datblygu cymunedol 

• Dau - deall cymunedau ac ymgysylltu â nhw 

• Tri - gwaith grŵp a gweithredu ar y cyd 

• Pedwar - cydweithio a gweithio ar draws sectorau 

• Pump - dysgu cymunedol er newid cymdeithasol  

• Chwech - llywodraethu a datblygu sefydliadol 

Mae'r safon hon yn rhan o Faes Allweddol Pump

1 meithrin perthnasoedd parhaol llawn ymddiriedaeth gydag unigolion o wahanol gefndiroedd sydd â gwahanol brofiadau yn y broses ddysgu

2 nodi anghenion dysgu unigolion a grwpiau cymunedol 

3 teilwra gweithgareddau dysgu i ddiwallu'r anghenion a fynegwyd gan unigolion a grwpiau cymunedol 

4 defnyddio profiadau pobl yn fan cychwyn ar gyfer gweithgareddau dysgu cyfranogol a dulliau o ddiwallu anghenion dysgu gwahanol 

5 creu amgylcheddau cefnogol ar gyfer dysgu sy'n archwilio gwerthoedd, persbectifau, hawliau a chyfrifoldebau

6 defnyddio cyfleoedd dysgu i hyrwyddo camau gweithredu pendant dros newid cymdeithasol 

7 defnyddio adnoddau priodol ar gyfer gwybodaeth, cyngor ac arweiniad ar ddatblygu cymunedol

8 defnyddio adnoddau priodol ar gyfer dysgu datblygu cymunedol 

9 cyd-drafod â darparwyr dysgu a hyfforddiant i gefnogi dysgu cymunedol a datblygiad proffesiynol

10 monitro, adolygu ac adrodd ar effaith gwahanol gyfleoedd dysgu i unigolion a chymunedau

Y cyd-destun

1 rôl dysgu wrth hybu ymddiriedaeth, dealltwriaeth a pharch o fewn a rhwng cymunedau

2 rhwystrau i ddysgu a ffyrdd o'u goresgyn

3 arfer gwrthwahaniaethol wrth ddarparu a chyflwyno dysgu

Agweddau at ddysgu

4 agweddau a dulliau i gynnal dysgu 

5 effaith gwahanol anghenion dysgu a dewisiadau a ffafrir wrth ddysgu 

6 ffyrdd gwahanol o gefnogi camau gweithredu, dysgu a dadansoddiadau beirniadol o natur pŵer, anghydraddoldeb a chamwahaniaethu, a gweithredu democrataidd

Adnoddau a chefnogaeth ar gyfer dysgu

7 sut mae canfod, addasu a chreu adnoddau ar gyfer dysgu cymunedol

8 fframweithiau cymwysterau perthnasol 

9 rhwydweithiau cynnal dysgu ffurfiol ac anffurfiol a sut mae eu cyrchu

Gwerthuso dysgu

10 dulliau o werthuso gweithgareddau dysgu a chanlyniadau dysgu ar gyfer cymunedau ac unigolion

11 sut mae lledaenu canlyniadau gwerthuso yn gwella'r ddarpariaeth ddysgu

Seiliwyd datblygu cymunedol ar gyfres o werthoedd sy'n ei osod ar wahân i weithgareddau eraill, a all fod yn gysylltiedig, yn y gymuned. Mae'r gwerthoedd hyn yn greiddiol i ddatblygu cymunedol, ac yn darparu sylfaen ar gyfer pob un o'r safonau. Y gwerthoedd yw;

1 Cyfiawnder cymdeithasol a chydraddoldeb

2 Gwrthweithio camwahaniaethu

3 Grymuso cymunedol

4 Gweithredu ar y cyd

5 Gweithio a dysgu gyda'n gilydd

Mae'r enghreifftiau canlynol yn dangos sut gallai pob un o'r gwerthoedd datblygu cymunedol lywio ymarfer yn y safon hon. Nid yw'r gosodiadau hyn yn rhan o'r gofynion asesu.

1 bod rôl dysgu wrth newid sefyllfa gymdeithasol, economaidd a gwleidyddol pobl yn cael ei chydnabod a'i harchwilio

2 bod amser yn cael ei gymryd i feithrin ymddiriedaeth yn y grŵp dysgu, fel bod pobl yn teimlo'n hyderus i rannu profiadau a dysgu o brofiadau pobl eraill

3 bod dulliau dysgu yn cael eu defnyddio i alluogi pobl i ddatblygu'r hyder a'r sgiliau i fedru cynrychioli eu hunain a'u buddiannau 

4 bod cyfranogwyr yn ymwneud â rhannu eu barn a'u profiadau o ddysgu, a chyfrannu syniadau er mwyn gwella'r profiad er budd eraill

5 bod cyfranogwyr yn cael eu hannog a'u cefnogi i nodi cyfleoedd pellach ar gyfer eu datblygiad eu hun ​