Cefnogi cymunedau i reoli gwrthdaro ac ymdrin ag ef yn effeithiol, boed hynny o fewn cymunedau a grwpiau cymunedol neu rhyngddynt

Mae'r safon hon yn ymwneud â delio gyda gwrthdaro: 

• o fewn cymunedau  

• rhwng cymunedau

• o fewn grwpiau cymunedol 

• rhwng grwpiau cymunedol 

Mae'r safon hon yn cydnabod yr elfennau tebyg wrth ddelio gyda phob gwrthdaro, a'r sgiliau sy'n ofynnol i ddadansoddi'r cyd-destun ac ymateb mewn ffyrdd sy'n gynhwysol, yn canolbwyntio ar atebion, ac yn gweithio i sicrhau newid cymdeithasol cadarnhaol. Mae'r safon hefyd yn cydnabod y gall gwrthdaro greu costau a manteision, mae'n cydnabod achosion ac effeithiau gwrthdaro, ac yn nodi bod gwahanol strategaethau ar gyfer delio gyda gwrthdaro mewn cymunedau a gwrthdaro oddi mewn i sefydliadau a rhyngddynt. 

Mae'r safon hon yn berthnasol i bob ymarferydd datblygu cymunedol. 

Trefnir y safonau datblygu cymunedol yn chwe maes allweddol:

• Un - deall ac ymarfer datblygu cymunedol 

• Dau - deall cymunedau ac ymgysylltu â nhw 

• Tri - gwaith grŵp a gweithredu ar y cyd 

• Pedwar - cydweithio a gweithio ar draws sectorau 

• Pump - dysgu cymunedol er newid cymdeithasol  

• Chwech - llywodraethu a datblygu sefydliadol 

Mae'r safon hon yn rhan o Faes Allweddol Tri

1 nodi natur, achosion ac effeithiau gwrthdaro o fewn a rhwng cymunedau a grwpiau cymunedol

2 ymateb i wrthdaro er mwyn lleihau'r tensiynau o fewn neu rhwng cymunedau mewn ffyrdd sensitif

3 gweithio i leihau'r ofn a'r trallod a achosir gan wrthdaro cymunedol

4 cefnogi pobl i nodi meysydd lle gallai gwrthdaro godi, tir cyffredin a diddordebau a rennir

5 cefnogi aelodau o'r gymuned i ddatblygu gwybodaeth, sgiliau a hyder i ddelio â gwrthdaro mewn modd cadarnhaol

6 nodi a chanfod ffyrdd o ddileu rhwystrau i gyfathrebu a dealltwriaeth o'r ddeutu o fewn a rhwng cymunedau

7 hybu gwerthoedd, persbectifau, hawliau a chyfrifoldebau pawb sy'n rhan o'r gwrthdaro wrth geisio datrys y sefyllfa

8 nodi'r posibiliadau o ran cyfryngu a'i ffynonellau ar gyfer ymdrin â gwrthdaro mewn cymunedau neu grwpiau cymunedol

9 cyfryngu o fewn a rhwng grwpiau i oresgyn gwrthdaro lle bynnag y bo modd

10 dogfennu'r meysydd sy'n destun cytuno neu anghytuno er mwyn cyfeirio atynt yn y dyfodol 

11 cefnogi strategaethau a arweinir ar y cyd er mwyn ymdrin â gwrthdaro sy'n parhau

Y cyd-destun

1 effaith perthnasoedd pŵer ar unigolion a chymunedau 

2 manteision cydnabod a gosod gwerth ar amrywiaeth, ac arfer cynhwysol sy'n wrthwahaniaethol

3 rhwystrau i ymwneud â gweithgareddau ar y cyd a ffyrdd o'u goresgyn

4 agweddau negyddol a chadarnhaol gwrthdaro 

Delio gyda gwrthdaro cymunedol

5 achosion, effeithiau a chanlyniadau gwrthdaro cymunedol

6 dulliau gwahanol, amserol a chreadigol o fynd ati i ddadansoddi a datrys gwrthdaro

7 sut mae hwyluso dulliau ar y cyd o ddatrys gwrthdaro

8 ffynonellau o gymorth cyfryngu sydd ar gael i unigolion, cymunedau ac ymarferwyr

9 dulliau o ymateb yn sensitif er mwyn lleihau tensiynau a goresgyn ofnau cymunedau

Cefnogi'r dysgu

10 gwybod sut mae datblygu gwybodaeth, sgiliau, dealltwriaeth ac agweddau eraill er mwyn delio gyda gwrthdaro

Seiliwyd datblygu cymunedol ar gyfres o werthoedd sy'n ei osod ar wahân i weithgareddau eraill, a all fod yn gysylltiedig, yn y gymuned. Mae'r gwerthoedd hyn yn greiddiol i ddatblygu cymunedol, ac yn darparu sylfaen ar gyfer pob un o'r safonau. Y gwerthoedd yw;

1 Cyfiawnder cymdeithasol a chydraddoldeb

2 Gwrthweithio camwahaniaethu

3 Grymuso cymunedol

4 Gweithredu ar y cyd

5 Gweithio a dysgu gyda'n gilydd

Mae'r enghreifftiau canlynol yn dangos sut gallai pob un o'r gwerthoedd datblygu cymunedol lywio ymarfer yn y safon hon. Nid yw'r gosodiadau hyn yn rhan o'r gofynion asesu.

1 bod perthnasoedd pŵer a'u heffeithiau yn cael eu cydnabod yn agored mewn sefyllfaoedd o wrthdaro

2 bod gwrthdaro'n derbyn sylw o safbwynt lle ceir parch rhwng yr holl bartïon a'i gilydd

3 bod ffyrdd adeiladol o herio yn sicrhau bod ffynonellau gwrthdaro yn cael eu 'dadbersonoli’ 

4 bod pawb y mae'r gwrthdaro'n effeithio arnynt yn cael eu hannog i gyfrannu at gynhyrchu syniadau a datrysiadau

5 bod unigolion a grwpiau yn adfyfyrio ar y sefyllfa o wrthdaro, yn dysgu yn ei sgîl, ac yn symud ymlaen oddi yno ​