Monitro a gwerthuso gwybodaeth i gynorthwyo cynlluniau gwerthu
Trosolwg
Mae'r safon hon yn ymwneud â monitro a gwerthuso gwybodaeth ar gyfer cynlluniau gwerthu. Dylai'r sefydliad gael darlun clir a chyfredol o'i farchnadoedd a'i amgylchedd busnes drwy gael gwybodaeth briodol i gynorthwyo’r gwaith o ddatblygu strategaethau a chynlluniau gwerthu. Mae'r safon yn canolbwyntio ar wneud yn siŵr eich bod yn casglu gwybodaeth am werthu yn yr amgylchedd busnes gan gynnwys anghenion cwsmeriaid, risgiau posibl, tueddiadau'r farchnad, technolegau newydd, deddfwriaeth a rheoleiddio, gweithgareddau cystadleuwyr ac amodau prisio. Mae'r safon yn cynnwys amgylchedd gweithredu mewnol eich sefydliad hefyd a'r adnoddau sydd ar gael ar gyfer gweithgareddau gwerthu. Mae'r safon hon ar gyfer gweithwyr proffesiynol sy'n monitro ac yn gwerthuso gwybodaeth at ddibenion cynlluniau gwerthu.
Meini prawf perfformiad
Mae'n rhaid eich bod chi'n gallu:
- coladu gwybodaeth am gwsmeriaid a chystadleuwyr i gynorthwyo cynlluniau gwerthu yn unol â gofynion sefydliadol
- monitro a gwerthuso tueddiadau a datblygiadau y tu mewn a'r tu allan i'r sefydliad sy'n effeithio ar weithgareddau busnes a gwerthu
- nodi'r cryfderau, y gwendidau, y cyfleoedd a’r bygythiadau (SWOT) yn eich sefydliad
- nodi'r ffactorau gwleidyddol, economaidd, cymdeithasol, technolegol, cyfreithiol ac amgylcheddol (PESTLE) sy'n effeithio ar eich sefydliad
- dadansoddi'r amgylchedd busnes y mae eich sefydliad yn gweithredu ynddo
- archwilio'r cyfleoedd i werthu a'r risgiau yn yr amgylchedd gweithredu a'u heffaith bosibl ar y cynllun gwerthu
- ymgynghori â chydweithwyr a rhanddeiliaid eraill ynghylch datblygiadau yn y farchnad a'r goblygiadau i'r sefydliad
- coladu gwybodaeth i gynorthwyo cynlluniau gwerthu yn unol â gofynion sefydliadol
- gwneud yn siŵr bod gwybodaeth i gynorthwyo cynlluniau gwerthu yn cael ei chyfleu i gydweithwyr a rhanddeiliaid yn unol â gofynion sefydliadol
Gwybodaeth a Dealltwriaeth
You need to know and understand:
- y gofynion cyfreithiol, rheoleiddiol a moesegol cyfredol ar gyfer casglu gwybodaeth a’i defnyddio mewn cynlluniau gwerthu
- y tueddiadau sy'n dod i'r amlwg yn sector a maes gweithredu daearyddol y sefydliad
- y ffactorau ym marchnadoedd y sefydliad sy'n dylanwadu ar gynlluniau gwerthu
- yr ystod o ffynonellau a’r mathau o wybodaeth sy'n berthnasol i weithgareddau gwerthu’r sefydliad
- patrymau ymddygiad cwsmeriaid a sut mae'r rhain yn effeithio ar y ffordd y mae'r gwerthiannau a gynigir yn cael eu teilwra
- sut i gynnal dadansoddiad cystadleuol sy'n archwilio gweithgareddau gwerthu cystadleuwyr a chynigion gwerthu
- sut i gynnal dadansoddiad o'r amgylchedd gwerthu a busnes
- ffactorau gwleidyddol, economaidd, cymdeithasol, technolegol, cyfreithiol ac amgylcheddol (PESTLE)
- sut i gynnal dadansoddiad o gryfderau, gwendidau, cyfleoedd a bygythiadau (SWOT) o safbwynt gwerthu
- sut i ddefnyddio dadansoddiad SWOT i ddatblygu strategaethau a chynlluniau gwerthu
- yr amrywiaeth o opsiynau o ran cynlluniau gwerthu a sut i asesu eu goblygiadau
- sut i ddefnyddio gwybodaeth a'i hymgorffori wrth ddatblygu strategaeth a chynlluniau