Gwerthu cynhyrchion a gwasanaethau wyneb yn wyneb

URN: INSSAL0022
Sectorau Busnes (Cyfresi): Gwerthu
Datblygwyd gan: Instructus
Cymeradwy ar: 2024

Trosolwg

Mae'r safon hon yn ymwneud â gwerthu cynhyrchion a gwasanaethau wyneb yn wyneb. Mae hyn yn rhan annatod o'r rhan fwyaf o brosesau gwerthu ac mae'n digwydd mewn amgylcheddau gwerthu amrywiol, fel gwerthu mewn eiddo cwsmeriaid, mewn siopau, mewn ffeiriau ac arddangosfeydd. Mae gwerthu wyneb yn wyneb yn golygu bod angen deallusrwydd emosiynol, a sgiliau da o ran gwrando a chwestiynu. Mae angen i chi ddatgelu anghenion y cwsmer a gallu egluro sut y bydd eich cynnyrch neu wasanaeth yn diwallu’r angen ac yn rhoi gwerth iddynt. Mae'n debyg y bydd sawl cyfarfod wyneb yn wyneb a chyda gwahanol bobl, er mwyn ennill rhywfaint o fusnes. Dylai pob cyfarfod adeiladu ar rai cynharach er mwyn symud y cyfle yn ei flaen. Dylech fynd ati i gael gwybod a yw buddiannau cwsmeriaid yn awgrymu y gallai fod cyfle i werthu, traws-werthu a gwerthu ychwanegion. Mae'r safon hon ar gyfer gweithwyr gwerthu proffesiynol sy'n gwerthu cynhyrchion a gwasanaethau wyneb yn wyneb.


Meini prawf perfformiad

Mae'n rhaid eich bod chi'n gallu:

  1. nodi'r marchnadoedd targed ar gyfer gwerthu a pharatoi ar gyfer gweithgareddau gwerthu
  2. nodi cwsmeriaid i gysylltu â nhw ac ystod y cynhyrchion a gwasanaethau
  3. paratoi a dilyn cynlluniau ar sail galwadau, ymgyrchoedd ebost a dulliau eraill o gyfathrebu â chwsmeriaid
  4. helpu'r cwsmer i ddod yn gyfforddus â buddsoddi yn eich cynhyrchion neu wasanaethau, gan ddeall gwerth gwneud hynny
  5. paratoi deunyddiau gwerthu a negeseuon cysylltiedig wrth gysylltu â chwsmeriaid
  6. cadw at gôd gwisg eich sefydliad wrth werthu i gwsmeriaid
  7. cytuno ar weithdrefnau ar gyfer casglu manylion cyswllt darpar gwsmeriaid
  8. cadw at ofynion iechyd, diogelwch a diogeledd sy'n briodol i'r amgylchedd gwerthu wyneb yn wyneb
  9. cysylltu â chwsmeriaid drwy ddulliau cyfathrebu perthnasol
  10. nodi gofynion cwsmeriaid drwy gwestiynu a chadarnhau'r rhain drwy grynhoi eu hanghenion a'u diddordebau
  11. pwysleisio pwyntiau gwerthu unigryw a phwyntiau gwahaniaethu wrth gysylltu â chwsmeriaid
  12. rhoi deunyddiau i gwsmeriaid i gynorthwyo’r broses o hyrwyddo cynhyrchion a gwasanaethau
  13. strwythuro trafodaethau gwerthu i gynnwys trosolwg o werth cynhyrchion a gwasanaethau
  14. rhoi gwybodaeth glir i gwsmeriaid a gwneud cynigion sy'n diwallu eu gofynion
  15. goresgyn gwrthwynebiadau cwsmeriaid a diwallu eu hanghenion
  16. chwilio am gyfleoedd i uwch-werthu, traws-werthu a gwerthu ychwanegion cyn dod i gytundeb ar y gwerthiant
  17. gwerthuso cyfaddawdau posibl a fydd o fudd i'r cwsmeriaid a'ch sefydliad
  18. dod i gytundeb ar y gwerthiant drwy ennill ymrwymiad y cwsmer a chwblhau ffurfioldeb y gwerthiant gan ddilyn gweithdrefnau sefydliadol
  19. cofnodi, dadansoddi a gweithredu ar unrhyw elfen o'r cynhyrchion a'r gwasanaethau nad yw'n bodloni gofynion y cwsmeriaid neu na ddenodd unrhyw ddiddordeb
  20. manteisio ar gyfleoedd i ddatblygu perthynas â chwsmeriaid drwy nodi a mynd ar drywydd rhagor o gysylltiadau a chwsmeriaid posibl
  21. casglu a defnyddio tystebau cwsmeriaid ac astudiaethau achos i ategu'r negeseuon gwerthu
  22. gwerthuso effeithiolrwydd y dulliau gwerthu, y dulliau cyfathrebu a'r amgylcheddau
  23. myfyrio ar wersi a ddysgwyd a gwneud diwygiadau priodol i'r dulliau gwerthu, y dulliau cyfathrebu, a’r amgylcheddau

Gwybodaeth a Dealltwriaeth

You need to know and understand:

  1. y cyfyngiadau cyfreithiol, rheoleiddiol a moesegol presennol sy'n gysylltiedig â gweithgareddau gwerthu wyneb yn wyneb
  2. gweithdrefnau ac arferion eich sefydliad mewn perthynas â gwerthu wyneb yn wyneb
  3. strategaethau, cynlluniau a thargedau gwerthu eich sefydliad
  4. y gofynion a’r gweithdrefnau iechyd, diogelwch a diogeledd cyfredol ar gyfer amrywiaeth o amgylcheddau gwerthu wyneb yn wyneb
  5. amcanion a chynlluniau eich sefydliad ar gyfer cysylltiadau gwerthu wyneb yn wyneb â chwsmeriaid
  6. yr ystod o gynnyrch a gwasanaethau a'r datblygiadau diweddaraf ym marchnadoedd y sefydliad
  7. sut i strwythuro a datblygu cysylltiadau gwerthu
  8. y deunyddiau gwerthu perthnasol a'r negeseuon cysylltiedig ar gyfer rhyngweithio â chwsmeriaid
  9. gwerth cynhyrchion a gwasanaethau a sut i'w gwerthu
  10. sut i ddatblygu cynllun galwadau gwerthu a dulliau eraill o gyfathrebu â chwsmeriaid
  11. y gwahaniaethau rhwng gwerthu rhagweithiol ac adweithiol
  12. y technegau ar gyfer traws-werthu, uwch-werthu a gwerthu ychwanegion
  13. y dulliau asesu enillion uchaf ac isaf drwy werthu
  14. sut i flaenoriaethu datblygu cwsmeriaid posibl yn unol â gwerth posibl a’r tebygolrwydd o ddod i gytundeb ar y gwerthiant
  15. y pwyntiau gwerthu unigryw a'r pwyntiau gwahaniaethu a sut i'w pwysleisio
  16. sut i ddod o hyd i ateb i unrhyw faterion neu broblemau gwerthu
  17. sut i oresgyn gwrthwynebiadau cwsmeriaid a sut i ymateb i ymholiadau cwsmeriaid
  18. ystod yr ymddygiadau prynu gan gwsmeriaid a sut i'w rheoli
  19. y technegau ar gyfer cau gwerthiannau ar wahanol gamau gwerthu
  20. y dulliau a'r prosesau a ddefnyddir i gasglu a chofnodi gwybodaeth am gwsmeriaid posibl
  21. sut i werthuso a mesur perfformiad technegau gwerthu, dulliau ac amgylcheddau gwerthu wyneb yn wyneb

Cwmpas/ystod


Cwmpas Perfformiad


Gwybodaeth Cwmpas


Gwerthoedd


Ymddygiadau


Sgiliau


Geirfa


Dolenni I NOS Eraill


Cysylltiadau Allanol


Fersiwn rhif

1

Dyddiad Adolygu Dangosol

2029

Dilysrwydd

Ar hyn o bryd

Statws

Gwreiddiol

Sefydliad Cychwynnol

Instructus

URN gwreiddiol

CFASAL014

Galwedigaethau Perthnasol

Gweithredwyr gwerthiannau busnes, Rheolwyr marchnata a gwerthu, Rheolwyr cyfrifon gwerthu a datblygu busnes, Gwerthwyr dros y ffôn, Galwedigaethau sy’n gysylltiedig â gwerthu

Cod SOC

7129

Geiriau Allweddol

Gwerthu; cyfleoedd i werthu; nodi targedau ar gyfer gwerthu; creu rhagolygon; gweithdrefnau gwerthu; asesu rhestrau cynrychiolwyr; cyfathrebu geiriol a di-eiriau; pwyntiau gwerthu unigryw; pwyntiau gwahaniaethu; casglu tystebau cwsmeriaid; ennill ymrwymiad ar gyfer gwerthu; gwerthuso dull gwerthu; rheoli amser; deunyddiau hyrwyddo; traws-werthu ac uwch-werthu