Datblygu gweledigaeth, strategaethau a chynlluniau busnes eich sefydliad

Mae'r safon hon yn ymwneud â datblygu gweledigaeth, strategaethau a chynlluniau busnes eich sefydliad. Rydych chi'n datblygu gweledigaeth a strategaethau eich sefydliad trwy ymgysylltu ag amrywiaeth o randdeiliaid. Rydych chi'n herio barn er mwyn creu syniadau arloesol a llunio gweledigaeth sy'n cyd-fynd â strategaethau sefydliadol. Rydych chi'n cyfleu'r weledigaeth ac yn ysbrydoli ymrwymiad, gan ddatblygu cynlluniau busnes strategol gydag amcanion wedi'u blaenoriaethu. Rydych hefyd yn datblygu polisïau a gweithdrefnau sy'n cefnogi'r gwaith o weithredu cynlluniau busnes a dulliau monitro a gwerthuso llwyddiant.

Mae'r safon hon ar gyfer pob rheolwr ac arweinydd.

1.      datblygu gweledigaeth a strategaethau eich sefydliad trwy ymgysylltu â'r cyrff llywodraethu, cydweithwyr, partneriaid strategol, cyfranddalwyr, cyflenwyr, cwsmeriaid a'ch cymuned

2.      herio barn er mwyn annog, cynhyrchu a chydnabod atebion arloesol

3.      llunio gweledigaeth yn seiliedig ar werthusiad o'r amgylchedd gweithredu, gwerthoedd eich sefydliad a disgwyliadau rhanddeiliaid allweddol

4.      gwneud yn siŵr bod y weledigaeth yn cyd-fynd â nodau strategol tymor hwy eich sefydliad

5.      cyfleu'r weledigaeth i ysbrydoli rhanddeiliaid i ymrwymo i'w chyflawni

6.      datblygu cynlluniau busnes strategol trwy ymgysylltu â chydweithwyr a rhanddeiliaid pwysig

7.      sefydlu a blaenoriaethu amcanion strategol sy'n cyd-fynd â gweledigaeth a gwerthoedd eich sefydliad

8.      nodi rhaglenni gweithgaredd sy'n gallu cyflawni'r amcanion strategol

9.      creu cynllun busnes i weithredu amcanion strategol eich sefydliad

10.  gwerthuso risgiau posibl a datblygu cynlluniau realistig i reoli risgiau

11.  nodi gofynion o ran adnoddau a gwerthuso a ydynt ar gael nawr ac yn y dyfodol

12.  datblygu polisïau fydd yn arwain gwaith cydweithwyr tuag at gyflawni gweledigaeth y sefydliad

13.  nodi mesurau a dulliau dibynadwy o fonitro a gwerthuso'r cynllun

14.  cyfleu'r cynllun busnes strategol i ennill cefnogaeth ac ymrwymiad rhanddeiliaid pwysig

15.  cyflwyno syniadau a dadleuon mewn modd argyhoeddiadol i ennyn diddordeb pobl a chreu synnwyr cyffredin o ddiben

16.  nodi anghenion a buddiannau rhanddeiliaid a'u rheoli'n effeithiol

17.  rhoi cyfeiriad strategol a pharamedrau clir sy'n galluogi rhanddeiliaid i gymhwyso eu hegni a'u harbenigedd yn greadigol i gyflawni'r weledigaeth

18.  monitro perfformiad sefydliadol yn erbyn cynlluniau busnes strategol

19.  gwerthuso perfformiad sefydliadol yn erbyn cynlluniau busnes strategol

20.  chwilio am gyfleoedd i wella eich perfformiad

21.  cydbwyso risgiau yn erbyn y buddion a allai ddeillio o fentro

22.  adolygu ac ailddiffinio'r weledigaeth, y strategaethau a'r cynllun busnes i adlewyrchu newidiadau yn yr amgylchedd gweithredu

23.  dilyn y codau ymarfer a'r polisïau cyfreithiol, sefydliadol, sy'n berthnasol i'ch rôl wrth ddatblygu gweledigaeth, strategaethau a chynlluniau busnes eich sefydliad

Gwybodaeth a dealltwriaeth gyffredinol

1.      sut i gynnwys cydweithwyr a rhanddeiliaid wrth ddatblygu gweledigaeth, strategaethau a chynlluniau busnes sefydliad

2.      sut i lunio gweledigaeth briodol ac effeithiol ar gyfer sefydliad

3.      yr egwyddorion a'r dulliau cyfathrebu, a sut i'w cymhwyso

4.      lefel y cyfeiriad strategol sydd ei angen ar gydweithwyr ac aelodau'r tîm, a sut i roi'r cyfeiriad hwn mewn ffyrdd sy'n hyrwyddo egni a chreadigrwydd

5.      pwysigrwydd cynllunio tymor hir a thymor canolig i lwyddiant sefydliad

6.      egwyddorion rheoli strategol a chynllunio busnes, gan gynnwys yr hyn y dylai cynlluniau busnes strategol ei gynnwys

7.      pwysigrwydd creadigrwydd ac arloesedd wrth reoli'n strategol

8.      sut i nodi risgiau posibl a'u rheoli mewn perthynas â chyflawni amcanion

9.      sut i ddatblygu amcanion strategol CAMPUS (Penodol, Mesuradwy, Cyraeddadwy, Realistig ac â Therfyn Amser)

10.  sut i ddirprwyo cyfrifoldeb a dyrannu adnoddau i gefnogi cynllun strategol

11.  sut i nodi adnoddau cynaliadwy a sicrhau eu bod yn cael eu defnyddio'n effeithiol i gefnogi cynllun strategol

12.  sut i ddatblygu mesurau a dulliau monitro a gwerthuso perfformiad yn erbyn y cynllun busnes strategol

Gwybodaeth a dealltwriaeth benodol o'r diwydiant a'r sector

13.  y codau ymarfer a'r polisïau cyfreithiol, sefydliadol sy'n berthnasol i'ch rôl a'r gweithgareddau sy'n cael eu cynnal

14.  y tueddiadau a'r datblygiadau yn eich sector yn lleol, yn genedlaethol ac yn rhyngwladol

Gwybodaeth a dealltwriaeth sy'n ymwneud â chyd-destun penodol

15.  y cydweithwyr a'r aelodau tîm allweddol yn eich sefydliad, eu rolau, eu cyfrifoldebau, eu disgwyliadau, eu hanghenion, eu cymwyseddau a'u potensial

16.  amgylchedd gweithredu eich sefydliad, eu rhanddeiliaid a'u buddiannau a'u disgwyliadau

17.  gwerthoedd, diben a nodau tymor hwy eich sefydliad

18.  sylfaen cwsmeriaid wirioneddol a phosibl eich sefydliad a'u hanghenion a'u disgwyliadau

19.  eich cystadleuwyr a'ch cydweithwyr gwirioneddol a phosibl, a'u strategaethau a'u cynlluniau

20.  y cyfleoedd yn amgylchedd gweithredu eich sefydliad ar lefelau lleol, cenedlaethol a rhyngwladol a gallu eich sefydliad i ymateb

21.  y prosesau ar gyfer ymgysylltu â gweithwyr a'u cynrychiolwyr yn eich sefydliad

22.  y ffynonellau gwybodaeth sefydliadol sy'n gallu cynorthwyo gwaith monitro a gwerthuso

1. Dadansoddi
2. Creu consensws
3. Cyfathrebu
4. Ymgynghori
5. Gwneud penderfyniadau
6. Dirprwyo
7. Gwerthuso
8. Dylanwadu
9. Arloesi
10. Cynnwys eraill
11. Arwain
12. Monitro
13. Cael adborth
14. Argyhoeddi
15. Cynllunio
16. Cyflwyno gwybodaeth
17. Blaenoriaethu
18. Adolygu
19. Rheoli risg
20. Gosod amcanion
21. Meddwl yn greadigol
22. Meddwl yn strategol