Gwerthuso amgylchedd gweithredu eich sefydliad

Mae'r safon hon yn ymwneud â gwerthuso amgylchedd gweithredu eich sefydliad. Rydych chi'n ymgysylltu â chydweithwyr, aelodau'r tîm a rhanddeiliaid i gefnogi'r gwerthusiad. Rydych hefyd yn monitro tueddiadau a datblygiadau ym meysydd gwleidyddol, economaidd, cymdeithasol, technolegol, cyfreithiol ac amgylcheddol yn ogystal ag anghenion cwsmeriaid i werthuso'r effaith ar eich sefydliad. Rydych chi'n meincnodi perfformiad yn erbyn sefydliadau tebyg ac yn ystyried gallu eich sefydliad i ymateb i gyfleoedd a bygythiadau. Ar ben hynny, rydych chi'n datblygu ac yn cynnal systemau i reoli gwybodaeth ac arbenigedd yn unol â pholisïau sefydliadol, gofynion cyfreithiol a chodau ymarfer.

Mae'r safon hon ar gyfer pob rheolwr ac arweinydd.

1.      ymgysylltu â'ch cydweithwyr ac aelodau'r tîm i gefnogi'r gwaith o werthuso amgylchedd gweithredu eich sefydliad

2.      ymgysylltu â rhanddeiliaid i gefnogi'r gwaith o werthuso amgylchedd gweithredu eich sefydliad

3.      monitro tueddiadau a datblygiadau ym meysydd gwleidyddol, economaidd, cymdeithasol, technolegol, cyfreithiol ac amgylcheddol a gwerthuso eu heffaith ar eich sefydliad

4.      monitro anghenion, ymddygiadau a disgwyliadau cwsmeriaid presennol a darpar gwsmeriaid a gwerthuso eu heffaith ar eich sefydliad

5.      monitro gweithgareddau partneriaid a chystadleuwyr presennol a phosibl a gwerthuso eu heffaith ar eich sefydliad

6.      monitro a gwerthuso effaith tueddiadau a datblygiadau yn eich sefydliad

7.      meincnodi perfformiad ac arferion eich sefydliad gyda sefydliadau tebyg yn genedlaethol ac yn rhyngwladol, lle bo hynny'n briodol

8.      cymharu cryfderau a gwendidau eich sefydliad i ymateb i gyfleoedd a bygythiadau yn y gwaith ar hyn o bryd ac yn y dyfodol

9.      asesu goblygiadau neu ganlyniadau senarios yn y dyfodol

10.  nodi'r rhagdybiaethau a wnaed a'r risgiau dan sylw i ddeall senarios y dyfodol

11.  trefnu gwybodaeth mewn ffordd sy'n cefnogi'r gwaith o gynllunio'n strategol a gwneud penderfyniadau

12.  strwythuro gwybodaeth i hwyluso'r gwaith o reoli gwybodaeth sefydliadol

13.  datblygu systemau i gasglu gwybodaeth o fewn amserlenni a moeseg y cytunwyd arnynt

14.  cynnal systemau i reoli gwybodaeth

15.  nodi'r ffactorau gwleidyddol mewnol ac allanol sy'n effeithio ar amgylchedd gweithredu eich sefydliad

16.  nodi problemau systemig a lliniaru eu heffaith ar berfformiad sefydliadol

17.  asesu senarios y dyfodol yn seiliedig ar ddadansoddi tueddiadau a datblygiadau

18.  archwilio ac asesu'r ystod o senarios ar gyfer y dyfodol yn yr amgylchedd y mae eich sefydliad yn gweithredu ynddo

19.  dilyn y codau ymarfer a'r polisïau cyfreithiol, sefydliadol, sy'n berthnasol i'ch rôl wrth werthuso amgylchedd gweithredu eich sefydliad

Gwybodaeth a dealltwriaeth gyffredinol

1.      sut i gynnwys cydweithwyr a rhanddeiliaid eraill wrth werthuso amgylchedd gweithredu eich sefydliad

2.      y ffynonellau gwybodaeth am gwsmeriaid a chystadleuwyr a sut i'w defnyddio

3.      sut i fesur eich perfformiad sefydliadol a'i adolygu

4.      sut i ddadansoddi diwylliant sefydliadol ac effaith hyn ar berfformiad

5.      sut i feincnodi i nodi ymarfer da mewn perthynas â pherfformiad ac arferion sefydliad

6.      sut i gynnal dadansoddiad o gryfderau, gwendidau, cyfleoedd a bygythiadau (SWOT)

7.      sut i gynnal dadansoddiad o'r ffactorau gwleidyddol, economaidd, cymdeithasol, technolegol, cyfreithiol ac amgylcheddol (PESTLE) yn yr amgylchedd allanol

8.      sut i ddadansoddi buddiannau rhanddeiliaid

9.      sut i adeiladu senarios ar gyfer y dyfodol ac asesu eu goblygiadau

Gwybodaeth a dealltwriaeth benodol o'r diwydiant a'r sector

10.  y ffynonellau gwybodaeth am dueddiadau a datblygiadau yn eich sector, gan gynnwys y rhai ar lefel fyd-eang a sut i gael mynediad at y rhain

11.  y patrymau a'r datblygiadau yn eich sector ar hyn o bryd ac sy'n dod i'r amlwg yn rhyngwladol, yn genedlaethol ac yn lleol

12.  y codau ymarfer a'r polisïau cyfreithiol, sefydliadol sy'n berthnasol i'ch rôl a'r gweithgareddau sy'n cael eu cynnal

Gwybodaeth a dealltwriaeth sy'n ymwneud â chyd-destun penodol

13.  strwythur a diwylliant eich sefydliad

14.  perfformiad eich sefydliad a'r ffactorau sy'n dylanwadu ar hyn

15.  y ffactorau yn y farchnad ryngwladol, genedlaethol a lleol y mae eich sefydliad yn gweithredu ynddynt

16.  sylfaen cwsmeriaid bresennol a phosibl eich sefydliad ar y farchnad

17.  anghenion a disgwyliadau eich cwsmeriaid presennol a darpar gwsmeriaid a rhanddeiliaid eraill

18.  cystadleuwyr gwirioneddol a phosibl eich sefydliad, gan gynnwys eu gweithgareddau a lefelau perfformiad cymharol

19.  partneriaid gwirioneddol a phosibl eich sefydliad, gan gynnwys eu gweithgareddau a lefelau perfformiad cymharol

1. Dadansoddi
2. Meincnodi
3. Cyfathrebu
4. Ymgynghori
5. Rhoi'r cwsmer yn gyntaf
6. Gwneud penderfyniadau
7. Gwerthuso
8. Rheoli gwybodaeth
9. Monitro
10. Rhwydweithio
11. Cynllunio
12. Cyflwyno gwybodaeth
13. Adrodd
14. Adolygu
15. Rheoli risgiau
16. Adeiladu senarios
17. Meddwl yn feirniadol
18. Meddwl yn strategol
19. Meddwl yn systematig