Datblygu eich cysylltiadau proffesiynol a'u cynnal

Mae'r safon hon yn ymwneud â datblygu eich cysylltiadau proffesiynol a'u cynnal. Rydych chi'n diffinio amcanion ar gyfer gweithgareddau rhwydweithio, yn nodi gweithwyr proffesiynol, rhanddeiliaid a sefydliadau perthnasol sy'n gallu cefnogi eich gwaith ar hyn o bryd ac yn y dyfodol. Rydych chi'n datblygu perthnasoedd sydd o fudd i bawb o dan sylw gyda'ch cysylltiadau, gan barchu cyfrinachedd wrth rannu eich gwybodaeth, eich sgiliau a'ch cymhwysedd i gefnogi'ch cydweithwyr ac aelodau'r tîm. Rydych chi'n defnyddio'r technolegau digidol perthnasol er mwyn ymgysylltu a chyfathrebu â'ch cysylltiadau proffesiynol yn ogystal â dilyn polisïau a gweithdrefnau sefydliadol ar gyfer rhannu gwybodaeth ac adnoddau.

Mae'r safon hon ar gyfer pob rheolwr ac arweinydd.

1. diffinio eich amcanion ar gyfer cydweithredu â gweithwyr proffesiynol a rhanddeiliaid perthnasol
2. nodi cysylltiadau a sefydliadau sy'n cefnogi'ch gwaith ar hyn o bryd ac sy'n cynnig cyfleoedd yn y dyfodol
3. creu rhwydweithiau proffesiynol o gysylltiadau sy'n diwallu eich anghenion ar hyn o bryd am wybodaeth ac adnoddau
4. cymharu eich disgwyliadau chi a'ch cydweithwyr o berthnasoedd proffesiynol
5. nodi'r ffyrdd gorau o gyfathrebu â'ch rhwydweithiau o gysylltiadau
6. datblygu eich cysylltiadau proffesiynol i ddiwallu eich anghenion nawr ac yn y dyfodol am wybodaeth ac adnoddau
7. amlinellu eich gwybodaeth, eich sgiliau a'ch cymhwysedd gyda'ch cysylltiadau proffesiynol
8. rhoi gwybodaeth am fanteision cydweithredu â chi
9. asesu cyfleoedd a gyflwynir gan eich rhwydweithiau o gysylltiadau
10. cynnal ffiniau cyfrinachedd rhyngoch chi a'ch rhwydweithiau o gysylltiadau
11. cytuno ar ganllawiau ar gyfer cyfnewid gwybodaeth ac adnoddau gan ddilyn eich polisïau sefydliadol
12. annog eich cydweithwyr ac aelodau'r tîm i rannu gwybodaeth yn unol â chyfrinachedd
13. datblygu eich cysylltiadau proffesiynol ar y cyd â'ch blaenoriaethau a'ch anghenion
14. dewis sianeli ac arddulliau cyfryngau cyfathrebu sy'n gweddu i wahanol gysylltiadau a sectorau proffesiynol
15. cyflwyno'ch barn a'ch safbwyntiau os oes gwahaniaeth barn
16. defnyddio'r ystod o dechnolegau digidol ar gyfer ymgysylltu, cyfathrebu a chynnal eich cysylltiadau proffesiynol
17. defnyddio'r wybodaeth a'r adnoddau a gafwyd trwy eich rhwydweithiau proffesiynol i wella'ch gwaith
18. cydymffurfio â gofynion cyfreithiol, rheoliadau'r diwydiant, polisïau sefydliadol a chodau ymarfer proffesiynol

Gwybodaeth a dealltwriaeth gyffredinol

1.      y mathau o gysylltiadau proffesiynol a'u nodweddion

2.      manteision cysylltu â rhanddeiliaid a sefydliadau

3.      egwyddorion a dulliau cyfathrebu a sut i'w defnyddio i ymgysylltu â chysylltiadau proffesiynol

4.      y gwahanol arddulliau cyfathrebu a sut i nodi hoffterau unigol

5.      dulliau datblygu perthnasoedd sydd o fudd i bawb gyda gweithwyr proffesiynol, rhanddeiliaid a sefydliadau eraill

6.      sut i ymateb i wahaniaethau mewn barn a chyflwyno eich safbwynt a'ch barn

7.      yr ystod o dechnolegau digidol ar gyfer ymgysylltu, cyfathrebu a chynnal eich cysylltiadau proffesiynol

8.      pryd a sut i ddefnyddio'r wybodaeth a'r adnoddau a gafwyd trwy rwydweithiau proffesiynol

9.      egwyddorion cyfrinachedd a'r polisïau cyfreithiol a sefydliadol

10.  sut i ddatblygu dulliau cyfnewid gwybodaeth rhwng unigolion a sefydliadau

Gwybodaeth a dealltwriaeth benodol o'r diwydiant a'r sector

11.  gofynion y diwydiant a'r sector ar gyfer datblygu a chynnal gwybodaeth, sgiliau a chymhwysedd

12.  y codau ymarfer a'r polisïau cyfreithiol, sefydliadol sy'n berthnasol i'ch rôl a'r gweithgareddau sy'n cael eu cynnal

Gwybodaeth a dealltwriaeth sy'n ymwneud â chyd-destun penodol

13.  eich gwerthoedd, eich cymhellion a'ch emosiynau, ac effaith y rhain ar eich gweithredoedd

14.  eich buddiannau a sut gall y rhain fynd yn groes i fuddiannau gweithwyr proffesiynol, rhanddeiliaid a sefydliadau eraill

15.  eich amcanion personol wrth ddatblygu eich cysylltiadau proffesiynol

16.  eich anghenion ar hyn o bryd ac yn y dyfodol o ran gwybodaeth ac adnoddau

17.  y gweithwyr proffesiynol, y rhanddeiliaid a'r sefydliadau perthnasol sy'n gallu cefnogi eich gwaith, ac i'r gwrthwyneb

18.  y wybodaeth a'r adnoddau y gallai fod eu hangen ar weithwyr proffesiynol a rhanddeiliaid perthnasol gennych chi a'ch sefydliad

19.  y gweithwyr proffesiynol, y rhanddeiliaid a'r sefydliadau perthnasol ymhlith eich cysylltiadau proffesiynol ar hyn o bryd

1. Cyfathrebu
2. Dylanwadu
3. Rheoli gwybodaeth
4. Dysgu
5. Rheoli eich hun
6. Rhwydweithio
7. Gwydnwch personol
8. Argyhoeddi
9. Cyflwyno gwybodaeth
10. Cwestiynu
11. Rheoli risg
12. Meddwl yn strategol
13. Gwerthfawrogi unigolion