Rheoli rhaglen wobrwyo gwasanaeth i gwsmeriaid

Mae'r safon hon yn rhan o faes cymhwysedd gwasanaeth i gwsmeriaid sy'n gysylltiedig â Chyflwyno Gwasanaeth i Gwsmeriaid.  Mae'n ymwneud â rheoli rhaglen wobrwyo gwasanaeth i gwsmeriaid. Mae'n cynnwys ymddygiadau a phrosesau gwasanaeth i gwsmeriaid sy'n cael yr effaith fwyaf ar brofiad y cwsmer yn ystod y Broses o Gyflwyno Gwasanaeth i Gwsmeriaid. Cofiwch fod cwsmeriaid yn cynnwys pawb rydych chi'n darparu cynhyrchion a gwasanaethau ar eu cyfer. Gallent fod y tu allan i'ch sefydliad neu'n gwsmeriaid mewnol.

Gall rhaglen wobrwyo gwasanaeth i gwsmeriaid wneud cyfraniad gwerthfawr at strategaeth gwasanaeth i gwsmeriaid eich sefydliad.  Mae'n ysgogi aelodau'r tîm yn ogystal â dangos eich ymrwymiad i ddarparu gwasanaeth i gwsmeriaid. Rydych yn cynllunio rhaglen wobrwyo gwasanaeth i gwsmeriaid, gan nodi'r cynllun mwyaf addas. Rydych yn rhoi eich rhaglen wobrwyo ar waith i ysgogi aelodau'r tîm a rheoli'r gwaith beirniadu, cyhoeddi canlyniadau a gwerthuso ei effeithiolrwydd i gyflawni ei amcanion.

Mae'r safon ar gyfer gweithwyr proffesiynol gwasanaeth i gwsmeriaid ar lefelau goruchwylio neu reoli sy'n rheoli rhaglen wobrwyo gwasanaeth i gwsmeriaid ar gyfer unigolion neu dimau yn eu sefydliad.

---

1. pennu boddhad cwsmeriaid ac amcanion cymhelliant tîm ar gyfer cynllun gwobrwyo gwasanaeth i gwsmeriaid
2. adolygu opsiynau rhaglen wobrwyo gwasanaeth i gwsmeriaid mewnol ac allanol
3. dewis opsiynau rhaglen wobrwyo gwasanaeth i gwsmeriaid sy'n diwallu anghenion eich sefydliad
4. cymharu manteision ac anfanteision pob opsiwn rydych chi wedi'i ddewis
5. dewis yr opsiwn sy'n cyfateb orau i'ch amcanion o ran boddhad cwsmeriaid a chymell timau
6. nodi manteision a chostau'r rhaglen o'ch dewis mewn perthynas â'r amcanion a bennwyd
7. datblygu'r achos busnes dros gyflwyno neu ddatblygu rhaglen wobrwyo gwasanaeth i gwsmeriaid ymhellach
8. cytuno ar amcanion a gweithgareddau'r rhaglen gyda'r rhai sy'n gwneud penderfyniadau
9. cynllunio'r rhaglen wobrwyo gwasanaeth i gwsmeriaid o'ch dewis
10. hysbysu ac ysgogi cwsmeriaid ac aelodau'r tîm wrth lansio'r rhaglen wobrwyo gwasanaeth i gwsmeriaid
11. gwneud yn siŵr bod meini prawf y gwobrwyo ar gyfer gwasanaeth i gwsmeriaid yn dryloyw ac yn deg
12. rhoi gwybod i gwsmeriaid am y rhaglen wobrwyo gwasanaeth i gwsmeriaid i ddangos ymrwymiad eich sefydliad i ddarparu gwasanaethau rhagorol i gwsmeriaid
13. trefnu'r gwaith o feirniadu gwobrau unigol a thîm
14. cyhoeddi'r canlyniadau a chyflwyno gwobrau mewn modd sy'n cyd-fynd â diwylliant eich sefydliad
15. gwerthuso effeithiolrwydd y rhaglen wobrwyo i gwsmeriaid ac aelodau'r tîm i nodi gwelliannau yn y dyfodol
16. dilyn y codau ymarfer a'r polisïau cyfreithiol, sefydliadol sy'n berthnasol i'ch rôl a'r gweithgareddau sy'n cael eu cynnal

---

1. sut i ddiffinio'r amcanion ar gyfer rhaglen wobrwyo gwasanaeth i gwsmeriaid sy'n cwmpasu boddhad cwsmeriaid a chymhelliant timau
2. y damcaniaethau gwahanol o ran cymhelliant a sut gall cydnabyddiaeth ysgogi timau gwasanaeth i gwsmeriaid
3. y gwahanol opsiynau sydd ar gael ar gyfer y rhaglenni gwobrwyo gwasanaeth i gwsmeriaid a ddefnyddir gan eich sefydliad chi a sefydliadau eraill
4. sut i adolygu a dethol opsiynau fydd yn gweithio yn eich sefydliad
5. pwysigrwydd cymharu opsiynau i ddewis y dull fydd yn bodloni'r amcanion a bennwyd
6. sut i ddatblygu achos busnes a'i gyflwyno i'r rhai sy'n gwneud penderfyniadau i gael sêl eu bendith
7. sut i ddefnyddio rhaglenni gwobrwyo gwasanaeth i gwsmeriaid fel dulliau hyrwyddo i roi gwerth ychwanegol i foddhad cwsmeriaid
8. manteision ac anfanteision y gwahanol wobrau sy'n gysylltiedig â rhaglenni gwobrwyo
9. yr agweddau ar ddiwylliant eich sefydliad a allai ychwanegu gwerth at raglen wobrwyo gwasanaeth i gwsmeriaid neu amharu arni
10. dulliau posibl o roi cyhoeddusrwydd i raglenni gwobrwyo gwasanaeth i gwsmeriaid
11. pwysigrwydd sicrhau bod rhaglenni gwobrwyo yn cael eu hystyried yn rhai tryloyw a theg gan weithwyr gwasanaeth i gwsmeriaid
12. sut i fynd at feirniaid posibl ar gyfer rhaglenni gwobrwyo a'r sgiliau sydd eu hangen arnynt
13. ffyrdd o feirniadu a sut i friffio beirniaid
14. y codau ymarfer a'r polisïau cyfreithiol, sefydliadol sy'n berthnasol i'ch rôl a'r gweithgareddau sy'n cael eu cynnal

---

---

---

---

---

---

---

---

---

---

---

01 Maw 2026

---

Ar hyn o bryd

---

Gwreiddiol

---

Instructus

---

CFACSD17

---

Galwedigaethau Gwasanaeth i Gwsmeriaid

---

7212

---

Rheoli; rhaglen wobrwyo; strategaeth; cymhelliant; ymrwymiad; goblygiadau strategol; gwasanaeth i gwsmeriaid; datblygu; gwella; cyfathrebu; ymddygiadau; gweithio gydag eraill; gwaith tîm;

---