Defnyddio a storio cyfarpar a chynhyrchion glanhau yn ddiogel
Trosolwg
Mae'r safon hon yn rhan o'r maes cymhwysedd sy'n ymwneud â darparu gwasanaethau glanhau, gan gynnwys defnyddio cyfarpar. Mae’n ymwneud â defnyddio a storio cyfarpar a chynhyrchion glanhau yn ddiogel Mae ar gyfer glanhawyr sy’n gorfod dilyn cyfarwyddiadau’r gwneuthurwr a gweithdrefnau ar gyfer defnyddio a storio cyfarpar a chynhyrchion glanhau yn ddiogel. Mae hefyd yn ymwneud â gwneud yn siŵr bod cyfarpar yn addas ar gyfer yr amodau gwaith a dewis cynhyrchion glanhau yn briodol, eu defnyddio’n gywir a’u gwaredu’n ddiogel.
Meini prawf perfformiad
Mae'n rhaid eich bod chi'n gallu:
Paratoi a diogelu
1. cynnal gwiriadau iechyd a dilyn gweithdrefnau sefydliadol ar gyfer arferion gwaith diogel
2. dilyn gofynion asesu risg deinamig eich sefydliad yn y gweithle
3. cymryd y camau perthnasol yn dibynnu ar ganlyniad yr asesiadau risg a gynhaliwyd
4. gwneud yn siŵr bod yr holl gynhyrchion a'r cyfarpar diogelu gofynnol ar gael
5. gwisgo'r cyfarpar diogelu perthnasol wrth lanhau
6. dilyn gweithdrefnau sefydliadol ar gyfer ailddefnyddio cyfarpar diogelu neu ei waredu
7. gwneud yn siŵr bod systemau gwaith a gofynion diogel yn cael eu dilyn
8. dewis y cyfarpar côd lliw priodol
9. gwneud yn siŵr bod unrhyw arwyddion perthnasol am iechyd a rhybuddion wedi'u harddangos yn glir
10. gwneud yn siŵr bod y man gwaith wedi'i awyru'n ddigonol ar gyfer y cyfarpar a ddefnyddir a'r cemegau sy'n cael eu storio
Defnyddio a storio cyfarpar a chynhyrchion glanhau
11. gwneud yn siŵr bod cyfarpar yn ddiogel a heb ddiffygion wrth eu symud o'r man storio
12. defnyddio cyfarpar arbenigol ar gyfer diheintio, gan gynnwys systemau niwl, tarth, anwedd ac uwchfioled (UV) a dilyn gweithdrefnau perthnasol ar gyfer ailfynediad
13. rhoi gwybod i'r aelod staff perthnasol am unrhyw ddiffygion yn y cyfarpar yn unol â gweithdrefnau eich sefydliad
14. defnyddio cyfarpar yn unol â chyfarwyddiadau a gweithdrefnau'r gwneuthurwr
15. glanhau cyfarpar a gwneud yn siŵr ei fod yn ddiogel cyn ei ddychwelyd i'r man storio
16. gwneud yn siŵr bod y man storio yn lân cyn rhoi'r cyfarpar yn ôl yno
17. gwneud yn siŵr bod y cyfarpar a'r cynhyrchion glanhau yn cael eu storio'n ddiogel ac yn unol â rheolau a gweithdrefnau iechyd a diogelwch
18. gwneud yn siŵr nad oes hylifau'n gollwng a rheoli'r rhain os ydynt yn cael eu canfod
19. dewis y cynhyrchion glanhau priodol ar gyfer y man i'w lanhau
20. dewis a defnyddio cynhyrchion glanhau yn unol â chyfarwyddiadau'r gwneuthurwr a'r gweithdrefnau rheoli stoc
21. storio cynhyrchion glanhau yn ddiogel gan ddilyn gweithdrefnau mynediad a diogelwch
22. gwirio lefelau stoc a dilyn gweithdrefnau eich sefydliad ar gyfer rhoi gwybod am unrhyw brinder
23. ail-lenwi'r lefelau stoc pan fo angen
Rheoli'r risg o haint
24. dilyn gofynion eich sefydliad ar gyfer lliniaru'r risg o haint yn y gweithle
25. dilyn y gweithdrefnau glanhau yn dibynnu ar yr amgylchedd a'r risgiau a nodwyd
26. archwilio mannau i'w glanhau a nodi unrhyw fannau sy'n cael eu cyffwrdd yn aml
27. glanhau yn unol â'r amserlen waith a pha mor aml y mae hynny'n ofynnol yn dibynnu ar ganlyniadau asesiad risg
28. defnyddio cynhyrchion glanhau gan gynnwys toddiannau glanhau arbenigol, cemegau gwrthfacterol a gwrthfeirysol
29. defnyddio cyfarpar glanhau tafladwy fel bod llai o feirysau'n cael eu llwytho yn y mannau sy'n cael eu glanhau
30. dilyn y gweithdrefnau manwl o ran glanhau a diheintio ar gyfer halogiad feirysol a amheuir neu a gadarnhawyd
31. gwaredu cyfarpar glanhau a diogelu a ddefnyddiwyd yn unol â gweithdrefnau diogelwch penodedig
32. glanhau a diheintio cyfarpar glanhau y gellir ei ailddefnyddio
33. golchi a sychu'ch dwylo'n drylwyr ac yn ddiogel yn unol â gofynion y sefydliad
34. gwneud yn siŵr bod y cyfleusterau golchi dwylo yn cael cyflenwad digonol o doddiant golchi, geliau diheintio a dull hylan o sychu dwylo
Gwybodaeth a Dealltwriaeth
You need to know and understand:
Paratoi a diogelu
1. y gwiriadau iechyd a'r gweithdrefnau perthnasol ar gyfer arferion gwaith diogel
2. egwyddorion asesu risg deinamig eich sefydliad yn y gweithle
3. y camau gweithredu perthnasol yn dibynnu ar ganlyniad yr asesiadau risg a gynhaliwyd
4. y cynhyrchion a'r cyfarpar diogelu ar gyfer glanhau a rheoli heintiau
5. sut i ailddefnyddio'r cyfarpar diogelu neu ei waredu yn unol â gweithdrefnau diogelwch eich sefydliad
6. sut a ble i arddangos yr arwyddion diogelwch a rheoli heintiau perthnasol mewn mannau glanhau
7. gofynion y sefydliad ar gyfer systemau gwaith diogel
8. gofynion eich sefydliad ar gyfer lleihau'r risg o haint wrth weithio ar safle
9. sut i wneud yn siŵr bod y cyfarpar yn ddiogel i'w ddefnyddio
10. pam mae'n bwysig dewis y cyfarpar côd lliw cywir, a sut i'w ddefnyddio
11. pam mae'n bwysig awyru'r ardal
Defnyddio a storio cyfarpar a chynhyrchion glanhau
12. pam mae'n bwysig gwisgo dillad diogelu wrth ddefnyddio cyfarpar a chynhyrchion glanhau
13. lleoliad y man storio a sut i gael mynediad
14. lleoliad y cyflenwadau dŵr a thrydan sydd agosaf at y man storio er mwyn glanhau cyfarpar a'i brofi
15. sut i ddefnyddio offer arbenigol ar gyfer diheintio gan ddefnyddio systemau niwl, tarth, anwedd ac uwchfioled (UV).
16. sut i wirio a oes diffygion yn y cyfarpar
17. yr aelod staff perthnasol i'w hysbysu am unrhyw ddiffygion yn y cyfarpar a gweithdrefnau eich sefydliad ar gyfer gwneud hyn
18. y ddeddfwriaeth iechyd a diogelwch berthnasol ar gyfer defnyddio cyfarpar a chynhyrchion glanhau
19. sut i lanhau cyfarpar yn unol â chyfarwyddiadau a gweithdrefnau'r gwneuthurwr
20. sut i storio cyfarpar yn unol â gofynion a gweithdrefnau iechyd a diogelwch perthnasol
21. gweithdrefnau eich sefydliad ar gyfer gwaredu cynhyrchion glanhau sydd wedi dod i ben
22. y gofynion cyfreithiol perthnasol ac arferion diogel ar gyfer defnyddio cynhyrchion glanhau
23. yr arwyddion rhybuddio a ddefnyddir ar gynwysyddion cynhyrchion glanhau a'u hystyr
24. sut i ddewis cynhyrchion glanhau priodol ar gyfer amrywiaeth o dasgau glanhau o fewn cwmpas eich cyfrifoldebau
25. pam mae'n beryglus cymysgu rhai mathau o gynhyrchion glanhau gyda'i gilydd
26. pam mae'n bwysig dilyn cyfarwyddiadau'r gwneuthurwr ar gyfer cynhyrchion glanhau
27. beth allai ddigwydd os nad ydych yn dilyn y gofynion cyfreithiol perthnasol ar gyfer eich gwaith
28. pam mae'n rhaid dilyn trefnau a dilyniannau gwaith
29. pa baratoadau y dylid eu gwneud i'r man gwaith cyn defnyddio cynhyrchion glanhau
30. sut dylid storio cynhyrchion glanhau yn ddiogel a'r rhesymau dros wneud hynny
31. gweithdrefnau eich sefydliad ar gyfer rhoi gwybod am brinder cynhyrchion glanhau
32. y mathau o broblemau a allai ddigwydd wrth baratoi a defnyddio cynhyrchion glanhau a sut i fynd i'r afael â nhw
Rheoli'r risg o haint
33. gweithdrefnau eich sefydliad ar gyfer lliniaru'r risg o haint
34. pa mor aml y mae angen gwneud gwaith glanhau arferol mewn mannau cymunedol, cyfleusterau a mannau lle ceir llawer o gysylltiad
35. y gweithdrefnau manwl o ran glanhau a diheintio ar gyfer halogiad feirysol a amheuir neu a gadarnhawyd
36. y mannau i'w glanhau a sut i nodi mannau sy'n cael eu cyffwrdd yn aml
37. yr ystod o gynhyrchion glanhau arbenigol a sut i'w defnyddio'n ddiogel ac yn effeithiol
38. y gweithdrefnau glanhau i'w dilyn, yn dibynnu ar yr amgylchedd a'r risgiau a nodwyd
39. gweithdrefnau eich sefydliad ar gyfer glanhau a diheintio cyfarpar y gellir ei ailddefnyddio
40. gweithdrefnau eich sefydliad ar gyfer gwaredu cyfarpar glanhau a diogelu sydd wedi'u defnyddio
41. hyd y gweithdrefnau golchi dwylo ar ôl tynnu'r cyfarpar diogelu