Dewis fformat cyfreithiol ar gyfer eich busnes
Trosolwg
Mae'r safon hon ar gyfer entrepreneuriaid sydd angen dewis fformat cyfreithiol ar gyfer eu busnes. Mae'n bwysig dewis y statws masnachu mwyaf priodol ar gyfer eich busnes yn unol â'r gyfraith. Os bydd eich busnes yn methu, gall y fformat cyfreithiol effeithio ar eich hawliau a'ch cyfrifoldebau. Mae sawl opsiwn ar gael, ac mae angen i chi ddewis y fformat cyfreithiol sy'n gweddu orau i ofynion penodol eich busnes. Mae dewis y fformat cyfreithiol ar gyfer eich menter yn golygu dod i wybod am opsiynau cyfreithiol ar gyfer sefydlu a rhedeg busnes, cymharu fformatau cyfreithiol a dewis yr opsiwn sydd orau i'ch busnes.
Gallech wneud hyn os bydd angen i chi:
sefydlu busnes neu fenter gymdeithasol newydd;
adolygu strwythur eich busnes neu fenter gymdeithasol ar hyn o bryd;
cymryd drosodd busnes neu fenter gymdeithasol arall yn ei blynyddoedd cynnar.
Meini prawf perfformiad
Mae'n rhaid eich bod chi'n gallu:
- dod o hyd i gyngor a gwybodaeth sy'n ymwneud â'r amrywiaeth o strwythurau cyfreithiol ar gyfer eich busnes
- ymchwilio i'r fformatau cyfreithiol sydd fwyaf addas i'ch busnes
- nodi'r strwythurau cyfreithiol posibl ar gyfer eich busnes
- cymharu manteision ac anfanteision pob fformat cyfreithiol
- ymgynghori ag arbenigwyr proffesiynol ar y fformat cyfreithiol, lle bo angen
- nodi'r dogfennau cyfreithiol gofynnol i'w cwblhau ar gyfer y fformat busnes a ddewiswyd
- penderfynu pwy sy'n gwneud y penderfyniadau rheoli ym mhob fformat cyfreithiol
- ymchwilio i'r opsiynau ariannol a'r rhwymedigaethau ariannol yn dibynnu ar y fformat cyfreithiol
- nodi faint o drethi i'w dalu a'r cofnodion i'w cadw
- cael gwybod am gytundebau cyfreithiol a cheisio cyngor ychwanegol ar yr hyn y maent yn ei olygu i chi a nodau eich busnes
- ystyried barn eich cefnogwyr wrth ddewis opsiwn masnachu
- dadansoddi sut bydd yr opsiynau masnachu yn effeithio ar eich cwsmeriaid, cyflenwyr, rhanddeiliaid a gweithgareddau eich busnes yn y dyfodol
- gwneud yn siŵr bod y ffordd yr ydych yn sefydlu eich busnes yn bodloni'r holl ofynion cyfreithiol
Gwybodaeth a Dealltwriaeth
You need to know and understand:
Fformat cyfreithiol
1. y mathau o strwythurau cyfreithiol sydd ar gael ar gyfer eich busnes, megis unig fasnachwr, partneriaeth, Partneriaeth Atebolrwydd Cyfyngedig (PAC), cwmni cyfyngedig (Cyf), Cwmni Cyfyngedig Preifat (PLC), cwmni Hawl i Reoli (RTM), Cwmni Buddiant Cymunedol (CIC)
2. y math o ddogfennaeth sydd ei hangen ar gyfer pob fformat o'r busnes
3. yr awdurdodau y mae'n rhaid i chi eu hysbysu am eich busnes
4. y gofynion treth ac Yswiriant Gwladol a sut rydych yn eu talu
5. yr effaith y bydd gwahanol opsiynau yn ei chael ar eich busnes o ran cwsmeriaid a chyflenwyr
6. pwy sy'n gwneud y penderfyniadau rheoli yn eich busnes
7. y mathau o gofnodion a chyfrifon i'w cadw
8. rhwymedigaethau ariannol gwahanol fformatau cyfreithiol
9. y math o statws masnachu ar gyfer diwallu anghenion masnachol ac anghenion eraill eich busnes
10. effaith gwahanol opsiynau ar eich sefyllfa o ran treth a faint o drethi i'w dalu
11. y risgiau neu'r goblygiadau ariannol sy'n gysylltiedig
Y gyfraith a rheoliadau
12. y rhwymedigaethau fydd gennych chi a'ch busnes gan gynnwys yswiriant, caniatâd cynllunio, rheoliadau ac is-ddeddfau lleol, rheoliadau iechyd a diogelwch, rheoliadau tân, rheolau safonau masnach, rheolau hawlfraint a phatentau
13. yr agweddau ar gyfraith a rheoliadau cenedlaethol a lleol sy'n berthnasol i bob busnes, gan gynnwys eich un chi
Gwybodaeth a chyngor
14. ffynonellau gwybodaeth am y gyfraith a rheoliadau sy'n ymwneud ag amrywiaeth o strwythurau cyfreithiol ar gyfer eich busnes
15. pam mae'n bwysig defnyddio cyngor technegol a phroffesiynol i gael gwybod am ddeddfau a rheoliadau