Mewnforio neu allforio cynhyrchion neu wasanaethau

Mae'r safon hon ar gyfer entrepreneuriaid sy'n mewnforio neu'n allforio cynhyrchion a gwasanaethau. Mae llawer o bethau sy'n wahanol am fasnachu dramor o gymharu â masnachu'n lleol neu yn y DU. Mae'n bwysig monitro ac addasu gweithgareddau tramor a sicrhau bod y rhain yn cael effaith gadarnhaol ar eich busnes. Os ydych chi am fewnforio neu allforio eich cynhyrchion neu eich gwasanaethau, bydd angen i chi fodloni gofynion cyfreithiol yr holl wledydd dan sylw, defnyddio'r dulliau cyfathrebu a thrafnidiaeth mwyaf effeithlon ac effeithiol, gwirio'r effeithiau parhaus ar y busnes, cael y telerau ac amodau talu cywir, monitro risgiau a sefyllfaoedd yn y gwledydd rydych chi'n masnachu â nhw.

Gallech wneud hyn os bydd angen i chi:

1. gael rhagor o gyflenwyr;

2. dod o hyd i gwsmeriaid tramor newydd ar gyfer eich cynhyrchion a'ch gwasanaethau;

3. dod o hyd i farchnadoedd newydd;

4. ceisio gwerthu cynhyrchion a gwasanaethau newydd dramor;

5. cynyddu gwerthiant a dosbarthiad;

6. agor busnes neu fenter gymdeithasol newydd sy'n gweithredu dramor.

---

1. nodi'r cynhyrchion a'r gwasanaethau sy'n addas i'w mewnforio neu eu hallforio
2. nodi'r gwledydd neu'r parthau economaidd ar gyfer mewnforio neu allforio
3. sefydlu'r ffyrdd o gyfathrebu â'ch cwsmeriaid neu eich cyflenwyr
4. dewis gweithgareddau cludo a storio sy'n cwrdd â'ch gofynion
5. sicrhau bod eich gwybodaeth a'ch cydymffurfiaeth â rheolau a rheoliadau neu fasnach ryngwladol yn gyfredol
6. cadw eich gwybodaeth yn gyfredol am newidiadau i ddeddfwriaeth
7. sicrhau bod gennych yr holl waith papur perthnasol ar gyfer mewnforio neu allforio yr rydych chi a'ch cwsmeriaid neu eich cyflenwyr yn gyfrifol amdano
8. gofyn am wybodaeth ychwanegol neu arweiniad arbenigol proffesiynol ar gwblhau'r gwaith papur
9. cadarnhau'r telerau ac amodau talu ar gyfer eich gweithrediadau
10. sicrhau bod y telerau ac amodau yn diwallu anghenion eich busnes
11. gwneud yn siŵr bod y wybodaeth a'r dulliau gweinyddu rydych yn eu defnyddio yn iawn ar gyfer eich busnes
12. hysbysu'r holl bartïon dan sylw am eu rolau, eu cyfrifoldebau, a newidiadau mewn prosesau
13. cadw diweddariadau rheolaidd ar gynnydd gweithrediadau mewnforio neu arbenigol
14. monitro yn rheolaidd y risgiau a'r sefyllfaoedd yn y gwledydd rydych chi'n masnachu â nhw
15. defnyddio'r systemau TG perthnasol mewn perthynas â mewnforio, allforio a gweithrediadau cysylltiedig eraill
16. cymryd camau i leihau risgiau a delio ag amgylchiadau sy'n newid
17. nodi unrhyw gyfleoedd newydd sy'n dod i'r amlwg ac adolygu'ch cynlluniau mewnforio neu allforio yn ôl yr angen
18. monitro cynnydd eich gweithgareddau tramor yn rheolaidd i sicrhau bod targedau'n cael eu cyrraedd a bod masnachu tramor o fudd i'ch busnes

---

1. y deddfau a'r rheoliadau y mae'n rhaid i chi gydymffurfio â nhw ar gyfer gweithrediadau mewnforio neu allforio
2. pam mae'n bwysig cael gwybod beth yw'r protocolau a'r prosesau ar gyfer y gwledydd rydych chi'n delio â nhw
3. y gwahanol ddulliau cyfathrebu a ddefnyddir i ryngweithio â'ch cwsmeriaid neu gyflenwyr
4. costau a manteision gwybodaeth a dulliau gweinyddu sy'n gysylltiedig â gweithrediadau mewnforio neu allforio
5. y systemau TG perthnasol mewn perthynas â mewnforio, allforio a gweithrediadau cysylltiedig eraill
6. y systemau logisteg ar gyfer anfon nwyddau ymlaen, cydgrynhoi, llwythi, casgliadau a danfon nwyddau
7. y dulliau cludiant a'r trefniadau perthnasol sy'n addas i'ch anghenion
8. nodweddion y sianeli cyfredol, megis cost, cyflymder, dibynadwyedd, amlder, maint llwythi
9. yr amrywiaeth o opsiynau talu a thelerau
10. y gofynion gweinyddol, amser staff, cymorth technegol, gwasanaeth i gwsmeriaid
11. manteision defnyddio trydydd parti, fel cludwr, cludwr nwyddau
12. y deunydd pacio, dogfennaeth, labeli, yswiriant, nodiadau cadarnhau danfon gofynnol, cytundebau ar ôl gwerthu ac ati
13. yr effaith ar ofynion warysau a storio
14. y gwaith papur sydd ei angen ar gyfer allforio neu fewnforio
15. y telerau ac amodau i chi, eich cwsmeriaid neu gyflenwyr
16. y cyfraddau ar gyfer cyfnewid arian tramor a sut gall eich gweithrediadau gael eu heffeithio gan gyfraddau'n codi neu'n gostwng
17. y trefniadau danfon neu gasglu
18. mae'r telerau masnachol rhyngwladol perthnasol (Incoterms), sy'n manylu ar gyfrifoldebau prynwr a gwerthwr am gludiant, yswiriant, dyletswyddau a chlirio yn berthnasol i'r wlad rydych chi'n masnachu â hi a'r dull cludo rydych chi'n ei ddefnyddio
19. sut i ystyried arferion, disgwyliadau a phrosesau busnes diwylliannol anghyfarwydd wrth ddelio â chwmnïau neu gwsmeriaid tramor
20. sut i ddelio â chyfleoedd sydd wedi'u cynllunio a heb eu cynllunio
21. beth i'w fonitro i allu achub y blaen ar sefyllfaoedd, fel ffactorau gwleidyddol, newidiadau mewn diwydiannau neu farchnadoedd
22. sut i warantu elw addas ar eich buddsoddiad
23. sut i gyfrifo a yw allforio wedi bod yn llwyddiannus i'ch busnes a sut i sylwi ar gyfleoedd newydd mewn gwledydd eraill
24. sut i adolygu'ch cynhyrchion a'ch gwasanaethau o ran eu proffidioldeb ac ystyried cyfleoedd eraill, fel marchnadoedd newydd mewn gwledydd eraill, cynhyrchion neu wasanaethau newydd, cynyddu gwerthiant a dosbarthiad

---

---

---

---

---

---

---

---

---

---

---

01 Maw 2027

---

Ar hyn o bryd

---

Gwreiddiol

---

Instructus

---

CFAWB13

---

Rheolwyr ac Uwch Swyddogion, Busnes, Gweinyddiaeth a'r Gyfraith

---

2441

---

llwyddiant, busnes, syniad, cymdeithasol, menter, cwsmeriaid, cynhyrchion, gwasanaeth, cefnogaeth, creadigol, syniad, sgiliau, anghenion, cyflenwyr, arian parod, llif, deddfwriaeth, marchnata, marchnad, tueddiadau, cystadleuwyr, iechyd a diogelwch, TAW

---