Datblygu rhwydweithiau i rannu gwybodaeth, cymorth a gwasanaethau busnes
Trosolwg
Mae'r safon hon ar gyfer entrepreneuriaid sy'n datblygu rhwydweithiau i rannu gwybodaeth, cymorth a gwasanaethau busnes. Mae'n bwysig cydymffurfio â deddfau a rheoliadau perthnasol pan fyddwch yn meithrin eich cysylltiadau ac yn trefnu'r rhain yn rwydweithiau i gyd-fynd ag anghenion eich cwsmeriaid. Gall darparu gwybodaeth, cymorth a gwasanaethau busnes gynnwys cael cyngor gan arbenigwyr neu roi pobl mewn cysylltiad â busnesau eraill sydd wedi cael pryderon tebyg. Mae'n cynnwys ystyried sut rydych chi'n cyfrannu at y rhwydweithiau fel bod eraill yn cael budd o weithio gyda chi.
Gallech wneud hyn os bydd angen i chi:
sefydlu busnes neu fenter gymdeithasol newydd;
darparu gwybodaeth, cymorth a gwasanaethau busnes ar gyfer anghenion eich cwsmeriaid;
ehangu eich busnes neu fenter gymdeithasol;
newid neu addasu'r cynhyrchion neu'r gwasanaethau a gynigir gan eich busnes neu fenter gymdeithasol.
Meini prawf perfformiad
Mae'n rhaid eich bod chi'n gallu:
- chwilio am gysylltiadau newydd wyneb yn wyneb neu drwy gyfryngau cymdeithasol a phlatfformau ar-lein eraill
- datblygu eich rhwydwaith o gysylltiadau i adeiladu eich proffil proffesiynol
- rheoli eich rhwydwaith o gysylltiadau yn unol â deddfau a rheoliadau perthnasol ar gyfer diogelwch, diogeledd a chyfrinachedd data
- sefydlu ffiniau cyfrinachedd rhyngoch chi ac aelodau o'ch rhwydweithiau proffesiynol
- cael caniatâd gan eich rhwydwaith o gysylltiadau i rannu eu manylion â'ch cwsmeriaid
- chwilio am wybodaeth busnes, cyngor a chysylltiadau pellach sy'n mynd i fod o fudd i'ch cwsmeriaid
- rhannu eich anghenion am wybodaeth, cymorth a gwasanaethau busnes â'ch cysylltiadau rhwydwaith
- gwerthuso sut y gall cysylltiadau newydd ychwanegu gwerth at y gwasanaeth a ddarperir i gwsmeriaid penodol
- annog cwsmeriaid i ddefnyddio'ch cysylltiadau a'ch rhwydweithiau i gynyddu'r cyfleoedd busnes, y cymorth a'r gwasanaethau
- cael y wybodaeth ddiweddaraf am eich rhwydweithiau a'ch cysylltiadau
- diweddaru rhwydweithiau a chysylltiadau am eich busnes yn rheolaidd
- defnyddio cysylltiadau busnes i wella ansawdd eich gwybodaeth, cymorth a gwasanaethau busnes
- monitro'r wybodaeth a'r cymorth a roddir gan sefydliadau eraill i nodi gwelliannau i'r wybodaeth busnes a'r gwasanaethau cymorth rydych yn eu darparu
- nodi ffyrdd o wella ansawdd y wybodaeth a gewch gan gysylltiadau a sefydliadau yn eich rhwydwaith
- adolygu cyfleoedd, costau a manteision cysylltiadau a rhwydweithiau newydd
- dileu'r cysylltiadau nad ydynt yn ymatebol neu nad ydynt bellach yn berthnasol yn unol â deddfwriaeth diogelu data
- tynnu cysylltiadau o'ch rhwydwaith ar gais
- cael y wybodaeth ddiweddaraf am ddeddfau a rheoliadau perthnasol ar gyfer diogelwch, diogeledd, diogelwch a chyfrinachedd data
- diwygio eich prosesau i fodloni newidiadau i ddeddfau a rheoliadau
Gwybodaeth a Dealltwriaeth
You need to know and understand:
Sgiliau cyfathrebu a rhyngbersonol
1. sut i wrando a chwestiynu
2. sut i gyfnewid gwybodaeth yn gyfreithlon
3. y math o wybodaeth sydd ei hangen a'i rhannu mewn gwahanol rwydweithiau
4. pwysigrwydd cynnal manylion cwsmeriaid a chyfrinachedd
5. dewisiadau eich cysylltiadau o ran gwybodaeth a'r ffyrdd o gyfathrebu sydd orau ganddynt
Rhwydweithio
6. dulliau rhwydweithio, fel wyneb yn wyneb neu ar blatfformau cyfryngau cymdeithasol a grwpiau sgwrsio ar-lein
7. fforymau, grwpiau, grwpiau arbenigol, cynadleddau a digwyddiadau proffesiynol lleol, rhanbarthol a ledled y wlad
8. sut i nodi cyfleoedd addas i rwydweithio ac ymuno â'r rhain i adeiladu mwy o gysylltiadau
9. sut i nodi pobl a sefydliadau a allai fod o fudd i chi a'ch cwsmeriaid
10. sut i annog cysylltiadau newydd i ymuno â'ch rhwydweithiau o gysylltiadau
11. sut i gadw eich gwybodaeth am y deddfau a'r rheoliadau yn gyfredol ac ymateb yn rhagweithiol i newidiadau
12. goblygiadau peidio â chydymffurfio â gofynion cyfreithiol ar gyfer diogelwch, diogeledd a chyfrinachedd data
Darparu gwybodaeth busnes a gwasanaethau cymorth
13. ystod y gwasanaethau gwybodaeth a chymorth busnes sydd ar gael
14. y canllawiau ar gyfer darparu gwasanaethau cymorth a sefydlir gan eich busnes
15. pam mae'n bwysig cynnal cyfrinachedd mewn gwahanol amgylcheddau rhwydweithio
16. y moeseg, y gwerthoedd, y codau ymarfer a'r safonau proffesiynol y mae angen i chi gadw atynt wrth reoli eich rhwydwaith o gysylltiadau
17. sut i hyrwyddo cyfle cyfartal, amrywiaeth a chynhwysiant cymdeithasol wrth rwydweithio
18. y systemau rheoli gwybodaeth perthnasol sy'n gysylltiedig â rhwydweithio
Gwerthuso rhwydweithiau
19. sut i fonitro eich ymddygiad personol eich hun yn ffurfiol ac yn anffurfiol
20. sut i gymharu gwasanaethau gwybodaeth a ddarperir gan weithwyr proffesiynol a sefydliadau eraill â'r hyn y mae eich busnes yn ei ddarparu
21. sut mae eich sefydliad yn rhwydweithio â gweithwyr proffesiynol a sefydliadau eraill