Cynorthwyo i roi newid ar waith mewn amgylchedd busnes

​Mae'r safon hon yn ymwneud â chynorthwyo i roi newid ar waith mewn amgylchedd busnes. Mae'n cynnwys casglu gwybodaeth, cynorthwyo'r broses newid a'r strategaeth gyfathrebu, a nodi mecanweithiau cynorthwyo ar eich cyfer chi a'ch cydweithwyr. Mae'r safon yn trafod y strategaethau ar gyfer mynd i'r afael â newid yn rhan o'ch rôl, sy'n cynnwys nodi, dadansoddi, gwerthuso a blaenoriaethu tueddiadau a digwyddiadau sy'n effeithio ar y ffordd y mae'r sefydliad yn gweithredu. Mae'r safon yn cynnwys ystyried gofynion cyfreithiol, rheoliadol a moesegol ar gyfer maes eich cyfrifoldebau a cheisio cyngor arbenigol lle bo hynny'n briodol.

Mae ar gyfer gweithwyr proffesiynol sydd mewn rolau gweinyddu busnes sy'n cynorthwyo'r gwaith o roi newid ar waith, ond nad ydynt, o bosibl, yn atebol am gynllunio neu reoli'r broses.

1. paratoi ar gyfer newid trwy gasglu gwybodaeth am gryfderau a gwendidau eich maes gwaith
2. cynorthwyo'r broses o newid yn eich maes gwaith
3. cyfrannu at gynlluniau ar gyfer newid
4. sicrhau bod y dulliau perthnasol ar waith i nodi'r ffactorau sefydliadol mewnol ac allanol
5. nodi a blaenoriaethu ffactorau mewnol ac allanol ar sail eu perthnasedd i'ch sefydliad
6. dadansoddi a gwerthuso tueddiadau a digwyddiadau o ran eu goblygiadau i'ch sefydliad
7. nodi a gwerthuso gofynion cyfreithiol a rheoliadol perthnasol a'u blaenoriaethu
8. ceisio cyngor arbenigol ar ddehongliadau o ofynion cyfreithiol a rheoliadol perthnasol, lle bo angen
9. rhoi gwybodaeth i'r cydweithwyr perthnasol ac aelodau'r tîm er mwyn llywio'r broses o wneud penderfyniadau
10. esbonio pam mae angen newid wrth eich cydweithwyr
11. cynorthwyo gyda'r strategaeth gyfathrebu i greu parodrwydd ar gyfer newid
12. addasu i newid o fewn amserlenni penodol
13. nodi mecanweithiau cymorth i chi eich hun a'ch cydweithwyr yn ystod y broses newid
14. cytuno ar y camau sy'n ofynnol gyda'r rhai sy'n gwneud penderfyniadau o ran tueddiadau a digwyddiadau sy'n effeithio ar newid
15. cynorthwyo cydweithwyr yn ystod newid a chynnal y broses
16. gofyn cwestiynau am y broses newid pan fyddwch yn ansicr
17. cyfrannu at werthuso newid
18. sicrhau bod unrhyw gamau yn bodloni'r gofynion cyfreithiol, rheoliadol a moesegol maes eich cyfrifoldebau

1. natur ffactorau sefydliadol mewnol ac allanol
2. cenhadaeth ac amcanion eich sefydliad
3. strategaethau a pholisïau eich sefydliad
4. sut i baratoi ar gyfer newid yn eich maes gwaith
5. y rhesymau dros newid a chyflymder y newid mewn sefydliadau
6. effaith seicolegol newid ar aelodau'r tîm yn y gweithle
7. eich rôl eich hun wrth hwyluso newid yn y gwaith
8. sut i addasu i newid yn eich rôl eich hun
9. gwerth gweld newid fel cyfle i'r busnes, y sefydliad, y tîm a chi eich hun
10. y mathau o fecanweithiau cymorth ar eich cyfer chi eich hun a'ch cydweithwyr yn ystod y broses newid
11. sut i roi newid yn y gwaith mewn persbectif
12. y strategaethau ar gyfer ymdopi â newid neu ddysgu sut i reoli'r ffordd y mae newid yn effeithio ar eich maes gwaith eich hun
13. sut i werthuso effaith newid yn y gweithle
14. dulliau monitro a dadansoddi'r ffactorau sefydliadol mewnol ac allanol
15. natur y dylanwadau allanol sy'n effeithio ar eich sefydliad
16. y gofynion cyfreithiol a rheoliadol perthnasol a'r cyfrifoldebau moesegol sy'n ymwneud â dylanwadau allanol a allai effeithio ar fuddiannau sefydliadol
17. goblygiadau diffyg cydymffurfio â gofynion cyfreithiol a rheoliadol
18. y dulliau cyfathrebu a chyflwyno gwybodaeth gyda chydweithwyr, aelodau'r tîm a'r rhai sy'n gwneud penderfyniadau
19. y dulliau cytuno a'r camau gweithredu i fodloni gofynion cyfreithiol, rheoliadol a moesegol maes eich cyfrifoldebau

1. addasu i newid
2. dadansoddi
3. cyfathrebu
4. clywed
5. cyd-drafod
6. blaenoriaethu
7. datrys problemau
8. cwestiynu
9. adrodd
10. ymchwilio

Cyfrifoldebau Gwaith