Cynorthwyo â'r gwaith o ddiogelu unigolion ac eraill

Mae'r safon hon yn nodi'r gofynion wrth gynorthwyo â’r gwaith o ddiogelu unigolion ac eraill. Mae hyn yn cynnwys rhoi gwybodaeth diogelu ar waith, megis cydnabod anghenion unigolion, rhannu gwybodaeth, a gweithio mewn partneriaeth ag eraill.  Mae hefyd yn cynnwys cefnogi ymwybyddiaeth unigolion ac eraill o ddiogelwch personol a chyfrannu at adnabod arwyddion o niwed, camdriniaeth, esgeulustod neu gamfanteisio, a gweithredu arnynt.

---

1. nodi a chytuno ar rolau a chyfrifoldebau eich hun ac eraill i gynorthwyo â’r gwaith o ddiogelu unigolion
2. cael gafael ar wybodaeth am ofynion diogelu’r gweithle
3. cael caniatâd a chael gafael ar wybodaeth ac asesiadau risg am y gofynion diogelu ar gyfer unigolion
4. gweithio mewn partneriaeth ag unigolion ac eraill i drafod eu gofynion diogelu  
5. cefnogi unigolion i ddatblygu annibyniaeth, hyder a hunan-barch er mwyn sicrhau eu diogelwch personol
6. cefnogi unigolion i fynegi eu hanghenion, eu meddyliau a’u hemosiynau ynghylch diogelwch personol a diogelu  
7. gwrando ac ymateb mewn ffyrdd sy'n dangos eich bod yn gwerthfawrogi ac yn parchu barn, dewisiadau a phenderfyniadau unigolion i gymryd risgiau cadarnhaol
8. cynorthwyo unigolion i nodi a chael gafael ar yr adnoddau a’r cymorth sydd eu hangen i sicrhau eu diogelwch personol  
9. cyfrannu at nodi ymddygiad, sefyllfaoedd ac arwyddion a allai ddangos bod unigolion neu eraill mewn perygl o gael eu niweidio a'u cam-drin, neu eu bod wedi bod mewn perygl yn y gorffennol
10. cynorthwyo unigolion ac eraill i nodi a rhoi gwybod am weithredoedd, ymddygiad a sefyllfaoedd a allai fod yn niweidiol neu’n gamdriniol
11. 11.dilyn polisïau a gweithdrefnau diogelu pan fydd niwed neu gamdriniaeth yn cael ei amau neu ei ddatgelu  
12. cyfrannu at rannu gwybodaeth diogelu ac asesiadau risg ag eraill i lywio eu gwaith nhw a'ch gwaith chi  
13. cyfrannu at gofnodion ac adroddiadau sydd eu hangen ar gyfer diogelu unigolion ac eraill  
14. myfyrio ar sut y gwnaethoch gyflawni eich rolau a'ch cyfrifoldebau i gynorthwyo â’r gwaith o ddiogelu unigolion, gydag adborth gan eraill

---

1. y mathau o niwed, camdriniaeth, esgeulustod ac ecsbloetiaeth  
2. beth yw meithrin perthynas amhriodol, yr arwyddion, sut y gall godi a'r camau i'w cymryd
3. beth yw bwlio, yr arwyddion, sut y gall godi a’r camau i'w cymryd  
4. y ffactorau a allai gynyddu'r perygl i unigolion neu eraill gael eu niweidio neu eu cam-drin
5. dylanwad niwrowahaniaeth ac anghenion ychwanegol ar ddiogelwch personol a diogelu  
6. yr arwyddion a allai ddangos bod unigolion neu eraill mewn perygl o gael eu niweidio neu eu cam-drin, neu eu bod wedi bod mewn perygl yn y gorffennol  
7. y mathau o gamau, hepgoriadau, ymddygiad a sefyllfaoedd a allai fod yn niweidiol neu’n gamdriniol i unigolion neu eraill
8. cyfnodau pontio ym mywydau unigolion a allai olygu bod mwy o berygl iddynt gael eu niweidio neu eu cam-drin
9. dylanwad diwylliant, cefndir ac ysbrydolrwydd ar ddiogelwch personol a diogelu  
10. y ddyletswydd foesol a moesegol i ddiogelu unigolion ac eraill, ac i amddiffyn y cyhoedd yn ehangach
11. eich rôl i atal o ran diogelu unigolion ac eraill, a goblygiadau methu â gweithredu
12. y camau cywir i’w cymryd os bydd niwed neu gamdriniaeth yn cael ei amau neu ei ddatgelu
13. sut mae cefnogi unigolion ac eraill i nodi a rhoi gwybod am niwed neu gamdriniaeth, a pham y gallai fod yn anodd iddynt wneud hynny  
14. sut mae cefnogi rheoleiddio emosiynol wrth ymdrin â phryderon diogelu
15. rôl hyder a hunan-barch o ran sicrhau diogelwch personol  
16. y risgiau posibl sy'n gysylltiedig â defnyddio dyfeisiau ac adnoddau digidol a sut mae cefnogi unigolion i fod yn ddiogel ar-lein
17. sut mae diogelu eich hun yn y gweithle neu wrth weithio ar eich pen eich hun
18. sut mae defnyddio egwyddorion sy'n ystyriol o drawma i gyfrannu at ddiogelu unigolion ac eraill
19. pwysigrwydd urddas, caredigrwydd a thosturi wrth gynorthwyo â’r gwaith o ddiogelu unigolion ac eraill  
20. pwysigrwydd cadw tystiolaeth sy’n gysylltiedig â niwed a chamdriniaeth posibl
21. pryd y mae'n rhaid i chi rannu gwybodaeth a fyddai fel arall yn gyfrinachol, a sut mae helpu unigolion i ddeall hyn  
22. pam ei bod yn bwysig cofnodi ac adrodd ffeithiau wrth ddiogelu unigolion ac eraill
23. y cofnodion a’r adroddiadau sydd eu hangen ar gyfer cynorthwyo â’r gwaith o ddiogelu unigolion ac eraill
24. beth i'w wneud os ydych chi wedi rhoi gwybod am bryderon ond nad oes camau'n cael eu cymryd i fynd i'r afael â nhw  
25. y gofynion cyfreithiol, y safonau ymarfer, y fframweithiau a’r canllawiau perthnasol ar gyfer cynorthwyo â’r gwaith o ddiogelu unigolion ac eraill
26. gofynion y gweithle mewn perthynas â chydraddoldeb, amrywiaeth, cynhwysiant a hawliau wrth gynorthwyo â’r gwaith o ddiogelu unigolion ac eraill  
27. sut mae gweithio mewn partneriaeth ag eraill i gynorthwyo â’r gwaith o ddiogelu unigolion
28. sut mae eich profiadau personol a'ch rhagfarn ddiarwybod yn gallu effeithio wrth gynorthwyo â’r gwaith o ddiogelu unigolion ac eraill, a sut i fynd i'r afael â hyn
29. rôl goruchwyliaeth, ymarfer myfyriol, a dysgu a datblygu wrth ddiogelu unigolion ac eraill

---

---

---

---

---

---

---

Mae'r eirfa ar gyfer y Safon Alwedigaethol Genedlaethol hon ar gael ar wefan Sgiliau Gofal a Datblygu.

---

---

---

1

---

2031

---

Ar hyn o bryd

---

Gwreiddiol

---

Skills for Care and Development

---

HSCCLD24

---

Gofal Cymdeithasol a Gofal Plant

---

---

Diogelu, Iechyd a Gofal Cymdeithasol a Gofal Plant, Dysgu a Datblygu

---