Cefnogi unigolion i fwyta ac yfed

Mae'r safon hon yn nodi'r gofynion wrth gefnogi unigolion sydd angen cymorth i fwyta ac yfed. Mae hyn yn cynnwys paratoi ar gyfer bwyta ac yfed, cefnogi unigolion pan fyddant yn bwyta ac yn yfed ac ar ôl hynny.

---

1. cael caniatâd a chael gafael ar wybodaeth a chynlluniau gofal neu gymorth am ddewisiadau a gofynion maeth unigolion
2. gweithio mewn partneriaeth ag unigolion ac eraill i nodi’r cymorth sydd ei angen i fwyta ac yfed  
3. sicrhau bod dulliau atal a rheoli heintiau, a chyfarpar diogelu personol, yn cael eu defnyddio  
4. cefnogi unigolion i baratoi amgylcheddau ar gyfer profiadau dymunol, diogel a chymdeithasol
5. dewis, paratoi ac annog unigolion i ddefnyddio unrhyw gyfarpar arbenigol a gorchuddion diogelwch  
6. cefnogi unigolion i ddewis bwyd a diod sy'n cwrdd â’u dewisiadau a’u hanghenion
7. cefnogi unigolion i fwyta ac yfed gyda pharch, urddas a chysur  
8. cefnogi unigolion i ddewis hynny o fwyd a diod y gallant ymdopi ag ef a’i fwyta ac yfed ar eu cyflymder eu hunain  
9. cefnogi unigolion â hylendid personol tra byddant yn bwyta ac yfed, ac ar ôl iddynt orffen  
10. cadarnhau bod yr unigolyn wedi gorffen bwyta ac yfed ac a lwyddwyd i gwrdd â’i ofynion maeth a'i ddewisiadau
11. clirio’r offer a'r llestri sydd wedi cael eu defnyddio a chael gwared ar wastraff  
12. gadael yr amgylchedd yn lân ac yn barod i'w ddefnyddio y tro nesaf
13. cwblhau’r cofnodion a’r adroddiadau sydd eu hangen i gefnogi unigolion i fwyta ac yfed
14. myfyrio ar sut y gwnaethoch gyflawni eich rolau a'ch cyfrifoldebau i gefnogi unigolion i fwyta ac yfed

---

1. sail a phwysigrwydd deiet iach
2. pwysigrwydd darparu amrywiaeth o opsiynau i gefnogi dewis o fwyd a diod
3. sut mae defnyddio egwyddorion sy'n ystyriol o drawma i gefnogi unigolion i fwyta ac yfed  
4. dylanwad diwylliant, cefndir a daliadau ysbrydol ar y ffordd mae bwyd yn cael ei ddewis, ei baratoi a’i fwyta  
5. sut y gall gwead, blas a golwg bwyd a diod effeithio ar unigolion  
6. effaith cyflyrau meddygol ar ofynion deietegol unigolion
7. dylanwad niwrowahaniaeth ac anghenion ychwanegol wrth gefnogi unigolion i fwyta ac yfed  
8. sut gellir addasu gwahanol offer a’u defnyddio i gwrdd ag anghenion unigolion
9. y mathau o gyfarpar arbenigol a gorchuddion diogelwch a sut i’w defnyddio  
10. y mathau o ddyfeisiau ac adnoddau digidol a all gefnogi unigolion i fwyta ac yfed
11. sut mae amgylcheddau yn gallu cefnogi profiadau dymunol, diogel a chymdeithasol  
12. pwysigrwydd urddas, caredigrwydd a thosturi wrth gefnogi unigolion â bwyd a diod    
13. sut mae cadarnhau bod unigolion wedi bwyta ac yfed digon i gwrdd â’u gofynion maeth  
14. rôl emosiynau wrth fwyta ac yfed a sut mae cefnogi unigolion i’w rheoleiddio  
15. y mathau o atchwanegiadau maethol a pham eu bod yn cael eu defnyddio  
16. ffactorau risg ac arwyddion diffyg maeth  
17. arwyddion a symptomau dadhydradu a sut i hybu hydradu  
18. rhagofalon diogelwch bwyd a chanlyniadau posibl ymarfer gwael  
19. sut mae sicrhau hylendid dwylo effeithiol a'i rôl o ran atal a rheoli heintiau wrth drin bwyd a diod  
20. sut mae mynd i'r afael ag unrhyw broblemau â bwyd a diod, a phwysigrwydd trosglwyddo gwybodaeth i eraill  
21. sut mae adnabod adwaith iechyd annisgwyl sydyn ac argyfwng gyda bwyd a diod, a sut mae ymdopi â nhw  
22. sut mae cofnodi newidiadau i ddewisiadau ac anghenion gofal neu gymorth unigolyn, a pham fod hyn yn bwysig  
23. y gofynion cyfreithiol, y safonau ymarfer, y fframweithiau a’r canllawiau perthnasol ar gyfer cefnogi unigolion i fwyta ac yfed  
24. gofynion y gweithle mewn perthynas â chydraddoldeb, amrywiaeth, cynhwysiant a hawliau wrth gefnogi unigolion i fwyta ac yfed  
25. sut mae gweithio mewn partneriaeth ag eraill i gefnogi unigolion i fwyta ac yfed  
26. sut mae eich profiadau personol a’ch rhagfarn ddiarwybod yn gallu effeithio wrth gefnogi unigolion i fwyta ac yfed, a sut i fynd i'r afael â hyn  
27. rôl goruchwyliaeth, ymarfer myfyriol, a dysgu a datblygu wrth gefnogi unigolion i fwyta ac yfed

---

---

---

---

---

---

---

Mae'r eirfa ar gyfer y Safon Alwedigaethol Genedlaethol hon ar gael ar wefan Sgiliau Gofal a Datblygu.

---

---

---

1

---

2031

---

Ar hyn o bryd

---

Gwreiddiol

---

Skills for Care and Development

---

HSCCLD218

---

Gofal Cymdeithasol a Gofal Plant

---

---

Bwyta, Yfed, Iechyd a Gofal Cymdeithasol a Gofal Plant, Dysgu a Datblygu

---