Cefnogi cyfathrebu effeithiol

Mae'r safon hon yn nodi'r gofynion wrth gefnogi unigolion i gyfathrebu  yn effeithiol. Mae hyn yn cynnwys nodi’r ffordd orau o gyfathrebu ag unigolion a’u cefnogi i gyfathrebu.  Mae hefyd yn mynd i'r afael â'ch sgiliau cyfathrebu personol, a sut rydych chi'n cyfrannu at gofnodion ac adroddiadau.

---

1. cael caniatâd a chael gafael ar wybodaeth am ddewisiadau ac anghenion cyfathrebu unigolion
2. cadarnhau beth yw’r dull cyfathrebu sy’n cael ei ffafrio gan unigolion
3. cyfrannu at nodi arddulliau cyfathrebu llafar a di-lafar unigolion
4. cyfrannu at drefnu amgylcheddau a safleoedd i gyfathrebu mor effeithiol â phosibl  
5. helpu unigolion i ddefnyddio unrhyw gymorth, cymhorthion, dyfeisiau ac adnoddau digidol ar gyfer cyfathrebu
6. defnyddio ffyrdd o gyfathrebu sy'n addas i gynnwys a phwrpas y rhyngweithiadau.
7. cefnogi annibyniaeth unigolion i fynegi eu meddyliau ac emosiynau  
8. defnyddio lefel, tôn a chyflymder iaith addas i hybu cyfranogiad a chyd-ddealltwriaeth o'r rhyngweithiadau
9. gwrando ac ymateb mewn ffordd sy'n dangos eich bod yn gwerthfawrogi ac yn parchu unigolion
10. addasu eich ffyrdd o gyfathrebu i gwrdd â dewisiadau ac anghenion unigolion.
11. cyfrannu at gyfnewid gwybodaeth ag eraill i lywio eu gwaith nhw a'ch gwaith chi  
12. cyfrannu at gofnodion ac adroddiadau sydd eu hangen ar gyfer cyfathrebu effeithiol
13. myfyrio ar sut y gwnaethoch gyflawni eich rôl a'ch cyfrifoldebau i gynorthwyo â chyfathrebu effeithiol, gydag adborth gan eraill

---

1. sut mae cael gafael ar wybodaeth a chymorth i ddatblygu eich sgiliau cyfathrebu
2. sut mae gwahaniaethau a phrofiadau yn gallu effeithio ar y ffordd mae unigolion yn cyfathrebu
3. dylanwad niwrowahaniaeth ac anghenion ychwanegol ar anghenion cyfathrebu ac iaith unigolion ac eraill  
4. dylanwad diwylliant a chefndir ar sgiliau cyfathrebu llafar a di-lafar unigolion ac eraill
5. ffactorau sy'n gallu cael effaith gadarnhaol neu negyddol ar sgiliau cyfathrebu a datblygiad iaith  
6. sut mae cyfathrebu’n gallu effeithio ar hunaniaeth a hunan-barch unigolion
7. pa gamau i'w cymryd os yw cyfathrebu'n cyfleu straen neu drallod  
8. pwysigrwydd urddas, caredigrwydd a thosturi o ran cyfathrebu effeithiol
9. gwahanol fathau o gymhorthion, dyfeisiau ac adnoddau digidol i gynorthwyo wrth gyfathrebu
10. sut mae trefnu amgylcheddau a safleoedd i gyfathrebu mor effeithiol â phosibl  
11. sut mae defnyddio egwyddorion sy'n ystyriol o drawma i gynorthwyo â chyfathrebu effeithiol  
12. sut mae adnabod ymddygiad fel ffordd o gyfathrebu  
13. sut mae cefnogi rheoleiddio emosiynol wrth gyfathrebu  
14. rôl rhyngweithio wrth ddatblygu a chynorthwyo â sgiliau iaith a chyfathrebu unigolion  
15. pwysigrwydd chwarae neu weithgareddau o ran cynorthwyo â chyfathrebu effeithiol  
16. egwyddorion gwrando gweithredol
17. sut mae cael caniatâd i weld cofnodion ac adroddiadau
18. gofynion y gweithle ar gyfer cyfrannu at gofnodion ac adroddiadau  
19. y gwahaniaeth rhwng ffaith, barn a dyfarniad wrth gofnodi gwybodaeth  
20. pam mae cyfathrebu proffesiynol yn bwysig yn y gweithle  
21. sut mae ymateb i faterion a phryderon a allai effeithio ar hawliau unigolion o ran cyfathrebu effeithiol  
22. y gofynion cyfreithiol, y safonau ymarfer, y fframweithiau a’r canllawiau perthnasol ar gyfer cefnogi cyfathrebu effeithiol
23. gofynion y gweithle mewn perthynas â chydraddoldeb, amrywiaeth, cynhwysiant a hawliau wrth gefnogi cyfathrebu effeithiol
24. sut mae gweithio mewn partneriaeth ag eraill i gefnogi cyfathrebu effeithiol
25. sut mae eich profiadau personol a'ch rhagfarn ddiarwybod yn gallu effeithio wrth gefnogi cyfathrebu effeithiol, a sut i fynd i'r afael â hyn
26. rôl goruchwyliaeth, ymarfer myfyriol, a dysgu a datblygu o ran cyfathrebu effeithiol

---

---

---

---

---

---

---

Mae'r eirfa ar gyfer y Safon Alwedigaethol Genedlaethol hon ar gael ar wefan Sgiliau Gofal a Datblygu.

---

---

---

1

---

2031

---

Ar hyn o bryd

---

Gwreiddiol

---

Skills for Care and Development

---

HSCCLD21

---

Gofal Cymdeithasol a Gofal Plant

---

---

Cyfathrebu, Iechyd a Gofal Cymdeithasol a Gofal Plant, Dysgu a Datblygu

---