Prosesu ceisiadau am drosglwyddiadau allan o gynlluniau pensiwn
Trosolwg
Mae'r safon hon yn ymwneud â phrosesu ceisiadau am drosglwyddiadau allan o gynlluniau pensiwn. Ar ôl sicrhau bod y cais am drosglwyddo allan wedi’i awdurdodi, rhaid i chi sicrhau bod y trosglwyddiad a gynigir allan o gynllun cymwys a chadarnhau bod yr aelodau wedi cael argymhelliad i geisio cyngor priodol. Rhaid i chi wirio am unrhyw ofynion cyfreithiol perthnasol a allai effeithio ar y trosglwyddiad arfaethedig a sicrhau gwerthoedd trosglwyddo ac eraill priodol sydd wedi'u cyfrifo'n gywir. Rhaid i chi hysbysu'r aelod ynghylch yr opsiynau sydd ar gael, a hynny mewn fformat sy'n cydymffurfio â'r gofynion statudol ac o ran y cynllun, a mynd ati'n brydlon i sicrhau bod gwerthoedd trosglwyddo'n cael eu talu fel sy'n briodol. Rhaid i chi roi gwybod i'r aelod am eu buddion, yn unol ag unrhyw ofynion datgelu, a hysbysu adran berthnasol y llywodraeth ynghylch y trosglwyddiad.
Meini prawf perfformiad
Mae'n rhaid eich bod chi'n gallu:
- Sicrhau bod pob cais am drosglwyddo allan wedi'i awdurdodi cyn bod camau pellach yn cael eu cymryd, yn unol â'ch gweithdrefnau
- Cyfeirio ceisiadau am drosglwyddo allan sydd y tu hwnt i'ch awdurdod at y bobl briodol, yn unol â gweithdrefnau eich sefydliad
- Ymchwilio i unrhyw fylchau neu anghysondebau mewn ceisiadau a'u datrys, yn unol â gweithdrefnau eich sefydliad
- Gwirio bod aelodau'n ceisio cyngor priodol yn unol â gweithdrefnau eich sefydliad
- Gwirio bod yr holl drosglwyddiadau arfaethedig yn mynd i gynllun cofrestredig arall yn y Deyrnas Unedig, neu Gynllun Pensiwn Tramor Cymwys Cydnabyddedig (QROPS)
- Gwirio am unrhyw ofynion cyfreithiol perthnasol a allai effeithio ar drosglwyddiadau, yn unol â gweithdrefnau eich sefydliad
- Sicrhau gwerthoedd trosglwyddo a gwerthoedd eraill priodol a gyfrifwyd yn gywir, yn unol â gweithdrefnau eich sefydliad
- Hysbysu'r holl aelodau sy'n ymadael ynghylch yr opsiynau sydd ar gael iddynt mewn ffyrdd sy'n cydymffurfio â'r gofynion statudol a pherthnasol o ran cynlluniau pensiwn
- Darparu gwybodaeth a dogfennau i aelodau newydd y cynllun, yn unol â'r gofynion
- Cymryd camau dilynol priodol o fewn y terfynau amser gofynnol, yn unol â gweithdrefnau eich sefydliad
- Cychwyn talu gwerthoedd trosglwyddo i Gynllun QROPS cofrestredig pan awdurdodir hynny'n briodol, yn unol â gweithdrefnau eich sefydliad
- Hysbysu aelodau ynghylch eu buddion, yn unol ag unrhyw ofynion datgelu
- Hysbysu adran berthnasol y llywodraeth sy'n delio gyda phensiynau ynghylch trosglwyddiadau i Gynllun cofrestredig / QROPS
- Cydymffurfio â'r terfynau amser statudol ar gyfer darparu gwybodaeth a thalu gwerth trosglwyddo
Gwybodaeth a Dealltwriaeth
You need to know and understand:
- Yr angen am sicrhau bod dilysu a gwirio wedi digwydd, a'r dulliau o wneud hynny
- Y gweithdrefnau mewnol y mae angen i chi eu dilyn a'r cofnodion y mae angen eu diweddaru wrth setlo buddion
- Sut mae datrys unrhyw anghysondebau neu fylchau mewn gwybodaeth
- Sut mae dehongli a chymhwyso gofynion statudol a pherthnasol o ran cynlluniau pensiwn, gan gynnwys contractio allan, i bennu'r buddion
- Sut mae prosesu buddion ac opsiynau trosglwyddo fel y pennwyd yn y rheoliadau
- Sut mae defnyddio dulliau cyfrifo ac arferion safonol yn gywir
- Beth yw'r gofynion ar gyfer rhyddhau buddion, gan gynnwys unrhyw gyfraniadau ychwanegol
- Sut mae defnyddio rheoliadau er mwyn rhoi gwybod i aelodau sy'n trosglwyddo am yr opsiynau priodol sydd ar gael iddynt
- Gwerthoedd Trosglwyddo Ariannol Cyfatebol (CETV)
- Y terfynau amser sy'n ofynnol ar gyfer gweithredu, a chanlyniadau peidio â chydymffurfio
- Y ddeddfwriaeth berthnasol gan gynnwys y polisïau, y gweithdrefnau a'r ddeddfwriaeth diweddaraf
- Y gwahaniaeth rhwng rhoi cyngor ariannol a darparu gwybodaeth i aelodau
Cwmpas/ystod
Cwmpas Perfformiad
Gwybodaeth Cwmpas
Gwerthoedd
Ymddygiadau
- Rydych yn sensitif i ddiffyg arbenigedd technegol aelodau ac yn defnyddio eich greddf a'ch profiad i'w helpu i ddeall y materion yn llawn
- Rydych yn casglu ac yn rheoli gwybodaeth yn effeithiol, yn effeithlon, yn foesegol a chan barchu cyfrinachedd
- Mae gennych ddealltwriaeth glir o gwmpas a therfynau eich awdurdod i wneud penderfyniadau
- Rydych yn nodi anghenion gwybodaeth cydweithwyr, cleientiaid ac eraill
- Rydych yn darparu gwybodaeth briodol i'r rhai sydd ag angen amdani ac sydd â hawl i'w derbyn
- Rydych yn cyflwyno gwybodaeth yn brydlon, yn glir, yn gryno ac yn gywir, ac mewn modd sy'n hybu dealltwriaeth
- Rydych yn chwilio am welliannau posibl ac yn cynnig llwybrau gweithredu sy'n amserol, yn briodol ac yn gyflawnadwy
- Rydych yn ymfalchïo yn ansawdd eich gwaith
- Rydych yn deall anghenion a chymhellion pobl eraill
- Rydych yn gweithio mewn modd proffesiynol, cydweithredol, gan gefnogi'ch gilydd
- Rydych yn rhoi sylw i fanylion sy'n hanfodol i'ch gwaith
- Rydych yn defnyddio arddulliau cyfathrebu sy'n briodol ar gyfer gwahanol bobl a sefyllfaoedd