Darparu gwasanaeth gweinyddol ar gyfer cleientiaid morgeisi neu gynllunio ariannol
Trosolwg
Mae'r safon hon yn ymwneud â darparu gwasanaeth gweinyddol ar gyfer cleientiaid morgeisi neu gynllunio ariannol. Rhaid i chi fedru delio gyda chleientiaid yn ogystal â chydweithwyr mewnol, p'un a ydych chi'n ymateb i geisiadau cymhleth neu'n chwilio am wybodaeth newydd. Rhaid i chi fedru coladu'r wybodaeth angenrheidiol gan y cleient er mwyn medru trafod atebion priodol o ran morgeisi neu gynllunio ariannol, a pharatoi dogfennau i'w defnyddio gan y cynllunydd ariannol neu'r ymgynghorydd morgeisi. Rhaid i chi fedru monitro llif busnes, cynnal dyddiaduron a chyfrannu at ddyletswyddau gweinyddiaeth cyffredinol y swyddfa mewn modd effeithlon. Bydd angen i chi fod yn drefnus ac yn systematig yn eich agwedd at waith a sicrhau bod gennych yr wybodaeth ddiweddaraf ynghylch anghenion gwybodaeth cydweithwyr.
Meini prawf perfformiad
Mae'n rhaid eich bod chi'n gallu:
- Delio gyda cheisiadau uniongyrchol am wybodaeth a dderbynnir gan gleientiaid, a chydweithwyr mewnol, oddi mewn i lefel eich awdurdod
- Nodi ceisiadau am wybodaeth ynghylch cynnyrch a gwasanaethau ariannol y tu allan i'ch maes cyfrifoldeb
- Cyfeirio materion sydd y tu allan i'ch maes cyfrifoldeb at gydweithwyr priodol
- Coladu'r wybodaeth sy'n ofynnol i baratoi dyfynbrisiau a darluniadau
- Sicrhau dyfynbrisiau a darluniadau oddi mewn i derfynau eich awdurdod, i ddiwallu anghenion y cleient a chydymffurfio â gofynion eich sefydliad
- Trosglwyddo manylion llawn i'r person perthnasol ar gyfer gweithredu lle bo angen rhagor o wybodaeth
- Paratoi'r holl wybodaeth angenrheidiol i gynorthwyo'r cynllunydd ariannol neu'r ymgynghorydd morgeisi ar gyfer cyfarfodydd â chleientiaid
- Paratoi gwybodaeth ar gyfer cleientiaid sy'n glir ac yn berthnasol i'w hanghenion
- Monitro llif busnes a chymryd camau priodol ynghylch eitemau sydd heb eu clirio
- Cadw dyddiaduron a gwneud apwyntiadau gyda chleientiaid yn ôl y gofyn
- Gwirio eich bod yn cyfrannu at ddyletswyddau gweinyddol cyffredinol y swyddfa, yn unol â rôl eich swydd
- Cynnal cofnodion wedi eu diweddaru, yn unol â gofynion eich sefydliad
- Cydymffurfio â gofynion cyfreithiol, rheoliadau'r diwydiant, safonau moesegol, polisïau sefydliadol a chodau ymarfer proffesiynol
Gwybodaeth a Dealltwriaeth
You need to know and understand:
- Gweithdrefnau eich sefydliad ar gyfer delio gyda busnes newydd
- Terfynau eich awdurdod a'r cynnyrch a'r gwasanaethau y mae gennych awdurdod i'w trafod
- Yr wybodaeth sy'n ofynnol i baratoi dyfynbrisiau uniongyrchol
- Sut mae sicrhau dyfynbrisiau a darluniadau uniongyrchol
- Y camau y mae angen eu cymryd pan fo angen rhagor o wybodaeth
- Y mathau o ddogfennau a gwybodaeth sy'n ofynnol gan y cynllunydd ariannol neu'r ymgynghorydd morgeisi fel rhan o gyfarfod â chleient
- Gweithdrefnau eich sefydliad ar gyfer monitro llif busnes, a'r camau y mae'n ofynnol i chi eu cymryd
- Gofynion y cynllunydd ariannol neu'r ymgynghorydd morgeisi o ran apwyntiadau, a sut mae trefnu apwyntiadau addas
- Systemau a gweithdrefnau gweinyddiaeth swyddfa eich sefydliad
- Prosesau a gweithdrefnau mewnol eich sefydliad ar gyfer cofnodi a storio gwybodaeth
- Gofynion eich sefydliad yng nghyswllt cymhwyso codau, cyfreithiau a gofynion rheoliadol, gan gynnwys safonau moesegol sy'n cael effaith ar eich gweithgareddau
- Y fframwaith rheoliadol y mae eich sefydliad yn gweithredu oddi mewn iddo
Cwmpas/ystod
Cwmpas Perfformiad
Gwybodaeth Cwmpas
Gwerthoedd
Ymddygiadau
- Rydych yn broffesiynol ac yn gwrtais wrth ddelio gyda chleientiaid yn ogystal â chydweithwyr
- Rydych yn cadw gwybodaeth gyfrinachol yn ddiogel bob amser
- Rydych yn rhoi sylw i fanylion sy'n hanfodol i'ch gwaith