Uniadu deunyddiau mewn modd mecanyddol ar rwydweithiau dŵr

Mae'r Safon hon yn ymwneud ag uniadu deunyddiau drwy ddulliau mecanyddol ar rwydweithiau dŵr. Gellir uniadu deunyddiau metelig, deunyddiau polyethylen (PE), ar gyfer trawsnewid rhwng deunyddiau metelig a pholyethylen (PE) neu lle defnyddir cypliadau llawn hylif.
Mae hyn yn cynnwys adeiladu a lleoli pibelli a ffitiadau, gan ddefnyddio technegau uniadu mecanyddol, rhoi cydrannau'n sownd a chadarnhau bod y gwaith gorffenedig yn cydymffurfio â chodau ymarfer a manylebau.
Mae'r Safon hon ar gyfer unrhyw un yn y maes adeiladu rhwydweithiau dŵr sy'n gwneud gwaith uniadu mecanyddol.

---

1. gweithio yn unol â rheoliadau a chanllawiau iechyd, diogelwch, yr amgylchedd, ansawdd dŵr a rheoliadau a chanllawiau perthnasol eraill bob amser
2. cynnal ac adolygu asesiadau risg penodol i safle yn unol â
   gweithdrefnau’r cwmni
3. dewis a gwisgo’r cyfarpar diogelu personol (PPE) sydd ei angen
4. nodi gofynion gwaith o ddatganiadau dull perthnasol a chyfarwyddiadau gwaith
5. gwirio unrhyw wybodaeth sy’n ymddangos yn anghywir gyda’r bobl briodol
6. gwneud yn siŵr bod offer uniadu a chyfarpar a deunyddiau traul cysylltiedig yn cael eu cymeradwyo i’w gosod mewn rhwydweithiau dŵr a’u bod yn addas i’r diben
7. defnyddio technegau uniadu mecanyddol sy’n briodol ar gyfer y deunyddiau sy’n cael eu huno
8. gwneud gwaith uniadu yn unol â manylebau gweithredwyr rhwydwaith a gweithdrefnau’r diwydiant
9. sicrhau cydrannau gan ddefnyddio cysylltwyr a dyfeisiau diogelu yn unol â manylebau cydrannau a chyfarwyddiadau gweithio
10. gwneud yn siŵr bod y pibellau a’r ffitiadau sydd wedi’u cydosod yn gyflawn ac yn bodloni eu gofynion gweithredu
11. delio â deunyddiau dros ben a gwastraff ac atodiadau dros dro yn ddi-oed yn unol â gweithdrefnau sefydliadol
12. cofnodi a storio data a gwybodaeth berthnasol mewn systemau gwybodaeth sefydliadol
13. datrys problemau o fewn terfynau eich cyfrifoldeb
14. rhoi gwybod i'r bobl briodol am broblemau na allwch eu datrys

---

1. deddfwriaeth iechyd, diogelwch, yr amgylchedd a deddfwriaeth berthnasol arall, gweithdrefnau sefydliadol a chodau ymarfer gan gynnwys codi a chario, defnyddio cyfarpar, deunyddiau peryglus, gweithio mewn cloddiadau, asesiadau risg, gweithio ar eich pen eich hun, damweiniau a chyfarpar diogelu personol
2. rheoliadau dŵr a gweithdrefnau hylendid sy’n ymwneud â sicrhau cyfanrwydd ac effeithiolrwydd cyflenwadau dŵr, gan gynnwys pwysigrwydd hylendid personol
3. ystod a defnydd cyfarpar diogelu personol ar gyfer eich gwaith
4. yr angen am archwiliadau hylendid ac iechyd i ddiogelu ansawdd dŵr a chynnal iechyd y cyhoedd
5. sut mae darllen a dehongli manylebau dylunio ac adeiladu, lluniadau adeiladu a manylebau perthnasol eraill
6. dulliau a thechnegau ar gyfer cydosod ac uniadu cydrannau drwy ddulliau mecanyddol yn unol â safonau’r diwydiant
7. pwrpas gweithdrefnau rheoli ansawdd a sut i’w darllen a’u
   dehongli
8. sut mae dewis technegau paratoi ar gyfer gweithgareddau uniadu mecanyddol
9. yr offer, y cyfarpar a’r cyfarpar trin sy’n ofynnol ar gyfer uniadu mecanyddol
10. pwysigrwydd gofalu am offer a chyfarpar a sut i wneud hynny
11. dulliau cydosod, technegau a dulliau rheoli gan gynnwys torri, edafu, ac uniadu mecanyddol ar ddeunyddiau metelig a defnyddio blociau gwthio
12. defnyddio ffitiadau mecanyddol ar gyfer uniadu trawsnewid rhwng metelig a pholyethylen (PE)
13. gweithdrefnau cymeradwy ar gyfer delio â phroblemau a rhoi gwybod amdanynt
14. systemau storio gwybodaeth a data

---

---

---

---

---

---

---

---

---

---

2

---

2028

---

Ar hyn o bryd

---

Gwreiddiol

---

Energy & Utility Skills

---

EUSWNC4

---

Adeiladu Rhwydwaith Dŵr

---

---

uniadu, mecanyddol, cyfleustod, cyfleustodau, adeiladu rhwydwaith, dŵr, hunan-osod, uniadu

---