Gosod gwasanaethau dŵr domestig newydd

Safon yn ymwneud â gosod gwasanaethau dŵr domestig newydd. Gall hyn fod yn berthnasol i bibellau sydd â diamedrau mewnol hyd at ac yn cynnwys 50mm.
 
 
Mae hyn yn cynnwys dehongli gofynion deunyddiau, cynhyrchu a sicrhau cydosodiadau ac unrhyw ddeunydd inswleiddio gofynnol a chysylltu â phlymwyr.  Gall dulliau a thechnegau cydosod gynnwys torri, weldio electro ymasiad, drilio a tharo neu uniadu mecanyddol ar ddeunyddiau metelig neu bolyethylen (PE) neu bibellau rhwystr.
Mae'r Safon hon ar gyfer gweithwyr rhwydweithiau dŵr sy'n cydosod pibelli a ffitiadau ar gyfer gwasanaethau domestig newydd.

---

1. gweithio yn unol â rheoliadau a chanllawiau iechyd, diogelwch, yr amgylchedd, ansawdd dŵr a rheoliadau a chanllawiau perthnasol eraill bob amser
2. cadarnhau bod yr archwiliad gofynnol o'r gwasanaeth wedi'i gynnal cyn dechrau gweithio
3. asesu amodau'r safle a dehongli dogfennau dylunio i nodi gofynion deunyddiau
4. gwneud yn siŵr bod deunyddiau cymeradwy ar gael, gan eu caffael pan fo angen
5. cynnal asesiadau risg ar adegau priodol
6. cyfleu gwybodaeth berthnasol i blymwyr a phobl berthnasol eraill
7. cydosod pibellau a ffitiadau yn unol â rheoliadau a chanllawiau iechyd, diogelwch ac amgylcheddol
8. cydosod pibellau a ffitiadau yn unol â manylebau dylunio ac adeiladu, cyfarwyddiadau gwaith, lluniadau cydosod ac unrhyw fanylebau perthnasol eraill
9. sicrhau bod y pibelli a'r ffitiadau a ragnodwyd ar gael ac mewn cyflwr i'w defnyddio
10. gwneud yn siŵr bod unrhyw brif bibelli a phibellau gwasanaeth sydd wedi’u gosod ymlaen llaw yn cael eu gosod i’r dyfnder cywir a defnyddio’r tâp marcio priodol
11. sicrhau bod pibellau mynediad i’r tŷ wedi’u hinswleiddio’n briodol, bod falfiau stopio mewnol wedi’u gosod a bod pibellau allanol wedi’u capio
12. gwirio bod pibell rwystr polyethylen (PE) neu ddewisiadau amgen addas yn cael eu defnyddio lle mae’r tir wedi’i halogi
13. defnyddio’r math cywir o bibell, ffitiadau a chydrannau ar gyfer cyflwr y tir
14. defnyddio dulliau a thechnegau priodol i gydosod pibelli a ffitiadau yn eu safleoedd dynodedig
15. sicrhau pibellau a ffitiadau gan ddefnyddio cysylltwyr penodedig, dyfeisiau diogelu ac unrhyw ddeunydd inswleiddio gofynnol
16. gwasanaeth fflysio i gael gwared ar unrhyw falurion neu ddŵr clorin
17. sicrhau bod y cydosodiad gorffenedig yn cyrraedd y manylebion
18. dilyn prosesau'r cwmni dŵr ar gyfer hylendid a phrofi wrth osod gwasanaethau domestig
19. delio â phroblemau sydd o fewn eich rheolaeth yn ddi-oed
20. rhoi gwybod i'r bobl berthnasol am broblemau nad ydych chi'n gallu eu datrys
21. rhoi gwybod i’r bobl berthnasol am gwblhau’r gwaith gosod

---

1. deddfwriaeth iechyd, diogelwch, yr amgylchedd a deddfwriaethau perthnasol eraill, gweithdrefnau sefydliadol a chodau ymarfer gan gynnwys codi a chario a defnyddio offer
2. rheoliadau dŵr a gweithdrefnau hylendid sy’n ymwneud â sicrhau cyfanrwydd ac effeithiolrwydd cyflenwadau dŵr, gan gynnwys pwysigrwydd hylendid personol
3. gwybodaeth berthnasol am y safonau ansawdd a chywirdeb a fynnir o safonau'r diwydiant, cyfarwyddiadau a manylebau gweithgynhyrchwyr, gweithdrefnau'r cwmni, codau ymarfer gwneuthurwyr
4. sut mae dehongli lluniadau, manylebau dylunio ac adeiladu cwmnïau dŵr a manylebau cysylltiedig
5. diben arolygiadau gwasanaeth a sut i wirio eu bod wedi digwydd
6. sut mae cynnal asesiad safle
7. diben asesiadau risg a phryd a sut i'w cynnal
8. deunyddiau gofynnol a sut mae gwneud yn siŵr eu bod yn cydymffurfio â rheoliadau dŵr
9. sut i nodi cyflenwyr deunyddiau cymeradwy
10. Deunyddiau ar gyfer gofynion penodol y safle
11. sut mae dehongli gofynion ar gyfer pwyntiau draenio, falfiau stopio a gwirio falfiau
12. dyfnderoedd lleiaf ac uchaf ar gyfer prif bibelli a phibellau gwasanaeth ac eithriadau i’r rhain
13. gofynion tâp marcio ar gyfer prif bibellau a phibellau gwasanaeth
14. mathau a chymhlethdod y cydosod sydd i’w gynhyrchu gan gynnwys sgriwio a chywasgu
15. y mathau o bibellau rhwystr
16. nodweddion pibell rwystr polyethylen (PE) a dewisiadau amgen addas
17. dulliau a thechnegau cydosod i’w defnyddio
18. yr amodau daear sy’n angenrheidiol ar gyfer defnyddio pibell rwystr
19. yr angen am weithdrefnau rheoli ansawdd gan gynnwys sut i sicrhau nad oes gweddillion mewn pibellau na’u bod wedi’u halogi
20. mathau perthnasol o offer a gweithdrefnau trin offer
21. technegau paratoi ar gyfer uniadu pibellau anhyblyg syml
22. yr offer sydd ei angen ar gyfer cydosod a phwysigrwydd gofalu amdanynt
23. gofynion y cwmni dŵr o ran gweithdrefnau hylendid a phrofi
24. y gwahanol fathau o ddulliau inswleiddio a phryd y gallent fod yn briodol
25. terfynau eich cyfrifoldeb a'r gweithdrefnau cymeradwy ar gyfer datrys problemau sydd o fewn eich rheolaeth
26. gweithdrefnau adrodd y sefydliad a phryd a phwy i roi gwybod iddynt

---

---

---

---

---

---

---

---

---

---

2

---

01 Mai 2028

---

Ar hyn o bryd

---

Gwreiddiol

---

Energy & Utility Skills

---

EUSWNC10

---

Adeiladu Rhwydwaith Dŵr

---

---

dŵr, rhwydwaith, adeiladu, hunan-osod, cyfleustodau, gosod, domestig, gwasanaeth dŵr

---