Addysgu, arwain a gorfodi i sicrhau bod ffitiadau dŵr yn cydymffurfio â deddfwriaeth

Mae'r Safon hon yn ymwneud ag addysgu, cyfarwyddo cwsmeriaid i gydymffurfio â'r ddeddfwriaeth, a chychwyn gweithdrefnau gorfodi ar gyfer diffyg cydymffurfio.

Mae hyn yn golygu esbonio goblygiadau methiant i gydymffurfio, sefydlu cynllun ar gyfer cydymffurfio gyda chamau dilynol, drafftio a chyflwyno hysbysiadau tramgwyddo, ymateb i gwestiynau a cheisiadau cwsmeriaid a chofnodi manylion perthnasol, gan gynnwys tystiolaeth o dramgwyddo.

Mae’r Safon hon ar gyfer arolygwyr cydymffurfio â ffitiadau dŵr.

---

1. esbonio pwrpas y ddeddfwriaeth a'i lle o ran diogelu iechyd y cyhoedd a gwneud yn siŵr bod cwsmeriaid yn ei deall
2. gwneud datganiadau clir a chywir i gwsmeriaid am oblygiadau methu â chydymffurfio â'r ddeddfwriaeth
3. darparu gwybodaeth gywir am hyd a lled y ddeddfwriaeth a'r camau gweithredu y gellir eu cymryd i sicrhau cydymffurfiad
4. esbonio bod penderfyniadau gorfodi yn seiliedig ar wybodaeth ddigonol, berthnasol a chywir, a geir o fewn polisïau a gweithdrefnau sefydliadol
5. cytuno ar gynllun cydymffurfio a gweithgareddau dilynol gyda chwsmeriaid, gan wneud yn siŵr eu bod yn deall beth sydd angen ei wneud i sicrhau cydymffurfiad
6. cofnodi gwybodaeth gywir am fanylion a chanlyniad y trafodaethau a'r cytundeb a gafwyd gyda chwsmeriaid
7. mynd ar drywydd cynlluniau cydymffurfio ar yr adeg a bennwyd a chymryd camau perthnasol yn dilyn canlyniad ailarolygiadau
8. asesu'r risgiau y gellir eu hachosi gan dramgwyddau a chofnodi'r dystiolaeth yn unol â gweithdrefnau ac arferion cymeradwy
9. cymryd camau perthnasol ar unwaith yn unol â gweithdrefnau sefydliadol pan fydd torri deddfwriaeth yn peri risg ddifrifol i gyflenwad dŵr ac iechyd y cyhoedd
10. cyhoeddi hysbysiadau tramgwyddo yn ddi-oed ac yn unol ag arferion a gweithdrefnau cymeradwy
11. esbonio dilysrwydd penderfyniadau i gwsmeriaid gan ddefnyddio tystiolaeth briodol sy'n gwahaniaethu'n glir rhwng ffaith a barn
12. rhoi adroddiad ar fanylion y gweithgareddau gorfodi i'r bobl berthnasol mewn fformat priodol
13. awgrymu newidiadau i systemau a gweithdrefnau sefydliadol a fydd yn eu gwella
14. tynnu sylw'r bobl berthnasol at y tueddiadau sy'n dod i’r amlwg mewn materion cysylltiedig â pheidio â chydymffurfio
    
    

---

1. deddfwriaeth berthnasol sy’n briodol i Gymru, Lloegr, Gogledd Iwerddon a’r Alban sy’n ymwneud â dylunio, gosod a chynnal a chadw systemau plymio, ffitiadau dŵr a chyfarpar sy’n defnyddio dŵr
2. manylebau rheoleiddiwr, safonau Prydeinig priodol a dulliau gosod cymeradwy gan gynnwys dyfeisiau Math BA (falfiau parth gwasgedd is) a’r hyn y mae’n rhaid i’r cwsmer roi gwybod amdano cyn ei osod
3. gweithdrefnau a phrosesau rheoleiddiol, sefydliadol, gweithredol a brys sy'n ymwneud ag iechyd, diogelwch a'r amgylchedd
4. beth sy'n cael ei ystyried yn groes i ddeddfwriaeth yng nghyswllt systemau plymio gwahanol
5. pwysigrwydd gwneud yn siŵr bod cwsmeriaid yn deall pwrpas deddfwriaeth a'u cyfrifoldeb
6. goblygiadau diffyg cydymffurfio ar iechyd y cyhoedd gan gynnwys peryglon iechyd bach, sylweddol a difrifol, ymarferoldeb ariannol, logisteg
7. sut i gyfathrebu â chwsmeriaid, contractwyr, plymwyr, unigolion, grwpiau a rhanddeiliaid mewnol.
8. pwysigrwydd cadarnhau, cyn belled ag y bo'n ymarferol, ddealltwriaeth y cwsmer o oblygiadau peidio â chydymffurfio
9. sut i gyflawni gweithgarwch gorfodi mewn ffordd sy'n gwella ewyllys da, cydweithrediad a dealltwriaeth o bolisïau a gweithdrefnau sefydliadol
10. y gwahanol fathau o risgiau a achosir gan wahanol dramgwyddau a'r camau gweithredu a'r uwchgyfeirio y gellir eu rhoi ar waith a phryd y maent yn briodol
11. yr hyn y mae angen ei gynnwys yn y cynllun cydymffurfio, gan gynnwys cywiriadau er mwyn sicrhau cydymffurfiad yn y tymor byr ac yn barhaol
12. sut mae penderfynu ar amserlenni derbyniol ar gyfer gweithgareddau dilynol
13. ffynonellau gwybodaeth ar gyfer y mathau o weithgareddau dilynol efallai y bydd angen i chi eu cynnal, gan gynnwys ymchwiliadau pellach, ailarolygiad, darparu dogfennau neu wybodaeth, cael dogfennau neu wybodaeth
14. y gofynion o ran cofnodi a'r posibilrwydd y bydd y cofnodion hynny’n cael eu defnyddio fel tystiolaeth os ceir achos cyfreithiol
15. technegau cyfathrebu a thrafod
16. camau i'w cymryd yn sgil ailarolygiadau
17. camau gweithredu a phrosesau sefydliadol pan fydd cwsmeriaid yn methu â chydymffurfio â'r Ddeddf
18. sut mae dod o hyd i ffynonellau gwybodaeth, pa fathau ydynt a sut i gael gafael arnynt
19. gwahanol fathau o risgiau sy'n cael eu creu gan amrywiol fathau o dorri rheoliadau a'r sancsiynau a’r cosbau y gellir eu rhoi
20. yr hyn sy'n gysylltiedig â rhoi gweithdrefnau gorfodi ar waith neu gadarnhau cydymffurfiad a pha bryd y mae'n briodol gwneud hynny
21. gweithdrefnau’r sefydliad a gweithdrefnau uwchgyfeirio ar gyfer delio â risg ddifrifol i’r cyflenwad dŵr ac iechyd y cyhoedd
22. gwahanol fathau o rybudd, pryd y byddant yn berthnasol, prosesau i’w dilyn er mwyn iddynt gael eu cyhoeddi’n briodol a’u goblygiadau ar gyfer prosesau erlyn
23. pam ei bod yn bwysig cofnodi tystiolaeth a dulliau o wneud hynny, a sut y defnyddir y dystiolaeth honno mewn achos cyfreithiol
24. gofynion sefydliadol ar gyfer cwblhau hysbysiad gorfodi tramgwydd a phwy sydd angen gwybodaeth am hysbysiad gorfodi
25. gweithdrefnau gorfodi
26. gweithdrefnau a dogfennau cwynion sefydliadol a rheoleiddiol
    
    
    
    

---

---

---

---

---

---

---

---

---

---

2

---

2027

---

Ar hyn o bryd

---

Gwreiddiol

---

Energy & Utility Skills

---

EUSWFRBE3

---

Y Gyfraith a gwasanaethau cyfreithiol, Arolygydd Dŵr, Crefftau Peirianneg ac Adeiladu

---

---

dŵr; ffitiadau; rheoliadau; ffitiadau; is-ddeddfau; archwilio: deddfwriaeth; cydymffurfio; tramgwyddo; halogi; gorfodi; arwain; addysgu; gorfodi

---