Cymryd samplau a mesuriadau at ddibenion sicrhau ansawdd

Mae'r safon hon yn ymwneud â chymryd samplau a mesuriadau at ddibenion sicrhau ansawdd. Mae'n bosib y bydd yn golygu teithio i wahanol leoliadau samplu a mesur.

Mae'n cynnwys paratoi offer samplu, adweithyddion a chynhwysyddion cyn eu defnyddio, cymryd samplau a mesuriadau cynrychiadol a'u labelu'n gywir, cael gwared ar unrhyw wastraff yn ddiogel, cludo'r samplau a'r offer a chyflwyno'r samplau fel sydd angen.

Mae'r safon yn addas ar gyfer gweithwyr mewn safleoedd prosesu triniaeth dŵr, dŵr gwastraff a slwtsh ac ar gyfer profwyr dosbarthu dŵr.

---

1. cofnodi manylion gwaith samplu a mesur arfaethedig yn unol â gweithdrefnau'r sefydliad
2. gwneud yn siŵr bod cyflwr yr offer a sut mae'n cael ei storio yn cydymffurfio â manylebau'r gwneuthurwr a gweithdrefnau'r sefydliad
3. gwneud yn siŵr bod labeli a chynwysyddion sampl yn addas ar gyfer y gwaith a gynlluniwyd
4. defnyddio cyfarpar diogelu personol (PPE) a nodir ar gyfer y gwaith, gan wirio ei gyflwr cyn ei ddefnyddio
5. gwneud yn siŵr bod darpariaeth i waredu deunyddiau gwastraff yn unol â gofynion diogelwch
6. datrys unrhyw anawsterau sy'n gysylltiedig â theithio i wahanol leoliadau samplu a mesur
7. defnyddio'r cyfarpar a'r cynwysyddion i gymryd a chludo samplau fel y nodir yng ngweithdrefnau'r sefydliad
8. trin deunyddiau, cyfarpar a samplau yn unol â gweithdrefnau sefydliadol
9. glanhau offer ar ôl ei ddefnyddio a chyn ei ddychwelyd i'w storio fel y nodir yng ngweithdrefnau'r sefydliad
10. storio cyfarpar a deunyddiau i'w hailddefnyddio yn y lle(oedd) dynodedig fel y nodir yng ngweithdrefnau'r sefydliad
11. mynd i mewn ac allan o'r lleoliadau samplu a mesur yn unol â gweithdrefnau sefydliadol
12. paratoi cynwysyddion, adweithyddion ac unrhyw offer cludadwy neu offer arall, gan sicrhau fod yr adweithyddion dal yn iawn o ran dyddiad
13. cymryd samplau a mesuriadau yn y safle a'r amser a nodir yng ngweithdrefnau'r sefydliad
14. cymryd samplau a mesuriadau gan ddefnyddio'r dulliau a nodir yng ngweithdrefnau'r sefydliad
15. delio ag unrhyw samplau neu ganlyniadau nad ydynt yn unol â'r disgwyl yn unol â gweithdrefnau sefydliadol
16. labelu samplau yn unol â gweithdrefnau sefydliadol
17. cymryd samplau a mesuriadau yn unol â gofynion hylendid a diogelwch
18. cael gwared ar unrhyw wastraff yn y man dynodedig ac yn unol â gweithdrefnau'r sefydliad
19. trosglwyddo'r samplu i'r person neu'r man dynodedig
20. mynd i mewn, gadael a symud o amgylch y mannau samplo yn unol â gweithdrefnau’r sefydliad
21. cadw cofnodion o weithgareddau llwyddiannus ac wedi'u terfynu yn unol â gweithdrefnau'r sefydliad ac yn y fformat at ddibenion archwilio a sicrhau ansawdd
22. rhoi gwybod i'r person dynodedig am unrhyw offer samplu a mesur diffygiol neu anniogel yn unol â gweithdrefnau'r sefydliad
23. dilyn gweithdrefnau diogelwch yn unol â pholisïau a phrotocolau sefydliadol
24. cofnodi ac adrodd ar ganlyniadau mesuriadau sydd y tu allan i'r ystod ddisgwyliedig i'r bobl ddynodedig yn unol â gweithdrefnau sefydliadol

---

1. deddfwriaeth, safonau, codau ymarfer a rheoliadau’r diwydiant dŵr ar gyfer iechyd, diogelwch a hylendid yng nghyswllt eich swydd
2. deddfwriaeth, safonau, codau ymarfer a rheoliadau’r diwydiant dŵr ar gyfer ansawdd a diogelu’r amgylchedd a mesurau i leihau allyriadau a sylweddau niweidiol yng nghyswllt eich swydd
3. gweithdrefnau sicrhau ansawdd y sefydliad, a'r ffactorau sy'n gallu effeithio ar ansawdd gwaith samplu a mesur
4. proses y sefydliad ar gyfer arferion gweithio diogel wrth ddelio â chyfarpar, offer a'r amgylchedd, gan gynnwys gweithio ar eich pen eich hun a chyfarpar diogelu personol (PPE)
5. pwerau mynediad cyfreithiol a gweithdrefnau'r sefydliad ar gyfer cael mynediad i leoliadau samplu a mesur
6. pwysigrwydd defnyddio dulliau cludo a storio cyfarpar, deunyddiau a samplau yn ddiogel i atal halogi samplau a goblygiadau halogiad
7. mathau a'r defnydd o offer samplu a mesur a deunyddiau eraill, a goblygiadau defnyddio offer amhenodol neu ddiffygiol neu fethu rhoi gwybod am ddiffygion
8. pwysigrwydd cynnal a chadw offer samplu a mesur a'u calibro pan fo angen
9. pwysigrwydd cael gwared ar wastraff ac adweithyddion a pheryglon cael gwared â nhw'n anghywir
10. pwysigrwydd adnabod annormaleddau mewn canlyniadau mesuriadau a'u heffaith ar y cwsmer
11. dulliau i ddelio â samplau neu ganlyniadau nad ydynt yn unol â’r disgwyl, gan gynnwys cadarnhau darlleniadau, ailbrofi ac ymchwilio i bwyntiau samplu
12. gweithdrefnau adrodd y sefydliad a goblygiadau peidio rhoi gwybod am ganlyniadau samplu a mesur sydd y tu hwnt i'r amrywiad disgwyliedig
13. gweithdrefnau gwasanaeth cwsmeriaid y sefydliad
14. y camau sy'n gysylltiedig â chofnodi canlyniadau samplu a mesur
15. y camau sy'n gysylltiedig â threfnu gwaith yn effeithlon a chynllunio eich gweithgareddau gwaith dyddiol eich hun
16. y camau sy'n gysylltiedig â chasglu, gweinyddu a ffeilio cofnodion ac adroddiadau
17. pwysigrwydd defnyddio data ar gyfer sicrhau ansawdd, monitro, ac archwilio
18. rôl a diben llwybrau archwilio data a phwysigrwydd eu defnyddio a'u cynnal
19. y camau sy'n gysylltiedig ag adnabod gwybodaeth anghywir
20. pwysigrwydd storio gwybodaeth a dogfennau yn y man cywir
21. y ffordd mae gwybodaeth samplau yn cael ei defnyddio gan bobl eraill
22. sut mae'r wybodaeth sy'n ymwneud â gweithgareddau samplu a mesur yn cael ei darparu i bobl eraill a'i ddefnyddio ganddynt
23. pwysigrwydd darparu gwybodaeth gywir a darllenadwy ac mewn fformat dynodedig o fewn yr amser a nodwyd
24. pwysigrwydd sicrhau bod y sampl yn cael ei chymryd ar amser ac mewn amgylchiadau sy'n sicrhau bod y sampl yn gynrychiadol
25. protocolau a pholisïau ar gyfer cyfrinachedd, seiberddiogelwch a diogelwch safle a pham eu bod yn bwysig
    
    

---

---

---

---

---

---

---

---

---

---

3

---

2027

---

Ar hyn o bryd

---

Gwreiddiol

---

Energy & Utility Skills

---

EUSTPC07

---

Technegwyr Gwyddoniaeth a Pheirianneg, Peirianneg, Gweithredwr Prosesu Dŵr

---

8134

---

samplu, samplau, sicrhau ansawdd, dyletswydd gofal, perygl, risgiau, dŵr, dŵr gwastraff, slwtsh, trin, prosesu

---