Cynllunio a goruchwylio’r gwaith o atgyweirio a chynnal a chadw offer a pheiriannau prosesu triniaeth

Mae'r safon hon yn ymwneud â phenderfynu pa waith atgyweirio a chynnal a chadw sydd ei angen ar beiriannau ac offer prosesu triniaeth, trefnu iddo gael ei wneud, a goruchwylio ei gwblhau.
 
Mae’n cynnwys asesu’r gwaith atgyweirio a chynnal a chadw sydd ei angen, datblygu amserlen cynnal a chadw, pennu’r tîm gwaith i wneud y gwaith cynnal a chadw, a sicrhau ei fod yn cael ei gwblhau yn unol â’r amserlen ac o fewn gofynion diogelwch a datrys problemau.
 
Mae'r safon yn addas ar gyfer goruchwylwyr safleoedd prosesu dŵr, dŵr gwastraff a thriniaethau slwtsh.

---

1. dadansoddi cofnodion allbwn peiriannau trin a chofnodion cynnal a chadw i benderfynu pa beiriannau a chyfarpar sydd angen eu trwsio neu eu cynnal a'u cadw
2. asesu blaenoriaethau gweithredu peiriannau yn erbyn maint a lefel y traul a’r difrod i beiriannau ac offer a dichonoldeb a chost-effeithiolrwydd atgyweiriadau
3. asesu blaenoriaethau allbwn peiriannau trin a'r problemau a'r peryglon sy'n codi o offer y tu allan i'r gwasanaeth a defnyddio hyn i lywio'r gwaith o amserlennu gwaith atgyweirio a chynnal a chadw
4. llunio amserlen cynnal a chadw yn unol â gofynion sefydliadol
5. asesu p'un ai oes modd i weithwyr trin gynnal a chadw'r peiriannau ac offer neu a oes angen contractwr trydydd parti
6. cyfeirio argymhellion ar gyfer contractwyr trydydd parti at yr unigolyn dynodedig, lle mae'r awdurdod i wneud penderfyniadau i gomisiynu gwaith y tu hwnt i'ch cyfrifoldeb chi
7. cadarnhau'r tîm gwaith a fydd yn gwneud y gwaith cynnal a chadw offer a chyfarpar yn unol â gweithdrefnau sefydliadol
8. trefnu bod gwaith cynnal a chadw peiriannau a chyfarpar yn cael ei wneud yn unol â'r amserlen ofynnol a defnyddio dulliau gweithio diogel
9. trefnu i wneud gwaith cynnal a chadw gweithredol ar beiriannau a chyfarpar sy'n golygu bod angen ynysu ar adeg sy'n briodol i'r peiriant a ddefnyddir
10. rhoi gwybod i bobl y bydd y gwaith yn effeithio arnynt pryd y mae disgwyl i beiriannau ac offer gael eu diffodd a phryd y mae disgwyl i beiriannau ac offer gael eu hail-gychwyn a'u hail-gomisiynu
11. monitro cynnydd y gwaith cynnal a chadw o'i gymharu â'r amserlen cynnal a chadw
12. sicrhau bod peiriannau a chyfarpar yn cael eu hadfer i berfformiad gweithredol penodol yn unol â gofynion sefydliadol
13. datrys problemau sy'n ymwneud â gwaith atgyweirio a chynnal a chadw yn unol â gweithdrefnau'r sefydliad ac o fewn terfynau eich cyfrifoldeb
14. rhoi trefniadau dros dro ar waith i ddiogelu gweithrediad peiriannau a chyfarpar nes bod problemau’n cael eu datrys
15. rhoi gwybod am broblemau a gofyn am gymorth gan y bobl ddynodedig ynglŷn ag anawsterau sydd y tu hwnt i'ch maes cyfrifoldeb
16. sicrhau bod cofnodion atgyweirio a chynnal a chadw yn cael eu cofnodi a'u storio yn unol â gweithdrefnau sefydliadol
17. rhoi mynediad i bobl ddynodedig at gofnodion cynnal a chadw pan fo angen
18. dilyn gweithdrefnau diogelwch yn unol â pholisïau a phrotocolau sefydliadol
    
    

---

1. deddfwriaeth, safonau, codau ymarfer a rheoliadau’r diwydiant dŵr ar gyfer iechyd, diogelwch a hylendid yng nghyswllt eich swydd
2. deddfwriaeth, safonau, codau ymarfer a rheoliadau’r diwydiant dŵr ar gyfer ansawdd a diogelu’r amgylchedd a mesurau i leihau allyriadau a sylweddau niweidiol yng nghyswllt eich swydd
3. prosesau'r sefydliad o ran arferion gweithio diogel wrth ddelio ag offer a'r amgylchedd
4. rôl a phwrpas trywyddion archwilio data o ran sicrhau ansawdd, iechyd a diogelwch a gofynion rheoliadol
5. dulliau a gweithdrefnau cynnal a chadw a gweithredu a goblygiadau gwneud gwaith cynnal a chadw yn anghywir a thu hwnt i derfynau cyfrifoldeb ac awdurdod, amserlenni cynnal a chadw a manylebau cysylltiedig
6. gweithdrefnau'r sefydliad a'r ffactorau i'w hystyried wrth ynysu, dargyfeirio'r llif, osgoi unedau'r broses drin, defnyddio peiriannau dros dro a diffodd peiriannau ac offer
7. problemau arferol ac anarferol a allai godi yn ystod gwaith cynnal a chadw a sut gellir datrys y rhain gan gynnwys offer neu gyfarpar monitro diffygiol, gor-rediad yn erbyn amserlenni y cytunwyd arnynt, gweithgareddau cynnal a chadw na ellir eu cyflawni’n llawn neu ddiffygion ychwanegol wedi’u nodi
8. yr angen am wybodaeth sy'n cael ei rhoi i bobl eraill ynglŷn â gweithgareddau cynnal a chadw
9. cofnodion cynnal a chadw, dogfennau a gweithdrefnau awdurdodi'r sefydliad ynghyd â therfynau cyfrifoldeb ac awdurdod
10. gweithdrefnau dechrau ac ail-gomisiynu'r sefydliad
11. llinellau a gweithdrefnau adrodd y sefydliad
12. y ffactorau i'w hystyried wrth ddiffodd ac ynysu peiriannau ac offer ynghyd â'r gweithdrefnau i'w defnyddio
13. eich cyfrifoldebau chi o ran datrys problemau arferol ac anghyffredin
14. goblygiadau a chanlyniadau cynnal gweithgareddau cynnal a chadw
15. protocolau a pholisïau ar gyfer cyfrinachedd, seiberddiogelwch a diogelwch safle, a pham eu bod yn bwysig
16. pwysigrwydd storio gwybodaeth yn unol â gofynion y sefydliad
17. y ffordd y defnyddir gwybodaeth cynnal a chadw a goblygiadau ei defnyddio
18. gwybodaeth a ddarperir i bobl eraill yng nghyswllt gweithgareddau cynnal a chadw
19. pa waith sydd ei angen i ddod â’r peiriant yn ôl i’r cyflwr penodedig
20. sut i drosi manyleb y cyflogwr ar gyfer perfformiad peiriannau yn amcanion gweithredol a chynnal a chadw
21. sut i benderfynu a oes modd gwneud gwaith atgyweirio fel gwaith cynnal a chadw llinell gyntaf neu a oes angen contractwr trydydd parti

---

---

---

---

---

---

---

---

---

---

3

---

2027

---

Ar hyn o bryd

---

Gwreiddiol

---

Energy & Utility Skills

---

EUSTPC04

---

Technegwyr Gwyddoniaeth a Pheirianneg, Peirianneg, Goruchwylwyr Prosesu Dŵr

---

8134

---

cynllunio, goruchwylio, prosesu, peiriannau, cyfarpar, cynnal a chadw, atgyweirio, dŵr, dŵr gwastraff, slwtsh, problemau, cyfathrebu, gweithrediadau

---