Yn ol

Gwneud gwaith cynnal a chadw peiriannau a chyfarpar prosesu triniaeth

URN: EUSTPC03

Sectorau Busnes (Suites): Rheoli a Phrosesu Triniaeth yn y Diwydiant Dŵr

Datblygwyd gan: Energy & Utility Skills

Cymeradwy ar: 01 Rhag 2018

Lawrlwythwch fel PDF

Trosolwg

Mae'r safon hon yn ymwneud â gwneud gwaith cynnal a chadw ar beiriannau ac offer prosesu triniaeth er mwyn sicrhau bod y broses drin yn gweithio'n effeithlon.

Mae'n cynnwys diffodd ac ynysu offer, defnyddio peiriannau ac offer heb systemau cyfrifiadurol, gwneud gwaith cynnal a chadw, monitro diogelwch, rhoi gwybod am ddiffygion a chael gwared ar wastraff.

Mae'r safon hon yn addas ar gyfer gweithwyr sy'n gwneud gwaith cynnal a chadw llinell gyntaf ynghyd â chontractwyr trydydd parti sy'n gwneud gwaith cynnal a chadw ar beiriannau ac offer yn y broses trin dŵr, dŵr gwastraff, neu slwtsh

Meini prawf perfformiad

Mae'n rhaid eich bod chi'n gallu:

1. trefnu i'r holl ddeunyddiau, offer a darnau fod ar gael fel yr argymhellwyd gan y gwneuthurwyr ac yn unol â gofynion sefydliadol

2. diffodd neu ynysu, neu ofyn i bobl ddynodedig ddiffodd neu ynysu, offer trydanol a mecanyddol y mae rhywun yn gweithio arnynt

3. rhoi prosesau trin ar waith heb systemau cyfrifiadurol, neu pan fo gwall cyfrifiadurol, i'r safon ofynnol

4. gwneud gwaith cynnal a chadw o fewn yr amserlen y cytunwyd arni ac yn y drefn a nodir gan ddefnyddio gweithdrefnau sy'n benodol i'r safle

5. dilyn manylebau a gweithdrefnau diogelwch y gwneuthurwyr a'r sefydliad o ran defnyddio offer

6. cadarnhau bod y gweithdrefnau a'r offer monitro diogelwch ar waith trwy gydol y gwaith cynnal a chadw

7. sicrhau bod gwaith yn cael ei wneud gan ddefnyddio offer a gweithdrefnau sy'n benodol i'r safle

8. adfer peiriannau ac offer i'r perfformiad gweithredol penodedig pan mae'r gwaith cynnal a chadw wedi dod i ben, yn unol â gweithdrefnau diogelwch a gofynion sefydliadol

9. sicrhau eich bod yn cael gwared ar ddeunyddiau gwastraff a chydrannau diangen yn unol ag arferion gweithio diogel a gweithdrefnau cymeradwy

10. rhoi gwybod i'r bobl ddynodedig yn ddi-oed am ddiffygion yn amgylchedd y safle

11. rhoi gwybod am ddiffygion a gofynion cynnal a chadw sydd y tu hwnt i gyfrifoldeb eich swydd ac sy'n gofyn am waith cynnal a chadw neu bobl grefftus dynodedig

12. rhoi gwybod am achosion ble nad oes modd gwneud gwaith cynnal a chadw neu ble mae diffygion wedi cael eu canfod

13. darparu adroddiadau cynnal a chadw i'r bobl ddynodedig pan fo angen gwneud penderfyniadau sydd y tu hwnt i'ch awdurdod

14. defnyddio gwiriadau perfformiad, arsylwi a monitro sŵn, gwres, dirgryniadau a monitro o bell i chwilio am ddiffygion neu waith cynnal a chadw arall all fod ei angen

15. rhoi gwybod i bobl y bydd y gwaith yn effeithio arnynt pryd y mae disgwyl i beiriannau ac offer gael eu diffodd a phryd y mae disgwyl i beiriannau ac offer gael eu hail-gychwyn a'u hail-gomisiynu

16. cyhoeddi ac arddangos rhybuddion diogelwch cyn gwneud unrhyw newidiadau gweithredu o ran peiriannau ac offer

17. cofnodi gwaith cynnal a chadw yn y man dynodedig

18. storio cofnodion cynnal a chadw mewn fformat y mae modd ei archwilio

19. darparu mynediad at gofnodion cynnal a chadw pan wneir cais amdanynt

Gwybodaeth a Dealltwriaeth

You need to know and understand: