Yn ol

Monitro a chadw peiriannau ac offer prosesu triniaeth yn gweithio ar eu gorau

URN: EUSTPC01
Sectorau Busnes (Suites): Rheoli a Phrosesu Triniaeth yn y Diwydiant Dŵr
Datblygwyd gan: Energy & Utility Skills
Cymeradwy ar: 01 Rhag 2018

Trosolwg

​Mae'r safon hon yn ymwneud â gosod amcanion a pharamedrau gweithredu o ran peiriannau ac offer prosesu triniaeth a'u monitro er mwyn sicrhau eu bod yn parhau i weithio ar eu lefel mwyaf effeithlon trwy gydol y cyfnod prosesu.

 
Mae'n cynnwys cymryd darlleniadau, dadansoddi cofnodion peiriannau, gosod paramedrau gweithredu, paratoi amserlenni cynnal a chadw, asesu blaenoriaethau a pheryglon, ymchwilio i anghysondebau o ran perfformiad a dilyn cynnydd gwaith cynnal a chadw ar offer.
 
Mae'r safon hon yn addas ar gyfer gweithwyr sy'n gweithio mewn safleoedd prosesu triniaethau dŵr, dŵr gwastraff neu slwtsh. 

Meini prawf perfformiad

Mae'n rhaid eich bod chi'n gallu:

  1. gosod y paramedrau gweithredu ar gyfer effeithlonrwydd peiriannau, perfformiad ariannol ac achosion o fethiant
    2. cymryd darlleniadau offer ac addasu offer y safle trin, pan fo angen, i fodloni gofynion allbwn y safle trin
    3. dadansoddi cofnodion allbwn a chofnodion cynnal a chadw'r safle trin er mwyn penderfynu pa offer y mae angen gwneud gwaith cynnal a chadw arnynt
    4. asesu blaenoriaethau allbwn safle trin a'r problemau a'r peryglon sy'n deillio o offer sydd ddim ar waith a defnyddio'r wybodaeth i gynorthwyo gydag amserlennu'r gwaith cynnal a chadw.
    5. creu amserlen cynnal a chadw yn unol â gofynion y sefydliad 
    6. monitro cynnydd y gwaith cynnal a chadw o'i gymharu â'r amserlen cynnal a chadw
    7. ymchwilio i'r rhesymau dros broblemau sy'n codi ynglŷn â chadw at yr amserlen ar gyfer cwblhau'r gwaith cynnal a chadw 
    8. cywiro diffygion cynnal a chadw 
    9. rhoi'r amserlen cynnal a chadw ynghyd â'r dogfennau gofynnol a'r cyfarwyddiadau sydd eu hangen er mwyn gwneud y gwaith cynnal a chadw i'r bobl ddynodedig
    10. rhoi manylion ynglŷn ag unrhyw gynlluniau i ddiffodd offer i weithwyr ar y safle
    11. sicrhau bod anghysondebau sy'n codi o ymchwiliadau yn cael eu cofnodi o fewn yr amserlen ofynnol, yn unol â gofynion y sefydliad
    12. cynnal a storio'r cofnodion cynnal a chadw diweddaraf mewn fformat y mae modd ei archwilio 
    13. darparu mynediad at gofnodion cynnal a chadw pan wneir cais amdanynt  

Gwybodaeth a Dealltwriaeth

You need to know and understand:

​1. proses y sefydliad o ran rheoli arolygiaeth statudol

2. proses y sefydliad o ran rheoli sefyllfaoedd brys 
3. proses y sefydliad o ran arferion gweithio diogel wrth ddelio ag offer a'r amgylchedd, gan gynnwys gweithio ar eich pen eich hun
4. rôl a phwrpas trywyddion archwilio data o ran sicrhau ansawdd, iechyd a diogelwch a gofynion rheoliadol
5. sut i benderfynu ar, a chyflawni, anghenion cynnal a chadw peiriannau, offer ac amgylchedd y broses
6. sut i baratoi amserlen cynnal a chadw sy'n cynnwys gwybodaeth o ymchwiliadau i offer y safle trin, yn adlewyrchu arferion gweithio diogel, yn ystyried cyfnodau segur trefnedig o offer arall yn y safle trin ac sy'n gwneud defnydd effeithiol o'r gweithwyr sydd ar gael
7. proses y sefydliad ar gyfer cynllunio a rhyngweithio'n effeithiol gyda safleoedd eraill o fewn y cwmni o safbwynt cyfnodau segur ac effeithiau ar y safle a'r defnydd o gydrannau neu'r safle ei hun
8. proses y sefydliad ar gyfer rhyddhau peiriannau ac offer ar gyfer gwaith cynnal a chadw tra'n cynnal y broses ar lefel perfformiad rhagosodedig
9. proses y sefydliad ar gyfer asesu effeithiolrwydd y gwaith cynnal a chadw sy'n cael ei wneud
10. proses y sefydliad ar gyfer asesu effaith peiriannau ac offer sy'n torri
11. pam ei bod yn bwysig lleihau effeithiau peiriannau ac offer sydd wedi torri, neu beiriannau ac offer sydd ddim yn cael eu defnyddio, ar y broses drin
12. proses y sefydliad ar gyfer monitro'r gweithgareddau cynnal a chadw sy'n cael eu gwneud gan eu staff eu hunain a staff adrannau eraill
13. proses y sefydliad ar gyfer asesu goblygiadau peidio â chydymffurfio â rheoliadau a manyleb y cyflogwr 
14. pam ei bod yn bwysig cydymffurfio â pholisïau cyfrinachedd a phrotocolau seiberddiogelwch y sefydliad
15. proses y sefydliad o ran gweithredu prosesau trin pan fo gwall yn y system gyfrifiadurol
16. effaith newidiadau i'r system grynhoi neu ddosbarthu ar weithrediadau'r broses drin
17. pam fod cynnal diogelwch y safle yn bwysig
18. egwyddorion mecanyddol a thrydanol o ran cynnal a chadw peiriannau ac offer y broses drin
19. pryd i roi manylion cyfnodau segur wedi’u cynllunio i weithwyr y safle
20. pa gyfleusterau sydd eu hangen er mwyn gwneud gwaith y broses drin 
21. y broses drin sy'n berthnasol i'r offer rydych chi'n gweithio arno, a sut y gall y gwaith effeithio ar berfformiad neu effeithlonrwydd y broses honno

Cwmpas/ystod

Cwmpas Perfformiad

Gwybodaeth Cwmpas

Gwerthoedd

Ymddygiadau

Sgiliau

Geirfa

Dolenni I NOS Eraill

Cysylltiadau Allanol

Fersiwn rhif

Dyddiad Adolygu Dangosol

01 Rhag 2021

Dilysrwydd

Ar hyn o bryd

Statws

Gwreiddiol

Sefydliad Cychwynnol

Energy & Utility Skills

URN gwreiddiol

EUSTPO07

Galwedigaethau Perthnasol

Peirianegol, Technegwyr Gwyddoniaeth a Pheirianneg

Cod SOC

8126

Geiriau Allweddol

monitro, cynnal, triniaeth, prosesu, perfformiad, offer, peiriannau, cyfathrebu