Goruchwylio gweithrediadau adeiladu rhwydweithiau cyfleustodau ar draws mwy nag un safle

Mae'r Safon hon yn ymwneud â goruchwylio gweithrediadau adeiladu rhwydwaith cyfleustodau ar draws mwy nag un safle. Gallai fod yn berthnasol i weithrediadau adeiladu rhwydwaith ar gyfer un cyfleustod neu mewn amgylchedd sydd â mwy nag un cyfleustod.
Mae'n golygu cydlynu gweithgareddau a'r defnydd o adnoddau ar draws safleoedd, gwirio'r gwaith yn erbyn manylebau technegol, cynlluniau ac amserlenni, cyfathrebu gyda chleientiaid, gwneud newidiadau i ddulliau ac amserlenni gwaith, sicrhau nad yw'r gwaith yn difrodi'r amgylchedd yn ormodol a bod safleoedd gwaith yn cael eu hadfer i'w manylebau a’u cyflwr blaenorol.
Mae'r Safon hon ar gyfer goruchwylwyr adeiladu rhwydwaith sy'n gweithio ar draws mwy nag un safle.

---

1. cadarnhau bod y safonau a'r manylebau dan sylw ar gyfer gweithgareddau gwaith yn cyrraedd gofynion y sefydliad
2. sicrhau bod yr offer a'r deunyddiau sydd eu hangen i gwblhau'r gweithgareddau gwaith yn cyrraedd y manylebau technegol ar gyfer y pwrpas a'r swyddogaeth dan sylw
3. monitro'r cyflenwad a'r defnydd o offer, deunyddiau a phobl ar draws safleoedd fel eu bod ar gael pan mae eu hangen yn yr amserlenni gwaith
4. monitro gweithgareddau ar draws gwahanol safleoedd i wneud yn siŵr eu bod yn symud ymlaen yn unol â'r amserlen ar adegau addas
5. sicrhau bod y gwaith yn cael ei wneud a'i gwblhau yn unol â gofynion rheoliadol a chodau ymarfer iechyd a diogelwch a'r diwydiant
6. cadarnhau bod y gwaith a gwblhawyd yn bodloni’r manylebau technegol
7. defnyddio gwybodaeth o ffynonellau dibynadwy i ganfod unrhyw wahaniaethau rhwng y gwaith ar wahanol safleoedd a'r cynlluniau a'r amserlenni y cytunwyd arnynt
8. casglu gwybodaeth gan bobl briodol am gyfleoedd i wella canlyniadau drwy addasu dulliau a gweithdrefnau gweithio
9. ysgogi newidiadau i ddulliau, gweithdrefnau ac amserlenni gwaith sydd wedi cael eu hawdurdodi gan y bobl briodol
10. sicrhau bod gwaith ar safleoedd yn cael ei wneud mewn ffordd sy’n cyfyngu ar ddifrod i’r amgylchedd yn unol â gofynion amgylcheddol
11. sicrhau bod safleoedd gwaith yn cael eu hadfer yn unol â’u manylebau ac i'w cyflwr blaenorol ar ôl i'r gwaith ddod i ben yn unol â pholisïau a gweithdrefnau’r sefydliad
12. datrys problemau ynghylch diffygion, cydymffurfio â deddfwriaeth, amrywiadau i amserlenni a chyflenwi offer, deunyddiau a phobl o fewn terfynau eich cyfrifoldeb
13. cyfeirio problemau nad oes modd i chi eu datrys at y bobl briodol
14. cadw cofnodion a dogfennau yn unol â pholisïau a gweithdrefnau’r sefydliad

---

1. y rheoliadau iechyd a diogelwch yn y gwaith perthnasol
2. y rheoliadau amgylcheddol perthnasol
3. safonau perthnasol y sector a’r diwydiant a chodau ymarfer deddfwriaethol a rheoleiddiol a gydnabyddir yn genedlaethol
4. systemau a gweithdrefnau cyfathrebu, dogfennu ac adrodd sefydliadol
5. polisïau, gweithdrefnau a phrosesau gweithredol perthnasol y sefydliad
6. y cylch gwaith cyflawn o’r dechrau i’r diwedd
7. ffynonellau gwybodaeth am y gweithgareddau gwaith sy'n cael eu gwneud
8. yr effaith bosibl y gall gwaith ei chael ar y rhwydwaith cymunedol ehangach a’r gweithgareddau gwaith hynny sydd y tu allan i ffiniau amserlenni gwaith penodedig
9. y berthynas rhwng y gwaith ar y gwahanol safleoedd rydych chi’n gyfrifol amdanynt
10. manteision ac anfanteision cydlynu adnoddau cyffredin ar draws nifer o safleoedd
11. technegau rheoli adnoddau
12. technegau cynllunio wrth gefn
13. sut i adnabod ac ymateb i'r risgiau posib i iechyd a diogelwch allai ddigwydd yn yr amgylchedd gwaith
14. sut y gall newidiadau mewn arferion gwaith leihau risgiau i iechyd a diogelwch o’ch safbwynt chi eich hun ac eraill
15. pryd y gallai fod yn briodol cychwyn gwaith sydd y tu allan i fanylebau technegol penodol neu arferion gwaith cydnabyddedig
16. at ba amodau y mae angen dychwelyd safleoedd gwaith
17. llinellau adrodd a phryd i adrodd i bobl eraill a cheisio caniatâd ganddynt
18. gweithdrefnau ar gyfer cyfathrebu gyda goruchwylwyr, cwsmeriaid, cleientiaid, contractwyr, gweithwyr rhwydwaith, cydweithwyr, cyrff statudol

---

---

---

---

---

---

---

---

---

---

3

---

2027

---

Ar hyn o bryd

---

Gwreiddiol

---

Energy & Utility Skills

---

EUSWNC2

---

Adeiladu Rhwydwaith Dŵr, Adeiladu Rhwydwaith Aml-Gyfleustodau, Adeiladu Rhwydwaith Nwy

---

---

rhwydwaith, adeiladu, gweithrediadau, cyfleustod, cyfleustodau, nwy, LPG, hydrogen, dŵr, safle, nifer, adnoddau, technegol manylebau, dulliau gweithio, amserlen, adfer, bodoli’n barod cyflwr, aml-gyfleustod, monitro

---