Cynnal amgylchedd gwaith diogel wrth adeiladu rhwydwaith cyfleustodau

Mae'r Safon hon yn ymwneud â gwneud yn siŵr bod yr amgylchedd gwaith yn ddiogel i weithio ynddo. Gallai fod yn berthnasol i weithrediadau adeiladu rhwydwaith ar gyfer un cyfleustod neu mewn amgylchedd amlbwrpas. Mae hyn yn cynnwys monitro diogelwch a diogeled yn barhaus yn ystod gwaith arferol a chymryd camau i wneud unrhyw sefyllfaoedd, gweithgareddau, technegau, gweithdrefnau, defnyddio cyfarpar neu offer neu leoliadau peryglus yn ddiogel.
Mae’n cynnwys nodi peryglon neu arferion gwaith a’u cyfeirio at bobl ddynodedig, bod yn effro i amodau peryglus neu dorri mesurau diogelwch a’r angen i wisgo dillad diogelwch, ac asesu risg hyn.
Mae'r Safon hon ar gyfer unrhyw un sy'n ymwneud â chynnal amgylchedd gwaith diogel wrth adeiladu rhwydwaith cyfleustodau mewn amgylchedd un neu fwy nag un cyfleuster.

---

1. cynnal asesiad risg penodol i safle ar gyfer eich maes gwaith a'i adolygu yn unol â gweithdrefnau'r cwmni
2. defnyddio mesurau rheoli a nodwyd yn yr asesiad risg penodol i safle
3. gweithio mewn ffordd ddiogel sy'n sicrhau nad ydych yn peryglu eich hun, eraill na'r amgylchedd
4. dewis, gwirio cyflwr, defnyddio a storio’r cyfarpar diogelu personol priodol ar gyfer y dasg
5. dilyn gweithdrefnau'r cwmni ar unwaith os bydd argyfwng
6. sicrhau bod peiriannau a chyfarpar yn addas i’r diben
7. cydosod, paratoi a defnyddio peiriannau a chyfarpar mewn modd diogel
8. cynnal mynedfeydd ac allanfeydd diogel i leoliadau gwaith ac oddi yno
9. sicrhau bod offer iechyd a diogelwch mewn cyflwr da ac yn addas i'r diben
10. atal pobl heb awdurdod rhag mynd i mewn i’r safle gwaith yn unol â gweithdrefnau’r sefydliad.
11. cynnal diogelwch y safle drwy fonitro parhaus
12. defnyddio gweithdrefnau cymeradwy os bydd argyfwng
13. dilyn gweithdrefnau gweithredol a sefydliadol ar gyfer cyfleu gwybodaeth i bobl eraill
14. cadw cofnodion mewn systemau gwybodaeth sefydliadol yn unol â gofynion gweithredol a sefydliadol
15. holi pobl ddynodedig am unrhyw amgylchiadau lle mae gwybodaeth yn ymddangos yn anghywir
16. cyfnewid gwybodaeth â phobl briodol yn unol â gweithdrefnau gweithredol
17. rhoi gwybod i bobl ddynodedig am unrhyw sefyllfaoedd lle mae angen ymyrraeth ychwanegol
18. cyfeirio problemau ac amodau sydd y tu allan i'ch cyfrifoldeb at bobl ddynodedig gan ddefnyddio gweithdrefnau cymeradwy

---

1. prif gyfrifoldebau'r cyflogwr a'r cyflogai o dan y ddeddfwriaeth iechyd a diogelwch gyfredol a sut i gydymffurfio â hi
2. prif gyfrifoldebau'r cyflogwr a'r cyflogai o dan ddeddfwriaeth amgylcheddol
3. sut i gynnal ac adolygu asesiadau risg penodol i risg
4. arferion gweithio a allai dorri mesurau iechyd a diogelwch gan gynnwys gweithgareddau, gweithdrefnau, defnyddio deunyddiau neu offer a thechnegau gweithio a ddefnyddir
5. llinellau adrodd, rolau, cyfrifoldebau a lefelau awdurdod y cwmni
6. pwy yw’r bobl ddynodedig o fewn gweithdrefnau’r gwaith a’r gweithdrefnau iechyd a diogelwch
7. nodi a defnyddio gweithdrefnau diogel ar gyfer trin deunyddiau peryglus a deunyddiau nad ydynt yn beryglus
8. gweithdrefnau cofnodi ac adrodd ar ddamweiniau’r sefydliad
9. ystod a defnydd cyfarpar diogelu personol ar gyfer y gweithgaredd gwaith a'r gweithdrefnau ar gyfer sicrhau bod y cyfarpar diogelu personol yn addas i'r diben
10. gweithdrefnau adrodd statudol, sefydliadol ac mewn argyfwng
11. y rheoliadau dylunio a rheoli adeiladu cyfredol a sut maent yn effeithio ar eich maes gwaith
12. deddfwriaeth a rheoliadau iechyd a diogelwch ar gyfer arferion gweithio diogel o ran peiriannau, cyfarpar a’r amgylchedd gwaith
13. sut mae sicrhau bod peiriannau a chyfarpar yn addas i’r diben
14. sut i ddarparu mynedfeydd ac allanfeydd diogel i leoliadau gwaith ac oddi yno
15. sut i nodi man cyfyng a ble mae gan leoliad gwaith y potensial i ddod yn fan cyfyng, y peryglon sy'n gysylltiedig â hynny a'r gweithdrefnau i'w dilyn
16. pwysigrwydd rhoi mesurau rheoli ar waith ar gyfer risgiau a nodwyd
17. sut i fonitro diogelwch y safle ac ymateb i unrhyw ymddygiad anniogel
18. gofynion sefydliadol ar gyfer storio a defnyddio cyfarpar diogelu personol (PPE) yn ddiogel
19. gweithdrefnau brys cymeradwy
20. sut i gadarnhau dealltwriaeth a gwirio gwybodaeth a dderbynnir am gywirdeb, dilysrwydd ac ystyr a phwysigrwydd gwneud hynny
21. pwysigrwydd dehongli a dilyn cyfarwyddiadau yn gywir
22. pwysigrwydd cadarnhau bod pobl eraill yn deall cyfarwyddiadau a roddir gennych a sut i wneud hynny
23. dulliau o gofnodi gwybodaeth ar lafar, yn ysgrifenedig ac ar gyfrifiadur
24. gwybodaeth y mae angen ei rhoi i eraill yng nghyswllt iechyd, diogelwch a diogeledd y safle
25. ffynonellau gwybodaeth yng nghyswllt diogelwch a diogeledd a sut i gael gafael arnynt
26. pwysigrwydd cyflenwi gwybodaeth gywir, mewn fformat addas i'r diben, ac o fewn amserlenni a nodwyd
27. diben llwybrau archwilio data a sut i'w defnyddio a'u cynnal
28. polisïau cyfrinachedd y sefydliad

---

---

---

---

---

---

---

---

---

---

2

---

01 Maw 2027

---

Ar hyn o bryd

---

Gwreiddiol

---

Energy & Utility Skills

---

EUSMUNC10

---

Adeiladu Rhwydwaith Dŵr, Adeiladu Rhwydwaith Aml-Gyfleustodau, Adeiladu Rhwydwaith Nwy

---

---

cynnal, diogel, diogelwch, cyfleustod, cyfleustodau, rhwydwaith, adeiladu, gweithrediadau, nwy, LPG, hydrogen, dŵr, aml-ddefnydd

---